<div class="article-content">
<p><strong>ភ្នំពេញ</strong> : ក្រុមយុវជនស្រវឹង មានគ្នា ៣នាក់ បានបើកម៉ូតូ សេ១២៥ មួយគ្រឿង ក្នុងល្បឿន យ៉ាងលឿន បើករេពេញផ្លូវ បានជ្រុលទៅ បុកនារីម្នាក់កំពុងជិះកង់ បណ្តាលឲ្យនារីរូបផ្លោងទៅ ធ្លាក់លើម៉ូតូ គុបមួយ គ្រឿងទៀត បើកបរដោយនារីម្នាក់ ដែលកំពុងធ្វើដំណើរ នៅខាងមុខ បណ្តាលឲ្យដួលរាយ ប៉ាយ រងរបួសធ្ងន់ និងស្រាល មនុស្សចំនួន ៥នាក់ រណូករណែល ពេញផ្លូវ ។</p>
<p>ហេតុការណ៍ គ្រោះថ្នាក់ចរាចរ ដែលបង្កឡើងដោយម៉ូតូ របស់ក្រុមជនស្រវឹងទាំងថ្ងៃ នេះ កើតឡើង កាលវេលា ម៉ោង២ និង១៥នាទី ថ្ងៃទី១៨ ខែកុម្ភ: ឆ្នាំ២០១៤ ស្ថិតនៅ តាមបណ្តោយផ្លូវព្រះនរោត្តម មុខបុរីចំការមន ក្នុងសង្កាត់ ទន្លេបាសាក់ ខណ្ឌចំការមន រាជធានីភ្នំពេញ ។</p>
<p>សាក្សីនៅកន្លែងកើតហេតុ បាននិយាយថា មុនពេលកើត ហេតុ ឃើញក្រុមយុវជនបង្ក នេះ បើកម៉ូតូ ម៉ាកសេ១២៥ ពណ៌ខ្មៅ ពាក់ស្លាកលេខ ភ្នំពេញ 1BK-9782 មានគ្នា៣នាក់ ក្នុងទិសដៅពីត្បូងទៅជើង ពោលគឺបើកចុះពីស្ពាន អាកាសក្បាលថ្នល់ ដោយល្បឿនយ៉ាងលឿនស្លេវហើយរេពេញផ្លូវ លុះមកដល់ ចំណុចកើតហេតុ ម៉ូតូរបស់ យុវជនបង្ក បានជ្រុលទៅបុក កង់ ជិះដោយនារីម្នាក់ ហើយផ្លោងទៅបុក នឹងម៉ូតូគុបមួយគ្រឿងទៀត ដែលកង់ និងម៉ូតូរងគ្រោះ បើកបរ ស្របទិសគ្នា ពោលគឺកង់ នៅពីក្រោយម៉ូតូ បណ្តាលឲ្យ រដូលរណែលរាយប៉ាយពេញផ្លូវ ហើយរងរបួសមនុស្ស ចំនួន៥នាក់ ។</p>
<p>ក្នុងហេតុការណ៍គ្រោះថ្នាក់ នេះសមត្ថកិច្ចបានបញ្ជាក់ បង្កឡើងដោយក្រុមយុវជន ដែលបើកម៉ូតូសេ១២៥ បើកដោយយុវជនម្នាក់ ឈ្មោះ ហេង វុទ្ឋី អាយុ ២៦ឆ្នាំ រងរបួសធ្ងន់ និងអ្នកជិះពីក្រោយ ២នាក់ រងរបួស ស្រាល ហើយពួកគេទាំងនេះ ស្នាក់នៅសង្កាត់ ចាក់អង្រែលើ ខណ្ឌមានជ័យ ។ ចំណែកនារីរងគ្រោះ ដែលជិះកង់ ឈ្មោះ ចែម សូនីតា អាយុ ២២ឆ្នាំ លក់ដូរ ស្នាក់នៅសង្កាត់ព្រែកប្រា ខណ្ឌមានជ័យ រងរបួសធ្ងន់ ។ ដោយឡែក នារីរងគ្រោះម្នាក់ទៀត ឈ្មោះ កូវ ពៅ អាយុ ៤០ឆ្នាំ ស្នាក់នៅផ្ទះលេខ១៦៤១ ភូមិទួលរកា សង្កាត់ចាក់អង្រែក្រោម ខណ្ឌមានជ័យ បើកម៉ូតូម៉ាក គុបជ្រុង ពណ៌ទឹកប៊ិច ពាក់ស្លាកលេខ ភ្នំពេញ 1I-0570 រងរបួសស្រាល ។</p>
<p>ក្រោយកើតហេតុ សមត្ថកិច្ច ចរាចរខណ្ឌចំការមន បានចុះ ទៅអន្តរាគមន៍ និងធ្វើវាស់វែង ព្រមទាំងបាន ហៅរថយន្ត សាមុយដឹកអ្នករងរបួសធ្ងន់ ទៅសង្រ្គោះនៅមន្ទីរពេទ្យ និងអូសយកម៉ូតូបង្ក ម៉ូតូ-កង់រងគ្រោះ ទៅរក្សាទុកនៅ អធិការដ្ឋាន នគរបាលខណ្ឌ រង់ចាំដោះស្រាយ ជាក្រោយ ៕</p>
<p style="text-align: center;"><a class="thickbox" title="" href="/FileManager/Commons/2014/2/18/hong-0478-18-02-2014--16-31-06.jpg"><img src="/FileManager/Articles/mce/2014/2/18/hong-0478-18-02-2014--16-31-06.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/2/18/hong-0479-18-02-2014--16-31-36.jpg"><img src="/FileManager/Articles/mce/2014/2/18/hong-0479-18-02-2014--16-31-36.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/2/18/hong-0480-18-02-2014--16-31-58.jpg"><img src="/FileManager/Articles/mce/2014/2/18/hong-0480-18-02-2014--16-31-58.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/2/18/hong-0481-18-02-2014--16-32-21.jpg"><img src="/FileManager/Articles/mce/2014/2/18/hong-0481-18-02-2014--16-32-21.jpg" alt="" /></a></p>
<p style="text-align: center;"><img src="http://image.dap-news.com:81/dap-news/dap-images/2014/February/id-011/Hong-0482.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/81121-2014-02-18-08-53-11.html"><span style="color: #0000ff;">ដើមអំពិល</span></a></p>
</div>