<div class="article-content">
<p><strong>បាត់ដំបង៖</strong> ភ្លើងកំហឹងស្នេហ៍ត្រីកោណ បានធ្វើឲ្យ ស្រ្តីម្នាក់ដាច់ចិត្តចាក់សម្លាប់ប្តីជាច្រើនកាំបិត <br />ខណៈប្តីកំពុងរួម រស់ជាមួយប្រពន្ធចុងនៅក្នុងផ្ទះជួលមួយកន្លែងស្ថិតនៅក្រុមទី៣៩ ភូមិ១៣មករា <br />សង្កាត់ព្រែកព្រះស្តេច ក្រុង-ខេត្ត បាត់ដំបង នាម៉ោង ៦ និង១០នាទីព្រឹកថ្ងៃអង្គារ ទី២០ ខែសីហា <br />ឆ្នាំ០១៣។ កន្លែងកើតហេតុធ្លាប់កើត មានករណីឃាតកម្ម ចាក់សម្លាប់ម្តាយ និងកូន ថៅកែអេត<br />ចាយម្តងរួចមកហើយ កាលពីចុងឆ្នាំ២០១២។</p>
<p>សមត្ថកិច្ចបានឲ្យដឹងថា ជនរងគ្រោះជាប្តី ដែលស្លាប់ក្រោមផ្លែកាំបិតចិតបន្លែរបស់ភរិយាខ្លួននេះ<br /> មានឈ្មោះជួប ប៊ុនហង្ស អាយុ ៣៦ឆ្នាំ ជាជាងចម្លាក់ឈើមានស្រុកកំណើតនៅភូមិអូរចា សង្កាត់<br />អូរចា ក្រុងបាត់ដំបង។ រីឯភរិ យា មានឈ្មោះ ប្រេន សុគន្ធា អាយុ ៣៥ឆ្នាំ។</p>
<p>បើតាមសេចក្តីរាយការណ៍បឋមពីសាក្សី ដែលស្គាល់ក្រុមគ្រួសារ កើតអំពើហិង្សាចាក់សម្លាប់គ្នា<br />នេះបានឲ្យដឹងថា លោក ជួប ប៊ុនហង្ស ជាជនរងគ្រោះ បានភ្ជាប់និស្ស័យជាមួយភរិយា ប្រេន <br />សុគន្ធា ជាស្រ្តីមេម៉ាយកូន២ ជាច្រើន ឆ្នាំមកហើយ រហូតទទួលបានចំណង ដៃអនុស្សាវរីយ៍កូន<br />២នាក់ថែមទៀតផង។</p>
<p>ចំណងស្នេហាបានប្រែជាប្រេះឆា និងឈ្លោះប្រកែកគ្នាជាញឹកញយបន្ទាប់ពីស្វាមីជាជនរងគ្រោះ<br /> បានលួចលប មានស្រីស្នេហ៍ថ្មីវ័យក្មេង ឈ្មោះ ចាន់ឌី អាយុ ២៧ឆ្នាំ ជាអ្នករស់នៅសៀមរាប។</p>
<p>ប្រភពដដែលបន្តថា លុះមុនថ្ងៃកើតហេតុមួយថ្ងៃ គឺនៅថ្ងៃទី១៩ ខែសីហា ជនរងគ្រោះជាប្តី និង<br />ស្រ្តីជាភរិយា បានជិះម៉ូតូឌុបគ្នាញាំអី យ៉ាងល្អូកល្អិន ព្រមទាំងផ្តល់ថវិកា២០០ដុល្លារថែមទៀត <br />ដើម្បីយកទៅដោះបំណុលរបស់អង្គការ។ ទន្ទឹមជាមួយគ្នានេះ ស្ត្រីជាភរិយាក៏បានសុំថវិកាបន្ថែម<br />ទៀត ដើម្បីយកកូនទើបចាប់កំណើតចេញ តែជនរងគ្រោះជាប្តីមិនបាន ឲ្យនោះទេ ហើយក៏បែក<br />គ្នាទៅ។</p>
<p>ស្រាប់តែយប់ឡើងបុរសជាប្តីមិនស្នាក់នៅជាមួយភរិយានោះទេ បានលប់មករួមដំណេកជាមួយ<br />ស្រីកំណាន់វ័យ ២៧ឆ្នាំ ក្នុងផ្ទះជួលស្ថិតនៅចំណុចកើតហេតុខាងលើ។ លុះព្រឹកឡើង គឺនៅថ្ងៃទី<br />២០ ខែសីហា នេះ ស្រ្តីជាភរិយា បានទៅដល់ទាញយកកាំបិតចិតបន្លែ ស្ទុះទៅចាក់ស្រ្តីកំណាន់<br />ប្រុងផ្តាច់ជីវិត តែដោយសារស្នេហ៍ស្មោះដែរនោះ លោក ប៊ុនហង្ស ជាប្តីបានស្ទុះមករង។</p>
<p>ទោះជាប្តី ចេញមករងកាំបិតយ៉ាងណាក្តី ព្រោះតែ កំហឹងឆាបឆួលពេញ បេះដូងទៅហើយនោះ <br />អ្នកស្រីប្រេន សុ គន្ធា មិនបានបញ្ឈប់សកម្មភាពរបស់ខ្លួនឡើយនៅតែបន្តចាក់ទៅលើប្តីជាច្រើន<br />កាំបិតបណ្តាលឲ្យដេកដួលស្លាប់ ក្នុងថ្លុកឈាមទាំងព្រឹកតែម្តង។</p>
<p>ក្រោយហេតុការណ៍ចាក់សម្លាប់គ្នាកើតចេញពី ភ្លើងហឹង្សាស្នេហាត្រីកោណ ត្រូវបានសមត្ថកិច្ច<br />ចុះដល់កន្លែងកើត ហេតុភ្លាមៗ និងឃាត់ខ្លួនស្រ្តីជាភរិយាដៃដល់និងស្រីកំណាន់ទៅកាន់ទីបញ្ជា<br />ករដ្ឋានកងរាជអាវុធហត្ថ ដើម្បីធ្វើការ សួរនាំផងដែរ។</p>
<p>សូមបញ្ជាក់ផងដែរផ្ទះជួលកន្លែងកើតហេតុខាងលើនេះកាលពីចុងឆ្នាំ២០១២ ក៏មានករណីឃាត<br />កម្មម្តងរួចមក ហើយ ដោយជនដៃដល់ បានចាក់សម្លាប់ថែកែអេតចាយ ម្តាយ និងកូន ស្លាប់ក្នុង<br />ថ្លុកឈាម រហូតដល់ឆ្នាំ២០១៣ នេះ មានករណីដូចគ្នាកើតឡើងជាថ្មីម្តងទៀត៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-099.jpg" alt="Photo by DAP-NEWS" width="550" /></p>
<p style="text-align: center;"><strong>បុរសជាប្តីដេកស្លាប់នៅមុខផ្ទះជួល និង ភរិយាជាជនដៃដល់</strong></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-100.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-101.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>