<p><span style="color: #000000;">ព័ត៌មានអន្តរជាតិ ៖ គួរបញ្ជាក់ ប៉ូលីសក្រុងហុងកុង កំពុងតែរៀបចំ ក្នុងការបោស សម្អាតក្រុមបាតុករ ជាសិស្ស និស្សិត ដែលបានបិទបណ្តាផ្លូវជាច្រើន នៅក្នុងក្រុង រយៈពេលច្រើនជាង ២ ខែមកនេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/11/50-11-12-2014--09-48-35.jpg"><img src="/FileManager/Articles/mce/2014/12/11/50-11-12-2014--09-48-35.jpg" alt="" /></a><br /></span></p>
<p><span style="color: #000000;">ប្រភពសារព័ត៌មានពីទំព័រ ប៊ីប៊ីស៊ី អោយដឹងថា អាជ្ញាធរ បានធ្វើការព្រមានដល់ក្រុមបាតុករអោយចាក ចេញ ដូច្នេះ ប៉ូលីស នឹងអាចសម្អាតបាននូវទីតាំងបោះជំរុំ ក៏ប៉ុន្តែ ក្រុមបាតុករ បាន ប្តេជ្ញាថាខ្លួននៅតែ បន្តមានវត្តមាននៅទីនោះ ។ ដោយឡែក សេចក្តីរាយការណ៍ បញ្ជាក់អោយដឹងថា ចំនួនក្រុមបាតុករ បានធ្លាក់ចុះមកនៅត្រឹមតែចំនួន រាប់រយនាក់ ពោលធ្លាក់ពីចំនួន មួយម៉ឺននាក់ កាល ពីផ្ទុះការតវ៉ា ជា លើកដំបូងអំឡុងខែកញ្ញាកន្លងទៅនេះ ។ ក្នុងនោះ អាជ្ញាធរក្នុងស្រុក បានប្រកាស ផ្តល់ ថេរវេលាយូរ បំផុតក្នុងការចាកចេញគឺនៅម៉ោង 09:00 (01:00GMT) ។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/11/51-11-12-2014--09-48-43.jpg"><img src="/FileManager/Articles/mce/2014/12/11/51-11-12-2014--09-48-43.jpg" alt="" /></a><br /></span></p>
<p><span style="color: #000000;">អ្នកឆ្លងឆ្លើយព័ត៌មានអោយទំព័រ ប៊ីប៊ីស៊ី មានវត្តមាននៅក្នុងទីក្រុង ហុងកុង សរ បញ្ជាក់អោយដឹងថា ក្រុមមន្រ្តីប៉ូលីសបានបន្ថែមកម្លាំង មានវត្តមានកាន់តែច្រើនឡើងៗ នៅទីតាំងផ្ទុះ ការតវ៉ា ក្នុងនោះ គេ ឃើញមានតម្រួតមណ្ឌល អាចចេញនូវការព្រមានលើកចុងក្រោយ អោយក្រុមបាតុករធ្វើការចាកចេញ</span></p>
<p><span style="color: #000000;"><a class="thickbox" title="" href="/FileManager/Commons/2014/12/11/52-11-12-2014--09-48-53.jpg"><img src="/FileManager/Articles/mce/2014/12/11/52-11-12-2014--09-48-53.jpg" alt="" /></a><br /></span></p>
<p><span style="color: #000000;">គួររំឮកថា ករណីផ្ទុះការតវ៉ាលើកនេះ អាចកើតឡើងទៅបាន ដោយក្រុមបាតុករ ទាម ទារ ចង់បានពី រដ្ឋាភិបាលទីក្រុងប៉េកាំង អនុញ្ញាតអោយមានការបោះឆ្នោតសេរី នាឆ្នាំ ២០១៧ ខាង មុខនេះ សម្រាប់ ការរើសមេដឹកនាំក្នុងក្រុងហុងកុង ក៏ប៉ុន្តែ រដ្ឋាភិបាលប្រទេសចិន អះអាងក្តែងៗអោយដឹងថា អ្នកទាំង អស់គ្នាអាចធ្វើការបោះឆ្នោតបាន ក៏ប៉ុន្តែ គណៈកម្មការគាំទ្រ រដ្ឋាភិបាលក្រុងប៉េកាំង នឹង ពិនិត្យលម្អិត ទៅលើបេក្ខភាពផ្ទាល់តែម្តង ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>