<div class="article-content">
<p><span style="color: #000000;"><strong>ភ្នំពេញ ៖</strong> មន្ត្រីអាវុធម្នាក់ ត្រូវបានប្រជាពលរដ្ឋ ប្រទះឃើញដេកស្លាប់ នៅក្នុងដីឡូតិ៍មួយកន្លែង ស្ថិតនៅ តាមផ្លូវ ៥៩៨ សង្កាត់គីឡូម៉ែត្រលេខ ៦ ខណ្ឌឫស្សីកែវ កាលពីព្រឹកព្រលឹម ថ្ងៃទី០៦ ខែកញ្ញា ឆ្នាំ២០១៤ ដែលសពជនរងគ្រោះ ត្រូវបានគេបាញ់សម្លាប់ ។</span></p>
<p><span style="color: #000000;">យោងតាមប្រភពព័ត៌មានពី មន្រ្តីអាវុធហត្ថលើផ្ទៃប្រទេស បានឲ្យដឹងថា ជនរងគ្រោះដែលត្រូវគេសម្លាប់ ខាងលើ គឺជាមន្រ្តីអាវុធ និងជាអ្នកបើករថយន្ត ឲ្យជនជាតិចិនផងដែរ ។</span></p>
<p><span style="color: #000000;">មន្រ្តីនគរបាលព្រហ្មទណ្ឌ រាជធានីភ្នំពេញ ដែលចុះទៅពិនិត្យសពជនរងគ្រោះ នៅកន្លែងកើតហេតុនោះ បាននិយាយថា មិនទាន់មាននរណាម្នាក់ស្គាល់ អត្តសញ្ញាណសពនៅឡើយទេ ហើយក៏មិនទាន់ដឹងថា តើសពជនរងគ្រោះ ត្រូវបានជនល្មើសបាញ់សម្លាប់ពីកន្លែងផ្សេង យកមកទម្លាក់ចោល ឬធ្វើការបាញ់សម្លាប់ នៅកន្លែងកើតហេតុតែម្តង ឬមួយយ៉ាងណានោះឡើយ ដោយរង់ចាំធ្វើការស្រាវជ្រាវ ជាមុនសិន ។</span></p>
<p><span style="color: #000000;">សាក្សីនៅកន្លែងកើតហេតុ បានឲ្យដឹងថា កាលពីយប់ថ្ងៃទី០៥ ខែកញ្ញា នៅវេលាម៉ោងប្រហែល ១០ មាន រថយន្តមួយគ្រឿង មកឈប់នៅក្នុងដីឡូតិ៍ ហើយក៏បើកចេញបាត់ទៅ ។</span></p>
<p><span style="color: #000000;">ជុំវិញករណីឃាតកម្មនេះ ស្នងការរងនគរបាល ជាប្រធានការិយាល័យកណ្តាលយុត្តិធម៌ រាជធានីភ្នំពេញ លោកឧត្តមសេនីយ៍ ជួន ណារិន្ទ បានបញ្ជាក់តាមទូរស័ព្ទថា កម្លាំងនគរបាលជំនាញព្រហ្មទណ្ឌរបស់លោក និងកម្លាំងនគរបាលមូលដ្ឋាន បានចុះទៅកាន់កន្លែងកើតហេតុ ដើម្បីបើកការស៊ើបអង្កេត ចំពោះករណីនេះ ដើម្បីតាមចាប់ជនល្មើសយកមកផ្តន្ទាទោសតាមផ្លូវច្បាប់ ៕</span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0015.jpg" alt="" width="550" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-068/HOU-0016.jpg" alt="" width="550" /></span></p>
</div>
<p style="text-align: right;"><a href="http://www.dap-news.com/2011-06-14-02-39-55/94527-2014-09-06-02-46-10.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>