<p><span style="color: #000000;"><strong>ភ្នំពេញ៖</strong> នៅក្នុងរយៈពេលប៉ុន្មានថ្ងៃ ចុងក្រោយនេះ គេសង្កេតឃើញថា រឿងរ៉ាវស្នេហារង្គោះរង្គើ រវាងបុរសសង្ហា លោក យ៉ែម សំអូន និងភរិយាស្រស់សោភាអ្នកនាង យ៉ាន លីនដា ហាក់មានភាពកក្រើក និងធ្វើឲ្យទស្សនិកជនមានការចាប់អារម្មណ៍ខ្លាំង ។ នៅក្នុងនោះ មានទស្សនិកជនជាច្រើន បានធ្វើការរិះគន់ចំៗ ទៅលើតារាប្រុសរូបនេះ ដែលបានប្រើអំពើហិង្សា ទៅលើភរិយា នៅក្នុងនោះដែរ សូម្បីតែតារាចម្រៀង ពហុជំនាញ អ្នកនាង ខាត់ សុឃីម ក៏បានរំលេចសារបង្ហាញ អារម្មណ៍សោកស្តាយ នៅពេលដែលបានឃើញ គូស្នេហ៍មួយគូនេះ ជួបភាពប្រេះឆា ព្រោះតែ លោក យ៉ែម សំអូន បានប្រើអំពើហិង្សា ទៅលើភរិយារបស់ខ្លួន ។</span></p>
<p><span style="color: #000000;">តារាចម្រៀង និងជាម្ចាស់ហាងសម្អាងការ អ្នកនាង ខាត់ សុឃីម ក្រោយពីបាន ឃើញស្ថានភាពរបស់ តារាចម្រៀង អ្នកនាង យ៉ាន លីនដា ទទួលរងរបួសត្រង់កញ្ចឹងក ដោយសារតែស្វាមីរបស់នាង ប្រើហិង្សាដាក់នោះមក បានធ្វើឲ្យ តារាស្រីសម្បូរវោហាររូបនេះ ទប់ចិត្តមិនបាន ក៏រំលេចសារខ្លីមួយ ក្នុងន័យសោកស្តាយថា «នាងខ្ញុំចូលរួមសោកស្តាយ ចំពោះគូស្នេហ៍មិត្តរបស់ខ្ញុំ ដែលមានបញ្ហានឹងគ្នា...ខ្ញុំក៏មានគ្រួសារខ្ញុំយល់ច្បាស់... មិនមែនខ្ញុំកាន់ខាងស្រីទេ តែខ្ញុំសោកស្តាយចំពោះទង្វើ របស់មនុស្សប្រុស ទោះខុសឬ ត្រូវមិនគួរ លើកដៃវាយប្រពន្ធនោះទេ...អាណិតមនុស្សស្រីដែលជាអ្នកពពោះកូនឲ្យផង សោកស្តាយហួសនិស្ស័យ...» ។</span></p>
<p><span style="color: #000000;">ជាការពិត មិនថាតែ តារាចម្រៀង អ្នកនាង ខាត់ សុឃីម ឬទស្សនិកជនទេ គឺសុទ្ធតែ មានអារម្មណ៍ស្តាយក្រោយ គ្រប់គ្នា ក្រោយពីពួកគេ បានទទួលដំណឹងថា គូស្នេហ៍អ្នកសិល្បៈមួយគូនេះ មានភាពចម្រូងចម្រាស អាចឈានដល់ ផ្លូវបែកបាក់គ្នា ដោយសារតែទង្វើខុសឆ្គង មួយពេលនេះឡើយ គួរណាស់តែជ្រើសរើស យកការដោះស្រាយគ្នាដោយសន្តិវិធី មិនគួរណាប្រើហិង្សា ដាក់ភរិយាឡើយ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/5/7/60-07-05-2015--16-34-09.jpg"><img src="/FileManager/Articles/mce/2015/5/7/60-07-05-2015--16-34-09.jpg" alt="" /></a></span></p>
<p><a class="thickbox" title="" href="/FileManager/Commons/2015/5/7/61-07-05-2015--16-34-16.jpg"><img src="/FileManager/Articles/mce/2015/5/7/61-07-05-2015--16-34-16.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/5/7/60-07-05-2015--16-34-09.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>