<div class="item-page">
<p><span style="color: #000000;"><strong>(ព្រៃវែង)៖</strong> មន្ត្រីបសុពេទ្យនៃមន្ទីកសិកម្ម រុក្ខាប្រមាញ់ និងនេសាទខេត្តព្រៃវែង នៅថ្ងៃទី១៨ ខែមករា ឆ្នាំ២០១៧នេះ បានបញ្ជាឲ្យអាជីវករវៀតណាម ចុះកិច្ចសន្យាបញ្ឈប់ការដឹកសាច់ជ្រូក ដែលគ្មានការអនុញ្ញាតពីមន្រ្តីកម្ពុជា ចូលមកលក់ឲ្យប្រជាពលរដ្ឋកម្ពុជាតទៅទៀត ព្រោះការនាំចូលលក់ឲ្យពលរដ្ឋខ្មែរ កាលពីកន្លងទៅ គឺគ្មានការត្រួតពិនិត្យត្រឹមត្រូវ។</span></p>
<p><span style="color: #000000;">លោក ចិន វិសាល ប្រធានការិយាល័យបសុពេទ្យ នៃមន្ទីរកសិកម្មខេត្ត បានប្រាប់អ្នកសារព័ត៌មានថា លោកបានដឹកនាំកម្លាំងចុះពិនិត្យផ្ទាល់ហើយ ចំពោះអាជីវករវៀតណាម មកលក់សាច់ជ្រូក ពោះជ្រូក ឆ្លងចូលមកតាមច្រកអន្តរជាតិកោះរកា ស្រុកពាមជរ៍ ខេត្តព្រៃវែង។ ដើម្បីធានាសុវត្ថិភាពជូនប្រជាពលរដ្ឋ ក្រុមការងាររបស់លោកបានឲ្យពួកគាត់ធ្វើកិច្ចសន្យា បញ្ឈប់ការនាំចូលសាច់ជ្រូកទាំងនោះ ដោយគ្មានការត្រួតពិនិត្យទៀត។</span></p>
<p><span style="color: #000000;">លោក ចិន វិសាល បានបន្តថា<strong> «ការធ្វើកិច្ចសន្យានេះ គឺសម្រាប់លើកទី១ តែបើពួកគាត់នៅបន្តល្មើសជាលើកទី២ អាជ្ញាធរនឹងចាត់វិធានការក្ដៅតាមផ្លូវច្បាប់»</strong>។</span></p>
<p><span style="color: #000000;">ជាមួយគ្នានោះ ប្រជាពលរដ្ឋខ្មែរ ដែលរស់នៅភូមិកោះរកា និងភូមិជ្រៃថ្មី ឃុំកោះរកា បាននិយាយថា មូលហេតុពួកគាត់សម្រេចចិត្តទិញសាច់ជ្រូក ពោះជ្រូករបស់វៀតណាម ដោយសារតំបន់គាត់ឆ្ងាយពីផ្សារ គ្មានអ្នកលក់ក្រៅពីអាជីវករវៀតណាម ហើយពួកគាត់ទិញសាច់ទាំងនោះ ជាង២០ឆ្នាំ មកហើយ៕</span></p>
<p><span style="color: #000000;"><img src="http://image.freshnewsasia.com/2017/fn-2017-01-18-18-29-00-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-18-18-29-00-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-18-18-29-00-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-18-18-29-00-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-18-18-29-00-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-01-18-18-29-01-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>
</div>