<div class="article-content">
<p><strong>ភ្នំពេញៈ</strong> ក្រុមតារាចម្រៀងស្រី SISTAR និង TAHITI ដែលកំពុងពេញនិយមនៅសាធារណរដ្ឋកូរ៉េ<br /> បានធ្វើដំណើរ មកដល់កម្ពុជា និងបានជួបជុំអ្នកគាំទ្រ ជាយុវវ័យយ៉ាងច្រើនកុះករ ដោយក្តីរំភើប<br />រីករាយ និងចូលរួមប្រគំតន្ត្រី ដ៏ធំ នៅកោះពេជ្រ។</p>
<p>ក្រុមតារាចម្រៀង SISTAR និង TAHITI ដ៏ល្បីល្បាញនេះ បានមកដល់អាកាសយានដ្ឋាន អន្តរជាតិ<br />ភ្នំពេញ នៅ ថ្ងៃសុក្រ ទី២៩ ខែមីនា ដើម្បីសម្តែងនៅក្នុងការប្រគំតន្រ្តីពិសេសមួយ ដែលរៀបចំឡើង<br />ដោយស្ថានីយទូរទស្សន៍ ស៊ី.ធី.អិន (CTN) នៅឯមជ្ឈមណ្ឌលកោះពេជ្រ ក្នុងទីក្រុងភ្នំពេញ នៅល្ងាច<br />ថ្ងៃសៅរ៍ ទី៣០ ខែមីនា ឆ្នាំ២០១៣ នេះ។</p>
<p>នៅក្នុងការបង្ហាញក្រុមតារាចម្រៀង Sistar និង Tihati ឯសណ្ឋាគារ Sunway នៅរសៀលថ្ងៃសៅរ៍ ទី<br />៣០ ខែ មីនា ឆ្នាំ២០១៣នេះ លោក លឹម ឃុនស្រ៊ុន អគ្គនាយករងបណ្តាញទូរទស្សន៍កម្ពុជា CTN <br />មានប្រសាសន៍ថា «CTN ជាស្ថានីយទូរទស្សន៍ឈានមុខគេក្នុងការ នាំមកនូវកម្មវិធីកម្សាន្ត លំដាប់<br />អន្តរជាតិ ក្នុងនោះរួមទាំងការ ប្រគំតន្ត្រីពិសេសៗ ដែលសម្តែងដោយតារាចម្រៀងល្បីៗ នៅលើ<br />ពិភពលោក ជូនដល់ទស្សនិកជននៅ ក្នុង ប្រទេសកម្ពុជា។ ចំណែកការប្រគំតន្ត្រីពិសេសនៅថ្ងៃនេះ<br /> គឺជាការឆ្លុះបញ្ចាំង អំពីការប្តេជ្ញាចិត្តរបស់ CTN ក្នុងការ ន្តបម្រើអារម្មណ៍របស់ទស្សនិកជន ជាមួយ<br />នឹងការប្រគំតន្រ្តី លំដាប់ពិភពលោក»។</p>
<p>លោក លឹម ឃុនស្រ៊ុន បន្តថា «ក្រុមតារាចម្រៀង Sistar និង Tahati គឺជាតារាចម្រៀងស្រីវ័យក្មេង<br /> ដែលកំពុង ពេញនិយមជាងគេបំផុតនៅក្នុងប្រទេកូរ៉េ ក៏ដូចជានៅលើពិភពលោក។ ខ្ញុំជឿជាក់ថា <br />វត្តមានរបស់ពួកគេនៅក្នុង ប្រទេសកម្ពុជា នឹងរួមចំណែកផ្សព្វផ្សាយវិស័យទេសចរណ៍ របស់ប្រ-<br />ទេសជាតិយើង ទៅកាន់សកលលោក ដោយ ឆ្លុះបញ្ចាំងឲ្យឃើញថា ប្រទេសកម្ពុជា គឺជាប្រទេស<br />មួយ ដែលកំពុងរីកចម្រើន និងមានសុវត្ថិភាព សម្រាប់ដំណើរ ទេសចរណ៍កម្សាន្ត»។</p>
<p>Sistar គឺជាក្រុមតារាចម្រៀងស្រីដ៏ល្បីល្បាយរបស់ប្រទេសកូរ៉េខាងត្បូង ដែលបានបង្កើតឡើង<br /> ដោយផលិតកម្ម Starship Entertainment នៅឆ្នាំ២០១០។ សមាជិក៤នាក់របស់គេរួមមាន Hyorin,<br /> Bora, Soyou និង Da som។ ចំណែកឯ Tahiti គឺជាក្រុមតារាចម្រៀងស្រី របស់ប្រទេសកូរ៉េដែរ <br />ដែលមានសមាជិក ៦នាក់ និងបង្កើត ឡើង ដោយផលិតកម្ម Dream Star Entertainment កាលពី<br />ដើមឆ្នាំ២០១២។</p>
<p>សូមជម្រាបថា បណ្តាញទូរទស្សន៍ ស៊ី.ធី.អិន (CTN) បានចាប់ផ្តើមដំណើរផ្សព្វផ្សាយជាផ្លូវការនៅ<br />ឆ្នាំ២០០៣ ដែលជាការវិនិយោគរបស់ក្រុមហ៊ុន ROYAL GROUP ហើយស្ថិតក្រោមការគ្រប់គ្រង<br />របស់ ក្រុមហ៊ុន CAMBO DIA BROADCA STING SERVICE (CBS)។</p>
<p>ក្នុងរយៈពេល១០ឆ្នាំនេះ CTN ដើរតួនាទីជាប្រព័ន្ធផ្សព្វផ្សាយដ៏សំខាន់មួយ ក្នុងវិស័យទូរទស្សន៍<br /> ដោយបានធ្វើ ការផ្សព្វផ្សាយពីព្រឹត្តិការណ៍ជាតិ និងអន្តរជាតិ ការនាំយកនូវខ្សែភាពយន្តល្បីៗពី<br />ក្រៅប្រទេស រួមនឹងការនាំយក នូវក្រុមតារាចម្រៀង អន្តរជាតិល្បីៗជាច្រើនមកសម្តែងនៅកម្ពុជា។</p>
<p>ចំពោះការប្រគំតន្រ្តី លំដាប់អន្តរជាតិនានាដែល CTN ធ្លាប់បានរៀបចំ ដូចជាការប្រគំតន្រ្តី Michael<br /> Learns to Rock នៅឆ្នាំ២០០៥, ការប្រគំតន្ត្រី Ronan Keating និងការប្រគំតន្ត្រី Baby Vox នៅឆ្នាំ<br />២០០៧, ការប្រគំតន្រ្តី PARAN នៅឆ្នាំ២០០៨, ការប្រគំតន្រ្តី Sean Kingston នៅឆ្នាំ២០០៩, ការ<br />ប្រគំតន្ត្រី Shinee នៅឆ្នាំ២០១០ និងការប្រគំតន្រ្តី UKISS នៅឆ្នាំ២០១២៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-135.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-136.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-137.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-138.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-139.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-140.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/ST-141.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>