<p><span style="color: #000000;"><strong>ភ្នំពេញ៖</strong> សេចក្តីរាយការណ៍ពី សមត្ថកិច្ចបានឲ្យដឹងថា នៅម៉ោង១និង៤០នាទីយប់ឈានចូល ថ្ងៃទី២ ខែកក្កដា ឆ្នាំ២០១៥ មានករណីបង្ក្រាបមុខសញ្ញាចោរប្លន់ ដ៏សកម្មក្នុងរាជធានីភ្នុំពេញ ដែលគេឲ្យរហ័សនាមថា ក្រុមអាសង់ និង MSX ដែលការបង្រ្កាបនេះ ត្រូវបានធ្វើឡើងដោយកំលាំងល្បាត របស់អធិការខណ្ឌ៧មករា។</span></p>
<p><span style="color: #000000;">សមត្ថកិច្ចបានរៀបរាប់ថា មុនដំបូងឡើយក្រុមល្បាត បានប្រទះមុខសញ្ញាក្រុមចោរ ២នាក់ជិះម៉ូតូ Dream C125 ពណ៌ខ្មៅ នៅជិតផ្សារអូឫស្សី ក្នុងសង្កាត់បឹងព្រលឹត ខណ្ឌ៧មករា បន្ទាប់មកបានដេញដើម្បីសួរនាំ មិនទាន់បានសួរផង ពួកក្រុមចោរប្លន់ទាំង២នោះ បានធ្វើការបាញ់ប្រហារ មកលើសមត្ថកិច្ចចំនួន២គ្រាប់ តែសំណាងល្អណាស់ ដែលគ្រាប់មិនផ្ទុះ ពេលនោះពួកវាព្យាយាមបើកម៉ូតូ គេចមកជិតដល់កន្លែងស្ថានីយសាំង MPL ទើបចាប់បានម្នាក់នឹងកាំភ្លើងខ្លីមួយដើម រួមទាំងម៉ូតូ Dream C125 ឆ្នាំ២០១៥ ពណ៌ខ្មៅមួយគ្រឿង រីឯម្នាក់ទៀតបានរត់គេច មកដល់ម្តុំនាគព័ន្ធទើបចាប់បាន។</span></p>
<p><span style="color: #000000;">សមត្ថកិច្ចបញ្ជាក់ទៀតថា ក្រោយពីចាប់បានជន សង្ស័យទាំងពីរនាក់ ហើយ សមត្ថកិច្ចបាននាំពួកគេ មករកបន្ទប់ដែលពួកគេជួលស្នាក់ម្តុំសាលា IU ក្នុងសង្កត់ភ្នុំពេញថ្មី ខណ្ឌសែនសុខ បានរកឃើញម៉ូតូ២គ្រឿងមួយគ្រឿងម៉ាក MSX ពណ៌ស ជាម៉ូតូដែលតែងតែជិះធ្វើសកម្មភាព និងមួយគ្រឿងទៀតម៉ាក Scoppy ពណ៌ស ពាក់ស្លាកលេខភ្នំពេញ 1CQ-2805 ដែលទើបប្លន់បានពីនារី២នាក់ជិតផ្សារដើមគរ ក្នុងទឹកដីខណ្ឌចំការមន ហើយបន្ទាប់មកសមត្ថកិច្ច បានបន្តនាំពួកគេមកឆែកបន្ទប់ជួល មុខពេទ្យលោកសង្ឃ ស្ថិតក្នុងសង្កាត់ទឹកថ្លា ខណ្ឌសែនសុខ បានឃើញជនសង្សយ២នាក់ទៀត កំពុងនៅក្នុងបន្ទប់ជួល ក៏បាននាំខ្លួនទៅសួរនៅ អធិការដ្ឋាននគរបាលខណ្ឌ៧មករា ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/2/7-2-2015-11-07-16-am-02-07-2015--11-14-57.png"><span style="color: #000000;"><img src="/FileManager/Articles/mce/2015/7/2/7-2-2015-11-07-16-am-02-07-2015--11-14-57.png" alt="" /></span></a></span></p>
<p><span style="color: #000000;"><object width="500" height="300" data="http://www.youtube.com/v/Mx90nP1R_cA&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Mx90nP1R_cA&rel=1" /></object></span></p>
<p style="text-align: right;"><span style="color: #000000;"><span>ផ្ដល់សិទ្ធដោយ៖ ដើមអម្ពិល</span><br /></span></p>