<div>កាលពីថ្ងៃទី ១០ ខែធ្នូ ម្សិលមិញនេះ កាសែត Mirror របស់អង់គ្លេស បានចុះផ្សាយព័ត៌មានធម្មតា មួយដែលថា "ពិធីបុណ្យរំលឹក មិនមែនជាកន្លែង ដែលសមរម្យ ក្នុងការថតរូប (ថតដោយខ្លួនឯង) នោះទេ"។ ជាក់ស្តែង ថ្នាក់ដឹកនាំកំពូល ២រូបរបស់ អង់គ្លេស និងអាមេរិច បែរជាធ្វើរឿងដូច្នេះ នៅក្នុង ពិធីបុណ្យសព របស់មេដឹកនាំ Nelson Mandela នៅ<span id="result_box" class="short_text" lang="km"><span class="hps">អាហ្រ្វិកខាងត្បូង។</span></span></div>
<div></div>
<div>កាសែត Mirror បានបន្ថែមឲ្យដឹងថា មេដឹកនាំជាន់ខ្ពស់ ២រូប គឺលោក ប្រធានាធិបតី បារ៉ាក់ អូបាម៉ា និងលោក នាយករដ្ឋមន្រ្តីអង់គ្លេស David Cameron បានរួមគ្នាសើចយ៉ាងស្រស់ ហើយ ផ្អៀងខ្លួន ទៅខាង នាយករដ្ឋមន្រ្តី <span id="result_box" class="short_text" lang="km"><span class="hps">ប្រទេសដាណឺម៉ាក លោកស្រី</span></span> Helle Thorning-Schmidt ដើម្បីថតរូប តាម រយះកាមេរ៉ា ទូរស័ព្ទ។ ក្នុងនោះ ភរិយារបស់ លោកប្រធានាធិបតី អាមេរិច លោកស្រី Michelle Obama បានអង្គុយក្បែរនោះ អមដោយទឹកមុខស្រពោន មិនសប្បាយចិត្តឡើយ។</div>
<div></div>
<div><a class="thickbox" title="" href="/FileManager/Commons/2013/12/11/kenh1-11-12-2013--15-18-33.jpg"><img src="/FileManager/Articles/mce/2013/12/11/kenh1-11-12-2013--15-18-33.jpg" alt="" /></a></div>
<div></div>
<div>ក្នុងរយះពេលតែ ២,៣ នាទី ក្រោយពីរូបថត នៃមេដឹកនាំ ទាំងបីខាងលើ បានបង្ហោះក្នុងប្រព័ន្ធ អ៊ីនធឺ ណេត រូបថតមួយសន្លឹកនោះ ត្រូវបានគេចែករំលែកតៗគ្នា យ៉ាងច្រើន និងឆាប់រហ័ស ដែលបង្កឲ្យ មានមតិ ប្រកែកគ្នាយ៉ាងសន្ធឹកផងដែរ ក្នុងពិភពអ៊ីនធឺណេត អន្តរជាតិ។</div>
<div></div>
<div>មនុស្សជាច្រើន បានដាក់ជាសំណួរ ដោយចោទសួរថា: "សកម្មភាពថតរូប (ថតដោយខ្លួនឯង) សើចញញឹម នៅក្នុងពិធីបុណ្យរំលឹក ដល់សពវីរបុរស Mandela តើសក្តិសម ឬក៏អត់"? មនុស្សមូយ ចំនួនទៀត ដែលប្រើប្រាស់ បណ្តាញទំនាក់ទំនងសង្គម បានបង្ហាញពីភាពមិនយល់ព្រម ជាមួយ នឹងការថតរូប (ដោយខ្លួនឯង) បែបនេះ របស់លោកប្រធានាធិបតី អូបាម៉ា រួមជាមួយនឹងនាយក រដ្ឋមន្រ្តី អង់គ្លេស និងដាណឺម៉ាក ឡើយ។ </div>
<div></div>
<div>ក្នុងនោះ អ្នកប្រើប្រាស់អ៊ីនធឺណេត មួយចំនួនផ្សេងទៀត បានឲ្យដឹងថា សកម្មភាពរបស់ លោក អូបាម៉ា និងលោក Cameron គឺសក្តិសម ក្នុងព្រឹត្តិការណ៍ដែលប្រារព្ធធ្វើនៅពហុកីលាដ្ឋាន FNB កន្លែងដែលជនជាតិអាហ្រ្វិកខាងត្បូង រាប់ពាន់នាក់ កំពុងតែរាំ ច្រៀង ដើម្បីរំលឹកដល់សព មេដឹកនាំ ដែល ពួកគេហៅថា Madiba។ </div>
<div></div>
<div>ឆ្លើយតបនឹងចម្ងល់ និងបណ្តាមតិផ្ទុយ ជាច្រើន របស់អ្នកនិយមលេងអ៊ីនធឺណេត លោកនាយករដ្ឋ មន្ត្រី អង់គ្លេស Cameron បានឲ្យដឹងថា ព្រឹត្តិការណ៍ ដែលទើបតែប្រារព្ធរួចហើយថ្មីៗនេះ ដូចទៅពិធី បុណ្យរំលឹក ជាជាងពិធីបុណ្យសព ហើយប្រការដែលសំខាន់នោះ គឺពិភពលោក នឹងចងចាំជាប់ ក្រអៅបេះដូង ជានិច្ច ចំពោះវីរបុរស Nelson Mandela៕</div>
<div></div>
<div style="text-align: right;">ប្រែសម្រួល៖ សិលា<br />ប្រភព៖ kenh14</div>