<div class="article-content">
<p><strong>កំពង់ឆ្នាំង៖</strong> គ្រោះខ្យល់ព្យុះ លាយភ្លៀង បានវាយ ប្រហារលើស្រុក៤ផ្សេងគ្នា ក្នុងខេត្តកំពង់ឆ្នាំង<br />តាំងពី ៨ និង៤០ នាទីយប់ថ្ងៃទី៦ ខែវិច្ឆិកា ឆ្នាំ២០១៣ ហើយបន្តរហូតដល់ ព្រឹកថ្ងៃទី០៧ ខែវិច្ឆិកា<br /> នេះ មិនទាន់ឈប់នៅឡើយ នោះទេ។ គ្រោះខ្យល់ព្យុះនេះ បណ្តាលឲ្យផ្ទះប្រជាពលរដ្ឋ ៦៨ខ្នង<br />រងការខូចខាត និងមនុស្ស ៣នាក់ បានស្លាប់ និង ៦នាក់ផ្សេងទៀត កំពុងជាប់នៅក្នុងព្រៃបឹង<br />ទន្លេសាប ដោយសារខ្យល់ខ្លាំងពេក មិនអាចត្រឡប់មកផ្ទះបាននៅឡើយនោះទេ។</p>
<p>លោក ប្រក់ សុភណ្ឌ័ នាយកប្រតិបត្តកាកបាទក្រហមសាខាខេត្តកំពង់ឆ្នាំង បានឲ្យដឹងថា គ្រោះ<br />ធម្មជាតិខ្យល់ព្យុះ នេះ បានវាយប្រហារលើស្រុកបរិបូណ៌ រលាប្អៀរ ជលគិរី និងកំពង់លែង <br />បណ្តាលឲ្យផ្ទះ៣២ខ្នង ដួលរលំដល់ដី និង ៣៦ខ្នងទៀត ប៉ើងរបើកដំបូល។</p>
<p>ដោយឡែកប្រជាពលរដ្ឋរស់នៅភូមិកោះកែវ ឃុំស្វាយជ្រុំ ស្រុករលាប្អៀរ បានឲ្យដឹងថា ភូមិដ្ឋាន<br />របស់ពួកគាត់រង ផលប៉ះពាល់ដោយសារខ្យល់ព្យុះ និងភ្លៀង បណ្តាលឲ្យផ្ទះចំនួន ១៦ខ្នងដួល<br />រលំ ប៉ើងដំបូលធ្លាក់ទៅក្នុងទឹក ក្នុង នោះ ប្រជាពលរដ្ឋចំនួន៦នាក់ ខណៈពេលចេញទៅនេសាទ<br />មុនមានខ្យល់ព្យុះបាត់ខ្លួន ១យប់។ ប៉ុន្តែរហូតដល់ ម៉ោង ១២ថ្ងៃត្រង់ថ្ងទី៧ ខែវិច្ឆិកា ទទួលបាន<br />ដំណឺងថា មានសុវត្ថិភាព ប៉ុន្តែមិនទាន់ហ៊ានចេញមកផ្ទះវិញ នៅ ឡើយទេ ដោយចតទូកក្នុងព្រៃ<br /> ចំណុចព្រៃកោះ ត្រង់តំបន់វាលភក់ បឹងទន្លេសាប។</p>
<p>បើតាមប្រភពព័ត៌មានពីសមត្ថកិច្ចផ្សេងទៀត បានឲ្យដឹងផងដែរ គ្រោះខ្យល់ព្យុះបណ្តាលឲ្យប្រជា<br />នេសាទ៣នាក់ ស្លាប់ផងដែរ។ ដោយជនរងគ្រោះម្នាក់ឈ្មោះ ជុក ប៉ក់ អាយុ ៦៨ឆ្នាំ ភេទប្រុស<br />នៅភូមិកំពង់រាំង ឃុំស្វាយជ្រុំ ស្រុករលាប្អៀរ បានស្លាប់ព្រោះភ័យរន្ធត់ពេលភ្លៀងព្យុះ។</p>
<p>ជនរងគ្រោះ ២នាក់ទៀត បានលង់ទឹកស្លាប់ ដោយសារលិចទូកពេលទៅរាយសន្ទូចនៅចំណុច<br />ស្ទឹងកំបុត ក្នុងឃុំ សំរោងសែន ព្រំប្រទល់ខេត្តកំពង់ឆ្នាំង និងកំពង់ធំ។ ជនរងគ្រោះទី១. ឈ្មោះ <br />ណាង និងទី២. ឈ្មោះ ឆឺយ រស់នៅ ភូមិតាឡាត់ ឃុំស្វាយរំពា ស្រុកកំពង់លែង។</p>
<p>ដោយឡែកនៅម៉ោង ៨ និង៤០នាទីព្រឹកថ្ងៃទី៧ ខែវិច្ឆិកា នៅចំណុចប៉ុស្តិ៍រដ្ឋបាលសង្កាត់ប្អេរ ស្ថិត<br />ក្នុងភូមិប្អេរ សង្កាត់ប្អេរ ក្រុងកំពង់ឆ្នាំង មានភ្លៀងលាយឡំ និងខ្យល់ផង បានបោកបក់បណ្តាលឲ្យ<br />ដើមស្វាយមួយដើមរលំបាក់ សង្កត់លើប៉ុស្តិ៍រដ្ឋបាលសង្កាត់ប្អេរផងដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-009/ST-004.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>