<p><strong>ភ្នំពេញ ៖</strong> គ្រោះថ្នាក់ចរាចរដ៏គួរឲ្យរន្ធត់មួយ ដែលគេនឹកស្មានមិនដល់ គឺបុរសពីរនាក់ បាន<br />ស្លាប់បាត់បង់ជីវិត យ៉ាងអាណោចអាធម៌ ក្នុងខណៈដែល ពួកគេជិះម៉ូតូគ្រឿង ក្នុងល្បឿនលឿន<br /> បុកគ្នាពេញទំហឹង កាលពីវេលាម៉ោង ៦និង០០នាទីព្រឹក ថ្ងៃទី ២៦ ខែធ្នូ ឆ្នាំ២០១២ នៅតាម<br />បណ្តោយផ្លូវជាតិ លេខ៣ ខាងជើងវិទ្យាល័យ ពងទឹក ជាង២០០ម៉ែត្រ ស្ថិតក្នុងភូមិស្រែញរ <br />សង្កាត់ពងទឹក ខណ្ឌដង្កោ។</p>
<p>សមត្ថកិច្ចមូលដ្ឋាន ដែលចុះទៅពិនិត្យនិងវាស់វែង ដល់កន្លែងកើតហេតុបានឲ្យដឹងថា បុរសពីរ<br />នាក់ដែលស្លាប់ក្នុងហេតុការណ៍ខាងលើនេះ ទី១ ឈ្មោះ ដុម សុមិនា ភេទប្រុស អាយុ ២៩ឆ្នាំ <br />មានស្រុកកំណើត នៅភូមិតារកា ឃុំរកាក្នុង ស្រុកដូនកែវ ខេត្តតាកែវ បានជិះម៉ូតូម៉ាក វេវ ពណ៌<br />ខ្មៅ។ ចំណែកម្នាក់ទៀត មានឈ្មោះ សុទ្ធ ឌីសាទ ភេទប្រុស អាយុ២៦ឆ្នាំ មានស្រុកកំណើត ភូមិ<br />ខ្លាគ្រហឹប ឃុំអំពិលទឹក ស្រុកកំពង់ត្រាយ ខេត្តកំពង់ឆ្នាំ ជិះម៉ូតូម៉ាកសេ១២៥ ពណ៌ខ្មៅ។ </p>
<p>សាក្សីដែលឃើញហេតុការណ៍ជាក់ស្តែង បានបន្តឲ្យដឹងថា មុនពេលកើតហេតុ គេសង្កេតឃើញ<br /> បុរសឈ្មោះ ដុម សុមិនា បានជិះម៉ូតូវេវ ក្នុងល្បឿន យ៉ាងលឿនតាមបណ្តោយផ្លូវជាតិលេខ៣ក្នុង<br />ទិសដៅពីត្បូងទៅជើង លុះមកដល់ចំណុចកើតហេតុខាងលើ រូបគេបាន ជិះម៉ូតូវ៉ា ជាមួយនឹងរថ<br />យន្ត មិនស្គាល់ម៉ាកមួយគ្រឿង បណ្តាលឲ្យរេចង្កូតបុកជាមួយនឹងបុរសឈ្មោះ សុទ្ធ ឌីសាទ ដែល<br />កំពុងជិះម៉ូតូម៉ាកសេ១២៥ បញ្ច្រាសទិសគ្នាពេញទំហឹងតែម្តង ដែលបណ្តាលឲ្យឈ្មោះ ដុម សុមិនា<br /> ដួលបោកខ្លួនបាក់ក បាក់ដៃ បាក់ជើង ស្លាប់បាត់បង់ជីវិតយ៉ាងអាណោចអាធម៌ នៅចំពាក់កណ្តាល<br /> ផ្លូវជាតិលេខ៣ និងឈ្មោះ សុទ្ធ ឌីសាទ ជាម្ចាស់ម៉ូតូសេ១២៥ ត្រូវរថយន្តសាមុយរបស់អង្គភាព៧១១<br /> កងពលតូច លេខ៧០ ដឹកយកទៅសង្គ្រោះ នៅមន្ទីពេទ្យ ត្រូវបានស្លាប់បាត់បង់ជីវិតនៅពេលដែល<br />បញ្ជូនទៅដល់មន្ទីរពេទ្យ។ ចំណែកម៉ូតូទាំងពីរគ្រឿង ត្រូវរងការខូចខាតខ្ទេច ម៉ត់ទាំងស្រុងតែម្តង ។</p>
<p>បន្ទាប់ពីកើតហេតុ ប៉ូលិសជំនាញបានចុះមកវាស់វែង អូសយកម៉ូតូទាំងពីរគ្រឿង ទៅរក្សាទុក នៅ<br />ការិយាល័យចរាចរជើងគោក រាជធានីភ្នំពេញដើម្បីដោះស្រាយតាមផ្លូវច្បាប់។ គ្រោះថ្នាក់ចរាចរណ៍<br />នេះសមត្ថកិច្ចបានបញ្ជាក់ថា បង្កឡើងដោយសារភាគីទាំងពីរ បើកបរក្នុងល្បឿនលឿនដូចគ្នា៕</p>
<p><a class="thickbox" title="" href="/FileManager/Commons/2012/12/26/that-0568-26-12-2012--10-56-19.jpg"><img src="/FileManager/Articles/mce/2012/12/26/that-0568-26-12-2012--10-56-19.jpg" alt="" /></a></p>
<p><a class="thickbox" title="" href="/FileManager/Commons/2012/12/26/that-0570-26-12-2012--10-56-36.jpg"><img src="/FileManager/Articles/mce/2012/12/26/that-0570-26-12-2012--10-56-36.jpg" alt="" /></a></p>
<p><a class="thickbox" title="" href="/FileManager/Commons/2012/12/26/that-0571-26-12-2012--10-56-52.jpg"><img src="/FileManager/Articles/mce/2012/12/26/that-0571-26-12-2012--10-56-52.jpg" alt="" /></a></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/54965-2012-12-26-03-09-52.html"><span style="color: #0000ff;">ដើមអំពិល</span></a></p>