<div class="article-content">
<p><strong>ភ្នំពេញ៖</strong> មន្ទីរពេទ្យជោរៃ ដ៏ល្បីល្បាញ របស់ប្រទេសវៀតណាម បានមកបណ្តាក់ទុន និងបោះ<br /> ទីតាំង យ៉ាងរឹងមាំនៅរាជធានីភ្នំពេញ ក្នុងទឹកដីខណ្ឌមានជ័យនោះ គ្រោងបើកដំណើរការជា<br />ផ្លូវការ នាថ្ងៃទី១៣ ខែមករា ឆ្នាំ២០១៤ខាងមុខ ហើយមុនពេលបើកសម្ពោធនេះ ក៏នឹងពិនិត្យ<br />ជំងឺឲ្យ ប្រជាជនកម្ពុជាសាកល្បង ចាប់ពីថ្ងៃទី២១ ខែវិច្ឆិកា ឆ្នាំ២០១៣នេះដែរ។</p>
<p>លោក ប៉ា សុជាតិវង្ស អភិបាល នៃគណៈអភិបាលរាជធានីភ្នំពេញ បានមានប្រសាសន៍ ក្នុង<br />កិច្ចប្រជុំ កាលពីព្រឹកថ្ងៃទី៣០ ខែតុលា ថា បើគ្មានអ្វីកែប្រែទៀតទេនោះ មន្ទីរពេទ្យ ជោរៃ<br /> គ្រោងនឹងបើក សម្ពោធជាផ្លូវការនៅថ្ងៃទី១៣ ខែមករា ដើមឆ្នាំ២០១៣ខាងមុខនេះ ក្រោមវត្ត<br />មានដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្ត្រី និង មានការអញ្ជើញចូលរួម ពីលោក<br />នាយករដ្ឋមន្ត្រី នៃ សាធារណរដ្ឋសង្គមនិយមវៀតណាម។</p>
<p>លោកបានបញ្ជាក់ថា មុនពេលមកដល់ថ្ងៃសម្ពោធនោះ ក្រុមការងារដែលពាក់ព័ន្ធរួមមាន<br /> សាលា រាជធានីភ្នំពេញ ក្រុមហ៊ុនសុខគង់ មន្ទីរពេទ្យជោរៃផ្ទាល់ និងផ្នែកបច្ចេកទេសទូទៅ<br /> ត្រូវជំរុញ កិច្ចការងាររបស់ខ្លួន ឲ្យបានរួចរាល់ ដើម្បីធានាគុណប្រយោជន៍ ដោយទទួល<br />ខុសត្រូវខ្ពស់។ ក្នុង នោះក៏ត្រូវបំពាក់សម្ភារបរិក្ខារពេទ្យ និងមានក្រុមគ្រូពេទ្យ គ្រប់គ្រាន់ជា<br />មុនសិន ពិសេស គឺការត ចូលប្រព័ន្ធទឹក ភ្លើង ដែលធានាដល់ការផ្គត់ផ្គង់ និងប្រព័ន្ធបរិស្ថាន<br />ជុំវិញនោះទៀតផង។</p>
<p>លោក Nguyen Hoang នាយកមន្ទីរពេទ្យជោរៃ ប្រចាំរាជធានីភ្នំពេញ បានឲ្យដឹងថា កិច្ចការសាង <br />សង់សំណង់អគារ ព្រមទាំងការតភ្ជាប់ប្រព័ន្ធអគ្គិសនី ទឹក និងការរៀបចំបទដ្ឋានបរិស្ថាន ជុំវិញ<br /> ត្រូវបានធ្វើឡើង តាមបែបបច្ចេកទេស បានយ៉ាងត្រឹមត្រូវ និងរួចរាល់ជាស្ថាពរហើយ។</p>
<p>លោក Nguyen Hoang បានលើកឡើងទៀតថា សុំពេលប្រមាណជា១០ថ្ងៃ ដើម្បីបំពាក់<br />ឧបករណ៍ បរិក្ខារពេទ្យយ៉ាង ទំនើបៗនិងជាបច្ចេកទេសចុងក្រោយ ដែលបាននាំចូលពី<br />បរទេស ហើយបច្ចុប្បន្ន នេះ បាននាំមកដល់កម្ពុជាហើយ ដែលរង់ចាំតែ ក្រុមបច្ចេកទេស<br />ដំឡើងតែប៉ុណ្ណោះ។</p>
<p>ចំណែកឯ ក្រុមវេជ្ជបណ្ឌិតវិញ នៅសប្តាហ៍ក្រោយ ខាងភាគីមន្ទីរពេទ្យ ជោរៃប្រទេសវៀតណាម<br /> នឹងបញ្ជូនមកដល់ភ្នំពេញ ដើម្បីរៀបចំចាត់ចែងតាមបន្ទប់ពិនិត្យផ្សេងៗ ។</p>
<p>គួរបញ្ជាក់ថា ក្រៅពីកសាងមន្ទីរពេទ្យដ៏ទំនើប ដែលមិនធ្លាប់មាននៅកម្ពុជានោះ សាធារណរដ្ឋ <br />សង្គមនិយមវៀតណាម (ទីក្រុងហាណូយ) បានសម្រេចផ្តល់ថវិកា ចំនួន២លានដុល្លារ ដើម្បី<br />កសាង អគារសាលាបឋមសិក្សាដូនពេញ នៅរាជធានីភ្នំពេញមួយ បន្ថែមទៀតផងដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0422.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0423.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-014/that-0424.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>