<p><strong>ភ្នំពេញ៖</strong> តារាសម្តែងសាច់សខ្ចី វ័យ២៦ ឆ្នាំកញ្ញា មាន សម្ផស្ស មួយរយៈកាលមុននេះ បានចេញ<br />មុខប្រកាស បើកជាជំហរឱ្យមហាជន បានដឹងថា ទំនាក់ទំនង ស្នេហារវាងនាង និង បុរសជនជាតិ<br />កូរ៉េ ឈ្មោះ គឹម លី បានដើរដល់ផ្លូវបែកបាក់ ហើយក៏លែងមាន ជាប់ជំពាក់ស្នេហ៍ អីជាមួយគ្នាទៀត<br />ដែរ។</p>
<p>ខណៈដែលតារាស្រីរូបនេះ បានប្រកាសពី ការបែកបាក់ស្នេហ៍ គេក៏បានដឹងដែរថា មាន សម្ផស្ស បិទ<br />បេះដូងមួយរយៈសិន។ ប៉ុន្តែការប្រកាសនេះ មិនទាន់ទាំង បានប៉ុន្មានផង ក៏ស្រាប់តែធ្លាយព័ត៌មាន<br /> មកថា មាន សម្ផស្ស កំពុងសំងំលួច បង្កាត់ភ្លើងស្នេហ៍ក្រៅឆាក ជាមួយបុរសថ្មី ដែលជាអ្នកសិល្បៈ<br />ដូចគ្នា។</p>
<p>ប្រភពព័ត៌មានចេញពី ចង្កោមអ្នកសិល្បៈ ដូចគ្នាបានលួចបង្ហើបថា មួយរយៈមុននេះគេតែង បានឃើញ<br />តារាសម្តែង ស្រីនាង មាស សម្ផស្ស ដើរទៅណាមកណា ជាមួយបុរសម្នាក់ដែល មានវ័យប្រមាណជាង<br />២០ ឆ្នាំ។ ម្យ៉ាងទៀតគេ ក៏បានដឹងថា បុរសម្នាក់នេះ ជាអ្នកសិល្បៈដូចគ្នា ទៀតផង។</p>
<p>ប្រភពខាងលើបានបន្តថា បើតាមការសង្កេតមើល ទៅលើអ្នកទាំងពី នេះប្រហែលជាកំពុង តែលួចទាក់<br />ទងស្នេហា ក្រៅឆាកដ៏ផ្អែម ជាមួយគ្នាទៀតផង។ <span style="line-height: 1.8;">ពាក់ព័ន្ធព័ត៌មានខាងលើ នេះត្រូវបាន កញ្ញា មាស<br /> សម្ផស្ស ចេញមុខបដិសេធភ្លាមៗ ដោយនិយាយប្រាប់ Looking TODAY តាមទូរស័ព្ទនៅរសៀល ថ្ងៃទី<br /> 8 ខែ មេសា ឆ្នាំ 2013 ថា “ តាមពិតទៅវាមិនមែន ជារឿងពិតនោះទេ គឺគ្រាន់តែជាការយល់ច្រឡំ ។ ខ្ញុំ<br />អត់មានទេ”។</span></p>
<p>កញ្ញា មាស សម្ផស្ស បានបន្តថា “ ពិបាកណាស់មាត់មនុស្ស ឱ្យតែឃើញយើងដើរ ជាមួយនរណាម្នាក់<br />គេថាស្រលាញ់គ្នា លួចលាក់មាន ស្នេហាជាមួយគ្នា ហើយដោយសារ គេយល់ច្រឡំ ច្រើនពេកនោះគឺ<br /> ខ្ញុំឈប់ដើរ ជាមួយគេវិញហើយ។ម្យ៉ាងទៀតពេលខ្លះ ខ្ញុំទៅកម្មវិធីគឺច្រើន ហៅមិត្តភក្តិស្គាល់គ្នា ទៅជា<br />មួយ ទើបធ្វើឱ្យមានការយល់ច្រឡំ មកលើខ្ញុំបែបនេះ”។</p>
<p>ស្រីស្រស់រូបនេះ បានបញ្ជាក់ថា “ ខ្ញុំសុំបដិសេធទាំងស្រុង ចំពោះព័ត៌មាននេះ គឺវាមិនមែនជារឿង ពិត<br />នោះទេ ហើយសូមកុំមាន ការយល់ច្រឡំមកលើខ្ញុំទៀត អីចំពោះរឿងនេះ”។ កញ្ញា មាស សម្ផស្ស និ<br />យាយទៀតថា “បច្ចុប្បន្នគឺបេះដូងនាងនៅទំនេរ ហើយក៏មិនចង់គិតរឿងនេះ ទៀតដែរ គឺទុកពេលឱ្យ<br />នៅទំនេរ រកស៊ីសិន”៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0152.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2290.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-099/v_2292.jpg" alt="Looking Today" width="500" /></p>
<p style="text-align: center;"><img title="" src="http://image.lookingtoday.com:81/lookingtoday/looking-images/news/2013/March/id-099/v_2289.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>