<p>ភ្នំពេញៈ ថ្មីៗកន្លងទៅនេះ តារាកំប្លែងល្បីឈ្មោះ ប្រចាំសា្ថនីយទូរទស្សន៍ ស៊ី ធី អ៉ិន លោក ចែម<br /> ចាន់តារា ហៅនាយ ពែកមី ត្រូវបានទស្សនិកជនមួយចំនួន នាំគ្នានិយាយតៗគ្នា ពីមាត់មួយទៅ<br />មាត់មួយថា លោកត្រូវបានគេចាប់ដាក់គុក ទើបធ្វើឲ្យលោកអវត្តមាន មិនបានឡើងសម្តែង នៅ<br />លើកញ្ចក់ទូរទស្សន៍។ ពាក្យចចាមអារ៉ាមទាំងអស់នេះ ត្រូវបានតារាកំប្លែងរូបនេះ ចេញមុខច្រាន<br />ចោល បែបភ្ញាក់ផ្អើលភ្លាមៗ បន្ទាប់ពី លោកបានទទួលព័ត៌មានបែបនេះភ្លាម ។</p>
<p>ការលេចឮពាក្យចចាមអារ៉ាមនេះ បានលើកឡើងតៗគ្នាទាំងខាងក្រៅ និងតាមរយៈបណ្តាញ<br />ទំនាក់ទំនងសង្គម Facebook ពីមួយទៅមួយថា តារាកំប្លែងនាយ ពែកមី ត្រូវបានសមត្ថកិច្ច <br />ចាប់ដាក់គុកក្រោយពីលោកឃោសនា គណបក្សខុសហើយមិនត្រឹមតែប៉ុណ្ណោះ លោកក៏ត្រូវ<br />ខាងស្ថានីយទូរទស្សន៍ ហាមឃាត់មិនឲ្យឡើងប៉ុស្តិ៍ សម្តែងទៀតទេ ។</p>
<p>បើតាមប្រភពខាងលើ បានប្រាប់ឲ្យដឹងទៀតថា មូលហេតុដូច្នេះហើយ បានជាលោក អាក់ខាន<br />មិនបានចូលរួមសម្តែងកំប្លែង កាលពីពេលកន្លងទៅនេះ ។ ហើយសន្ទុះកេរ្តិ៍ឈ្មោះរបស់លោក<br /> ក៏ប្រហែលជាធ្លាក់កូដ ទៅតាមហ្នឹង ហើយដោយសារតែត្រូវបាត់មុខ ពីវិស័យសិល្បៈ និងមិន<br />បានឡើងបង្ហាញវត្តមាន លើកញ្ចក់ទូរទស្សន៍ដូចពេលមុនទៀតនោះទេ។</p>
<p>ពាក់ព័ន្ធនឹងការលើកឡើងនេះដែរ លោក ពែកមី បានទូរស័ព្ទមកមជ្ឈមណ្ឌលព័ត៌មានដើមអម្ពិល<br /> ដោយផ្ទាល់ នៅថ្ងៃទី២២ ខែកក្កដា ឆ្នាំ២០១៣ នេះដោយលោកបានច្រានចោល ព័ត៌មានទាំង<br />អស់នោះ គឺមិនមែនជារឿងពិតនោះទេ ហើយពេលនេះលោកក៏នៅតែ មានវត្តមានបន្តអាជីព<br />ចាស់ ដដែលមិនបានបាត់វត្តមានទៅណា ឬក៏ជាប់គុកដូចការលើកឡើង នាពេលកន្លងមកនោះ<br />ទេ។</p>
<p>តារាកំប្លែងសម្បូរវោហាររូបនេះ បានប្រាប់ឲ្យដឹងបន្ថែមទៀតថា “ ខ្ញុំពិតជាមានការភ្ញាក់ផ្អើល <br />ណាស់នៅពេលដែលឮព័ត៌មានបែបនេះ ត្រូវកើតឡើងលើខ្ញុំទាំងដែលខ្ញុំ មិនបានដឹងខ្លួនទាល់<br />តែសោះ ខ្ញុំទើបតែដឹងនៅពេលឃើញទស្សនិកជន និងបងប្អូនប្រជាពលរដ្ឋមានការភ្ញាក់ផ្អើល<br /> និងសួរខ្ញុំពីរឿងនេះ ” ។</p>
<p>នាយ ពែកមី បានប្រាប់ឲ្យដឹងទៀតថា “ តាមពិតទៅខ្ញុំនៅតែបន្តលេងដដែល ហើយការដែល<br />ខ្ញុំបាត់វត្តមាន មួយសប្តាហ៍នោះ គឺដោយសារតែខ្ញុំឈឺមិនមែន មានបញ្ហាដូចការលើកឡើង <br />ខាងលើទេហើយខ្ញុំពាក់មី នៅតែបន្តអាជីពនេះដដែល ហើយខ្ញុំសង្ឃឹមថាក្រោយពីខ្ញុំចេញមុខ<br /> បកស្រាយរឿងនេះរួច និងធ្វើឲ្យទស្សនិកជនលែងយល់ច្រឡំទៀត ” ។</p>
<p>លោក ចែម ចាន់តារា ហៅនាយ ពែកមី គឺជាតារាកំប្លែងប្រុសមួយដួង ដែលមានភាពលេចធ្លោ<br />ខ្លាំង នៅក្នុងក្រុមកំប្លែងល្បី ឈ្មោះប្រចាំស្ថានីយទូរទស្សន៍ ស៊ី ធី អ៉ិន ចាប់តាំងពីលោកចូលប្រ<br />ឡូក ក្នុងវិស័យសិល្បៈលោកធ្លាប់ជួបប្រទះ និងរឿងអាស្រូវស្នេហាជាមួយ តារាស្រីល្បីឈ្មោះ<br />រួមក្រុម នាង ខ្ញុង តែព័ត៌មាននេះ ត្រូវបានសាបរលាប ទៅវិញ មិនបានប៉ុន្មាន ផង ។ ស្រាប់តែ<br />ថ្មីៗនេះ លោកបានជំពប់និងរឿងថ្មីមួយទៀត ដែលមានការលើកឡើងតៗគ្នា លោកត្រូវបាន<br />សមត្ថកិច្ច ចាប់ដាក់គុក និងលែងបានបង្ហាញមុខនៅលើ កញ្ចក់ទូរទស្សន៍ទៀតហើយ តែជុំវិញ<br />ព័ត៌មាននេះត្រូវ បានលោកចេញមុខបកស្រាយ និងច្រានចោលភ្លាមៗ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-030/Kosal-0265.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-030/Kosal-0264.jpg" alt="" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>