<p>បើតាមស្ថិតិពីក្រុមហ៊ុន Kantar Worldpanel នៅក្នុងខែវិច្ឆិកា កន្លងទៅនេះ បណ្តាប្រព័ន្ធប្រតិបត្តិ ការ ឧបករណ៍ Mobile នៅតែមានការរីកចំរើន និងរក្សាបានតំណែង យ៉ាងរឹងមាំ។ ឈរលំដាប់ទី១ ក្នុងតារាងគឺជា ប្រព័ន្ធប្រតិបត្តិការ Android បន្ទាប់មកទី២ គឺ iOS របស់ Apple ហើយបន្ទាប់មក ទៀតគឺជា Windows Phone ពី Microsoft។</p>
<p>នៅក្នុងប្រទេសខ្លះ Windows Phone បានវ៉ាឈ្នះ iOS ជាក់ស្តែងដូចជានៅប្រទេស អ៊ីតាលី ពេល ដែល Windows Phone ទទួលបាន ១៥,៦% នៃបរិមាណលក់ចេញក្នុងមួយខែ ចំណែកឯ iOS វិញ ទទួលបានតែ ១០,៦%។ ប៉ុន្តែ បើសិនជាយើង គិតសរុបទូទាំងពិភពលោកវិញ ប្រព័ន្ធប្រតិបត្តិការ មកពីខាង Apple នៅតែរក្សាបានតំណែងយ៉ាងរឹងមាំ ក្នុងលេខរៀងទី២។ ការបង្ហាញខ្លួនរបស់ iPhone 5S និង iPhone 5C វាជាកំលាំងជម្រុញដ៏ខ្លាំងមួយ ដល់ iOS ហើយក៏មានឥទ្ធិពលបន្ថយ នូវល្បឿន នៃការរីកចំរើនរបស់ប្រព័ន្ធប្រតិបត្តិការ ដទៃផ្សេងទៀតផងដែរ។</p>
<p><a class="thickbox" title="" href="/FileManager/Commons/2013/12/21/877741-21-12-2013--09-23-39.jpg"><img src="/FileManager/Articles/mce/2013/12/21/877741-21-12-2013--09-23-39.jpg" alt="" /></a></p>
<p>នៅតាមបណ្តាប្រទេសដែលមានសក្តានុពលរបស់ Microsoft ដូចជានៅអាមេរិច និងអាឡឺម៉ង់ ប្រព័ន្ធប្រតិបត្តិការ Windows Phone នៅតែស្ថិតនៅក្រោម Android និង iOS។ នៅអង់គ្លេស និង ចិន ស្ថានភាពរបស់ Windows Phone គឺកាន់តែយ៉ាប់យឺនថែមទៀត។</p>
<p>សរុបមក Android នៅតែជាប្រព័ន្ធប្រតិបត្តិការ ដែលដណ្តើមបានទីផ្សារច្រើនជាងគេបំផុត លើក លែងតែនៅប្រទេសជប៉ុន តែមួយប៉ុណ្ណោះ ដែលទីផ្សាររបស់ iOS មានច្រើនជាងគេ។ នៅអាមេរិច ប្រព័ន្ធប្រតិបត្តិការទាំងពីរនេះ (Android និង iOS) មានលក្ខណៈប្រហាក់ប្រហែលគ្នា៕</p>
<p>ព័ត៌មានគួរឲ្យចាប់អារម្មណ៍ ដទៃផ្សេងទៀត៖</p>
<p><a href="http://www.camnews.com.kh/News/Detail/82495/ipad-pro-129-inch-screen-has-a-resolution-of-2k-and-4k"><span style="color: #0000ff;">- iPad Pro អេក្រង់ទំហំ ១២,៩ អ៊ីន នឹងមានកំរិតរីសូលុយស្យុង 2K និង 4K</span></a><a href="http://www.camnews.com.kh/News/Detail/36745/samsung-launches-first-devices-running-tizen"><span style="color: #0000ff;"><br />- Samsung បង្ហាញខ្លួន ឧបករណ៍ដំបូងគេ ប្រើប្រព័ន្ធប្រតិបត្តិការ Tizen</span></a><a href="http://www.camnews.com.kh/News/Detail/65172/samsung-reveal-galaxy-s5-configuration-and-note-3-red"><span style="color: #0000ff;"><br />- Samsung ធ្វើឲ្យលេចចេញ ឲ្យដឹងលក្ខណៈសម្បត្តិខ្លះៗ នៃ Galaxy S5 និង Note 3 ពណ៌ក្រហម</span></a><a href="http://www.camnews.com.kh/News/Detail/73062/apple-launched-best-ad-of-iphone-5s"></a></p>
<p style="text-align: right;">ប្រែសម្រួល៖ សិលា<br />ប្រភព៖ vreview</p>
<p> </p>