<div class="article-content">
<p><strong>ភ្នំពេញៈ</strong> នៅម៉ោងប្រមាណ៩ និង៣០នាទីយប់ថ្ងៃទី ០៤ ខែសីហា ឆ្នាំ២០១៤ ស្ថិតក្នុងភូមិត្រពាំងជ្រៃ សង្កាត់កាកាប ខណ្ឌពោធិ៍សែនជ័យ មានក្រុមបើក រថយន្តស៊េរីទំនើប អមដោយម៉ូតូធំៗ ទំនើបជាច្រើន បានដកកាំភ្លើង បាញ់ឡើងលើ អស់ប្រមាណជាង១០គ្រាប់ បណ្តាលឲ្យប្រជាពលរដ្ឋ ដែលរស់នៅក្នុង តំបន់មានភ្ញាក់ផ្អើលជាខ្លាំង។</p>
<p>ប្រជាពលរដ្ឋដែលរស់នៅក្នុងតំបន់នោះបានឲ្យដឹងថា នៅម៉ោងកើតហេតុ គេឃើញរថយន្តម៉ាក Range Rover អមដោយម៉ូតូធំៗកំពុងធ្វើដំណើរ លុះមកដល់ចំណុចកើតហេតុ បានដកកាំភ្លើង បាញ់ឡើងលើប្រមាណជាង ១០ គ្រាប់ ទើបឈប់បាញ់ បណ្តាលឲ្យបងប្អូន ប្រជាពលរដ្ឋនៅក្នុងតំបន់នោះមាន ការភ្ញាក់ផ្អើល ទាំងកណ្តាលរាត្រីតែម្តង។</p>
<p>ជុំវិញការបាញ់បោះយ៉ាងអនាធិបតេយ្យខាងលើនេះ កម្លាំងសមត្ថកិច្ចនៅមិនទាន់ដឹង ពីមូលហេតុពិតប្រាកដ នោះទេ ដោយរង់ចាំស្រាវជ្រាវរកជនបង្កជាមុនសិន៕</p>
</div>
<p style="text-align: right;"><a href="http://www.dap-news.com/2011-06-14-02-39-55/92066-2014-08-04-17-44-01.html" target="_blank">ផ្តល់សិទ្ធដោយ ៖ ដើមអម្ពិល</a></p>