<div class="article-content">
<p><strong>សៀមរាប៖</strong> អគ្គិភ័យដ៏សន្ធោសន្ធៅ បានឆាបឆេះ បំផ្លាញផ្សារដើមក្រឡាញ់ ស្ថិតក្នុងសង្កាត់<br />គោកចក ក្រុង-ខេត្ត សៀមរាប អស់ស្ទើរទាំងស្រុងជ្រែកស្បៃរាត្រី តែមិនទាន់មានព័ត៌មាន ពី<br />ទំហំ នៃផលប៉ះពាល់ ឬមានរងគ្រោះថ្នាក់ដល់ អាយុជីវីតអាជីវករ ឬប្រជាពលរដ្ឋយ៉ាងណា<br />នោះទេ?</p>
<p>សេចក្តីរាយការណ៍ជាបឋមពីសមត្ថកិច្ច បានឲ្យដឹងថា ផ្សារដើមក្រឡាញ់ដែលស្ថិតនៅម្តុំខាង<br />ក្រោយមន្ទីរពេទ្យ កុមារ និងជាផ្សារធំមួយផងដែរនៅក្នុងក្រុងសៀមរាប បានឆាបឆេះនៅវេលា<br />ម៉ោងប្រមាណជា ១រំលងអាធ្រាត្រថ្ងៃ ទី០៦ ខែកក្កដា ឆ្នាំ២០១៣ រហូតដល់វេលាម៉ោងប្រមាណ<br />ជា ៥ទៀបភ្លឺ ទើបសមត្ថកិច្ចជួយអន្តរាគមន៍ បាញ់ពន្លត់ ឲ្យអំណាចភ្លើងថមថយទៅវិញ។</p>
<p>សមត្ថកិច្ច ក៏ដូចជាប្រជាពលរដ្ឋនៅក្បែរកន្លែងកើតហេតុ មិនទាន់មាននរណាម្នាក់ អាចបញ្ជាក់<br />ពីមូលហេតុ នៃការ ឆាបឆេះនេះបាននៅឡើយ។ គ្រាន់តែសង្ស័យពួកគាត់សង្ស័យថា អគ្គិភ័យ<br />ផ្តើមចេញពីកន្លែងលក់ត្រី ហើយអគ្គិ ភ័យ បានឆេះបំផ្លាញអស់រាប់រយតូប ពោលគឺបំផ្លាញអស់<br />ស្ទើរតែ ៨០ភាគរយទៅហើយ។</p>
<p>ទំហំ នៃការខូចខាតយ៉ាងណានោះ សមត្ថកិច្ចមិនទាន់អាចសន្និដ្ឋានបានទេ ប៉ុន្តែពិតជាមានទំហំ<br />ធំធេង ព្រោះក្នុង ផ្សារដើមក្រឡាញ់ ជាផ្សារធំមួយក្នុងក្រុងសៀមរាប មានក្រុមអាជីវករលក់ខោ<br />អាវ ក្រណាត់ និងរបស់របរគ្រប់បែប យ៉ាង។</p>
<p>សូមបញ្ជាក់ថាក្រុងសៀមរាប ជាទីក្រុងទេសចរណ៍អង្គរដ៏ល្បាញល្បីនេះ ហាក់ជួបប្រទះនូវគ្រោះ<br />អគ្គិភ័យញឹក ញាប់ជាងគេ ជាពិសេសនៅតាមផ្សារនេះតែម្តង។ កន្លងមកការឆាបឆេះផ្សារមួយ <br />ដែលគេហៅថា ផ្សាររាត្រីក្នុងក្រុងសៀមរាប ធ្លាប់បានសាងនូវភាពសោកសៅយ៉ាងធំធេង ដោយ<br />បណ្តាលឲ្យសមាជិកគ្រួសារមួយ មានគ្នាជា ច្រើននាក់ ត្រូវស្លាប់ក្នុងអណ្តាតដ៏សន្ធោសន្ធៅក្នុង<br />ពេលរាត្រីបែបនេះ។</p>
<p>អាជ្ញាធរក្នុងខេត្តទេសចរណ៍មួយនេះ តោងពន្យល់ និងផ្សាយឲ្យបានខ្លាំងបំផុតផងដែរ ពីការបង្ក<br />គ្រោះអគ្គិភ័យនេះ ជាពិសេសគួរបង្កើនកម្លាំងអន្តរាគមន៍ គឺមន្ត្រីជំនាញពន្លត់អគ្គិភ័យ និងរថយន្ត<br />បាញ់ទឹកឲ្យបានច្រើនជាងពេលបច្ចុ ប្បន្ន ដើម្បីឲ្យតំបន់សេដ្ឋកិច្ច ដ៏មមាញឹកមួយនេះ បានល្អ<br />ប្រសើរជាងនេះមួយកម្រិតថែមទៀត៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-401.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-402.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-403.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-404.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-405.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-406.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>