<p><span style="color: #000000;">ព័ត៌មានកីឡា៖ ឆ្លងកាត់ការតស៊ូឧបសគ្គជាច្រើនកន្លងមក ក្នុងក្រុម Real Madrid កីឡាករ Angel Di Maria នូវតែត្រូវបានក្រុម ផ្ទេរចេញដដែល ខណៈនៃការសម្រេចនេះ នៅតែជាចំងល់យ៉ាងធ្ងន់ធ្ងរចំពោះ ប្រិយមិត្ដភាគច្រើន ។</span></p>
<p><span style="color: #000000;">ជារឿងមួយដ៏គួរឲ្យងឿងឆ្ងល់បំផុត ចំពោះដំណើរជីវិតរបស់ Angel Di Maria ក្នុងទឹកដី Real Madrid មុនពេលក្រុមបានសម្រេចចិត្ដលក់កីឡាករមកកាន់ Man United ។ ដោយហេតុ កីឡាករបាន ចូលរួមចំណែក ជួយឲ្យក្រុម យកឈ្មះ បានពានរង្វាន់ Champions League ផងដែរ ប៉ុន្ដែនៅតែក្រុម សម្រេចចិត្ដលក់កីឡាករ ទៅកាន់ Man United ក្នុងតម្លៃខ្លួនដល់ទៅ ៥៩ លានផោន ។ </span></p>
<p><span style="color: #000000;">យោងតាមសេចក្ដីរាយការណ៍របស់ Carles Rexach ដែលជាជំនួយការផ្ទាល់ របស់ថ្នាក់ដឹកនាំធំ ក្រុម Bacelona ហើយមានទំនាក់ទំនងយ៉ាងជិតស្និតជាមួយក្រុម Real Madrid បានធ្វើការអះអាងថា មូលហេតុគឺ Angel Di Maria គឺជាកីឡាករដែលមានលក្ខណៈសម្បត្ដិអាក្រក់ មិនសង្ហា មិនសាកសម ឈរជើងប្រើឈ្មោះក្រុមខ្លាំងនេះឡើយ ។ </span></p>
<p><span style="color: #000000;">ថ្វីត្បិតតែការអះអាងនេះ ត្រូវបានលេចឡើង យ៉ាងជាក់ច្បាស់ពីមាត់ របស់ Carles Rexach មែន តែមិនទាន់ឃើញមាន ការគាំទ្រពីប្រិយមិត្ដចំពោះគំនិតនេះនៅឡើយទេ ។ មិនត្រឹមតែប៉ុណ្ណោះ កាន់តែស្មុគស្មាញថែមទៀតនោះ ក៏ស្រាប់តែលេចចេញនូវ សំណួរពិចារណាមួយថែមទៀតផង ចំពោះកីឡាករ ដោយ ចោទសួរថា តើការអះអាងនេះ ពិតជាសមហេតុផលដែរឬទេ ? ហើយបើសមហេតុផល ពិតមែន តើ លក្ខណៈបែបណាទៅវិញ ?</span></p>
<p><span style="color: #000000;"><a class="thickbox" title="" href="/FileManager/Commons/2015/3/3/dimaria-03-03-2015--16-44-16.jpg"><span style="color: #000000;"><img src="/FileManager/Articles/mce/2015/3/3/dimaria-03-03-2015--16-44-16.jpg" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ standard</span></p>