<p>បើតាមប្រភពសារព័ត៌មាន បានចេញផ្សាយអោយដឹងថា មាននារីម្នាក់មានគោលបំណងធ្វើជា<br />តារាម៉ូដែល ឬក៏អ្នកសម្តែងនាពេលអនាគត តែអ្វីដែលគួរអោយសោកស្តាយនោះគឺថាសម្ផស្ស<br />របស់នាងត្រូវបានបាត់បង់ទាំងស្រុង ក្រោយពីអតីតមិត្តប្រុសរបស់នាង បានជះទឹកអាស៊ីតមក<br />លើនាង។</p>
<p><a class="thickbox" title="" href="/FileManager/Commons/2012/7/23/2011092011295720110920-katiepiperbg-23-07-2012--09-07-41.jpg"><img src="/FileManager/Articles/mce/2012/7/23/2011092011295720110920-katiepiperbg-23-07-2012--09-07-41.jpg" alt="" width="478" height="311" /></a></p>
<p>លើសពីនេះទៅទៀត បើតាមរបាយការណ៍ ក៏បានបញ្ជាក់ផងដែរថា នារីរូបនោះមានឈ្មោះ<br />Katie Piper និងមានវ័យ 28 ឆ្នាំ ។ ដំបូងនាងបានគិតថា ក្តីសុបិន្ត ក៏ដូចជាគោលបំណងរបស់<br />នាងត្រូវបានបំផ្លាញ ខណៈពេលដែលសម្រស់លើផ្ទៃមុខរបស់នាងត្រូវខូចទាំងស្រុង តែនាង<br />មិនព្រមចុះចាញ់នោះទេ ពោលគឺ នាងមានភាពអត់ធ្មត់យ៉ាងខ្លាំងជាមួយនឹងការឈឺចាប់ក៏ដូច<br />ជាស្លាកស្នាម ដែលជាចុងក្រោយនាងក៏បានសម្រេចចិត្តក្នុងការធ្វើការវះកាត់ ជាលទ្ធផល នាង<br />ក៏មានសម្រស់ស្រស់ស្អាត ដូចនារីផ្សេងៗទៀត។</p>
<p>គួរបញ្ជាក់ផងដែរថា នាងក៏បានឡើងបង្ហាញខ្លួនសាជាថ្មីនៅលើកញ្ជក់ទូរទស្សន៍ ក្រោយពីបាន<br />កើតរឿងឧបទ្ទេវហេតុនេះកាលពី 3 ឆ្នាំមុន ដោយនាងបានធ្វើការវះកាត់ទៅលើផ្ទៃមុខរបស់<br />នាងដល់ទៅ 80 ដងឯណោះ។</p>
<p><a class="thickbox" title="" href="/FileManager/Commons/2012/7/23/10-23-07-2012--09-10-19.jpg"><img src="/FileManager/Articles/mce/2012/7/23/10-23-07-2012--09-10-19.jpg" alt="" width="477" height="601" /></a></p>
<p>ទន្ទឹមនិងនេះដែរ បើតាមប្រភពសារព័ត៌មាន The Daily Mail ក៏បានបញ្ជាក់បន្ថែមផងដែរថា មុន<br />ពេលដែលកើតរឿងសោកនាដកម្មមួយនេះ Piper មានជីវិតរស់នៅដូចជានារីៗដទៃទៀតផង<br />ដែរ ពោលគឺនាងមានប្រជាប្រិយភាពយ៉ាងខ្លាំងនៅក្នុងប្រព័ន្ធទំនាក់ទំនងសង្គម Facebook ។<br />លុះក្រោយមក នាងក៏បានចាប់ផ្តើមមានទំនាក់ទំនងស្នេហាជាមួយបុរសម្នាក់ដែលមានឈ្មោះ<br />ថា Daniel Lynch ។</p>
<p>អំឡុងពេលដែលពួកគេកំពុងតែទាក់ទងគ្នានោះ នាង Piper បានរកឃើញថា សង្សាររបស់នាង<br />ធ្លាប់បានជាប់ពន្ធនាគារកន្លងមក ហើយវាក៏ជាហេតុផលមួយ ដែលធ្វើអោយទំនាក់ទំនងរបស់<br />ពួកគេទាំងពីរនាក់បានចាប់ផ្តើម ប្រេះស្រាំបន្តិចម្តងៗ ដែលក្រោយមកឈានទៅដល់ការចែក<br />ផ្លូវតែម្តង ។ គ្រាន់តែមូលហេតុខាងលើនេះ មិនមែនជាកត្តាចម្បងដែលធ្វើអោយនាងចែកផ្លូវពី<br />គេនោះទេ ពោលគឺ អតីតសង្សាររបស់នាងក៏ធ្លាប់បានចាប់រំលោភនាងផងដែរ តែនាងប្រកែក<br />និងមិនបានប្តឹងប៉ូលីសអ្វីនោះទេ។</p>
<p>ក្រោយមក អ្វីដែលមិនគួរអោយជឿនោះគឺថា អតីតមិត្តប្រុសរបស់នាងបានធ្វើការវាយប្រហារ<br />មកលើរូបនាង ដោយជះទឹកអាស៊ីត ខណៈ ពេលដែលនាងកំពុងអង្គុយមិនបានដឹងខ្លួនសោះ ។ <br />គូរបញ្ជាក់ផងដែរថា ក្រោយពីកើតរឿងបែបនេះ បុរសដែលត្រូវជាអតីតសង្សាររបស់នាង និងជា<br />ជាជនដៃដល់ ត្រូវបានចាប់ខ្លួន និងជាប់ពន្ធនាគារអស់មួយជីវិត រីឯ នាង Piper ទាក់ទិននឹងការ<br />ខូចសម្រស់របស់នាង នាងបានធ្វើការវះកាត់រហូតដល់ទៅ 80 ដងឯណោះពោលគឺដើម្បីសំរេច<br />គោលបំណងរបស់នាងនាពេលអនាគត៕</p>
<p style="text-align: right;">ដោយ ៖ រិទ្ធី<br />ប្រភព ៖ yourhealth</p>