<div class="article-content">
<p><strong>ភ្នំពេញៈ</strong> នារសៀលថ្ងៃទី២១ ខែមិថុនា ឆ្នាំ២០១៣ នៅអធិការដ្ឋាន ខណ្ឌពោធិ៍សែនជ័យ បានធ្វើ<br />សន្និសីទ បង្ហាញមុខក្រុមចោរ ប្លន់ម៉ូតូស្កុបពី ដ៏សកម្មក្នុងរាជធានីចំនួន៧នាក់ បន្ទាប់ពីក្រុមនេះ<br />បាន ធ្វើសកម្មភាព វាយប្លន់ ជនរងគ្រោះម្នាក់ មិនបានសម្រេច ហើយត្រូវឃាត់ខ្លួនបាន២នាក់<br />ភ្លាម និងធ្វើការស្រាវជ្រាវ ចាប់បាន៤នាក់ ក្នុងនោះស្រី២នាក់ ដែលជាសង្សារបស់ពួកគេ នៅក្នុង<br />ផ្ទះសំណាក់ ដែលពួកគេស្នាក់នៅ ។ ពិធីធ្វើឡើងដោយលោក ប៊ន សំអាត អធិការនគរបាល ខណ្ឌ<br />ពោធិ៍សែនជ័យ ។</p>
<p>លោក ប៊ន សំអាត បានមានប្រសាសន៍ថា ការឃាត់ក្រុមទាំងនេះបាន ភ្លាមៗនោះគឺដោយសារតែ<br /> មានការណែនាំ និងចង្អុលបង្ហាញ ពីលោកស្នងការរាជធានីភ្នំពេញ បានដាក់បទបញ្ជាយ៉ាងតឹងរឹង<br /> សន្តិសុខសុវត្ថិភាព នៅក្នុងមូលដ្ឋាន របស់ខ្លួន ទើបលោកបានឲ្យកម្លាំង របស់លោក ខិតខំដើរល្បាត<br /> នៅក្នុងមូលដ្ឋានគ្រប់ទៅកន្លែងមិនថាយប់ ឬថ្ងៃនោះទេ ទើបហេតុការកើតមានភ្លាម ដេញតាមបង្រ្កាប<br />បានភ្លាម បែបនេះ ។</p>
<p>លោកបានបន្តទៀតថា ក្រុមទាំងនេះគឺជាក្រុមចោរប្លន់ ដ៏សកម្មនៅក្នុងរាជធានី ធ្វើឲ្យប្រជាពលរដ្ឋ<br /> ខ្លាចរអាដោយសារតែ សកម្មភាពវាយប្លន់ដ៏មិនញញើតដៃនោះ ហើយប្រជាពលរដ្ឋស្លូតត្រង់ជាច្រើន<br />រងគ្រោះ ដោយសារពួកគេខ្លះអាចបាត់បង់ជីវិត និងខ្លះរងរបួសធ្ងន់ ធ្វើឲ្យប្រជាពលរដ្ឋខាតបង់ថវិកា<br />មិនតិចនោះទេ ។</p>
<p>លោកបានបន្តថា ជនសង្ស័យមួយក្រុមនេះមុនបានចេញដើរប្លន់ ហើយគេបានទៅសម្ងំប្រើប្រាស់<br /> ថ្នាំញៀននៅក្នុងផ្ទះសំណាក់ ដែលពួកគេស្នាក់នៅ រួចចេញដើរធ្វើសកម្មភាពតែម្តង ដោយពួកគេ<br /> ធ្វើសកម្មភាព វាយប្លន់នៅក្នុងទឹកដី ទួលគោក បានចំនួន៥លើក និងនៅក្នុងទឹកដីខណ្ឌសែនសុខ<br /> បានចំនួន២លើក ហើយនៅទឹកដី ខណ្ឌចំការមនចំនួន២លើក។ ប៉ុន្តែត្រូវអស់លក្ខ ពេលចូលមក<br />ប្លន់ នៅក្នុងទឹកដីខណ្ឌពោធិ៍ សែនជ័យ ត្រូវឃាត់ខ្លួនបានភ្លាមៗ និងឈានទៅឃាត់ខ្លួន បក្ខពួកគេ<br />បាន៤នាក់ បន្ថែមទៀត ។</p>
<p>លោកបន្តថា លោកសូមអរគុណដល់ប្រជាពលរដ្ឋនៅក្នុងមូលដ្ឋានបានការសហការល្អជាមួយ<br />សមត្ថកិច្ច ធ្វើឲ្យជនសង្ស័យពិបាកក្នុងការរត់គេចខ្លួន ជាក់ស្តែងដូចយប់ ថ្ងៃកើតហេតុខណៈជន<br />សង្ស័យ ២នាក់ និងបក្ខពួកម្នាក់ ធ្វើសកម្មភាពវាយប្លន់ជនរងគ្រោះម្នាក់ ត្រូវបានប្រជាពលរដ្ឋសហ<br />ការជាមួយសមត្ថកិច្ច ឃាត់ខ្លួនជនសង្ស័យ បានភ្លាមៗ។</p>
<p>លោកបានបន្តថា ជនសង្ស័យទី១ឈ្មោះ សួន លីន ហៅគួយអាយុ២៣ឆ្នាំ មានមុខរបរជា អ្នករត់<br />ម៉ូតូឌុប ទី២ឈ្មោះ សួន សិលា ភេទប្រុសអាយុ២៣ឆ្នាំ មានមុខរបរជាជាងសំណង់ ទី៣ឈ្មោះ រិទ្ធិ <br />ស៊ីថា ហៅខ្លឹង ភេទប្រុសអាយុ១៥ ឆ្នាំមានមុខរបរមិនពិតប្រាកដ ទី៤ឈ្មោះ ភក្តី ចាន់ណា ហៅមាន់<br /> អាយុ១៩ឆ្នាំមានមុខរបរ ទី៥ឈ្មោះ អេង រតនា ហៅស្រីណា ភេទស្រីអាយុ២៤ឆ្នាំ មានមុខរបរជាបុគ្គ<br />លិកខារ៉ាអូខេ ញូស្តារ ទី៦ឈ្មោះ មាស ស្រីពេជ្រ ភេទស្រី អាយុ១៨ឆ្នាំ មានមុខរបរមិនពិតប្រាកដ <br />និងទី៧ឈ្មោះ ភី ភារម្យ ហៅឈីត ភេទប្រុស អាយុ២០ឆ្នាំ មានមុខរបរមិន ពិតប្រាកដ អ្នកទាំង៧<br />នាក់ស្នាក់ ក្នុងផ្ទះជួលក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។ បន្ទាប់ពីឃាត់ខ្លួនធ្វើការ<br /> ដកហូតម៉ូតូម៉ាកស្កុបពី ចំនួន៣គ្រឿង និងអាយខុនចំនួន១ គ្រឿងផងដែរ ។</p>
<p>លោកបានបន្ថែមថា នេះគឺជាការជួយកាត់បន្ថយភាព អសន្តិសុខនៅក្នុងរាជធានីបានមួយកំរិតធំ <br />ហើយក្រុមទាំង នេះបើយើងបង្រ្កាប មិនទាន់ពេលវេលាទេនោះ គឺវានឹងរីករាលដាយដូចដំបៅមហា<br />រីកអីចឹង ដូច្នេះនេះគឺជា ជោគជ័យ ដ៏ធំមួយសម្រាប់កម្លាំងរបស់លោក៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0896.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0898.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-067/CH-0897.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>