<p><strong>ភ្នំពេញ ៖</strong> អង្គភាពប្រឆាំងអំពើពុក រលួយ នៅព្រឹកថ្ងៃទី០២ ខែកុម្ភៈ ឆ្នាំ២០១៣ នេះបានចេញ<br />លិខិតព្រមាន មួយច្បាប់ទៅកាន់តំណាងរាស្ដ្រគណបក្ស ប្រឆាំង លោកជា ប៉ូច ពីបទរារាំងមិន<br />ឱ្យសមាជិកក្រុមប្រឹក្សាឃុំមួយចំនួន ក្នុងខេត្ដកំពត មកបំភ្លឺនៅអង្គភាព ប្រឆាំងអំពើពុករលួយ <br />ជុំវិញរឿងរ៉ាវដែល លោកជា ប៉ូច បានចោទប្រកាន់ថា មានការ យកលុយពីសមាជិកក្រុមប្រឹក្សា<br />ឃុំម្នាក់ ១ម៉ឺនរៀល ពេលធ្វើលិខិតស្នាមផ្សេងៗ ។</p>
<p>ប្រធានអង្គភាពប្រឆាំងអំពើពុករលួយ លោកទេសរដ្ឋមន្ដ្រី ឱម យ៉ីនទៀង បាន ប្រាប់មជ្ឈមណ្ឌល<br />ព័ត៌មានដើមអម្ពិលនៅព្រឹកថ្ងៃទី០២ ខែកុម្ភៈ ឆ្នាំ២០១៣នេះ ថា នៅ ពេលដែលមានការចោទប្រ<br />កាន់ពីសំណាក់ តំណាងរាស្ដ្រគណបក្សសមរង្ស៊ី លោកជា ប៉ូច ថា សមាជិកក្រុមប្រឹក្សាឃុំ ត្រូវបាន<br />ឱ្យ បង់ប្រាក់ចំនួន១ម៉ឺនរៀល នៅពេលធ្វើលិខិតស្នាមផ្សេងៗនោះ អង្គភាព ប្រឆាំងអំពើពុករលួយ<br /> បានបើកការស្រាវជ្រាវជាបន្ទាន់ ដើម្បីរកឱ្យឃើញការពិត ។</p>
<p>លោកទេសរដ្ឋមន្ដ្រីឱម យ៉ីនទៀង បាន បន្ដថា អង្គភាពប្រឆាំងអំពើពុករលួយបានកោះហៅសមា<br />ជិកក្រុមប្រឹក្សាឃុំមកសាកសួរ តើមានរឿងនេះកើតឡើង ឬមួយយ៉ាងណា នោះ ប៉ុន្ដែសមាជិកក្រុម<br />ប្រឹក្សាឃុំមួយចំនួនមិនបានចូលខ្លួនមកបំភ្លឺនោះឡើយ ដោយមានការរារាំងនិងហាមឃាត់ពីសំណាក់<br />លោកជា ប៉ូច ហេតុដូច្នេះហើយ ទើបអង្គភាពប្រឆាំងអំពើពុករលួយបានចេញ លិខិតព្រមានទៅតំ<br />ណាងរាស្ដ្ររូបនេះ ។</p>
<p>ដើមអម្ពិលនិងផ្សាយព័ត៌មានលំអិតបន្ថែមទៀត ចំពោះរឿងនេះ នាពេលបន្ដិចទៀត ៕</p>
<p><a class="thickbox" title="" href="/FileManager/Commons/2013/2/2/ch-0015-02-02-2013--11-33-59.jpg"><img src="/FileManager/Articles/mce/2013/2/2/ch-0015-02-02-2013--11-33-59.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>