<p><span style="color: #000000;"><strong>កែប ៖</strong> កម្លាំងនគរបាល ខេត្តកែប បានឃាត់ខ្លួនជនញៀនថ្នាំ២នាក់ ដែលបានរួមគ្នា ចាប់រំលោភលើនារីបម្រើការងារ នៅក្នុងហាងម្នាក់ កាលពីវេលាម៉ោង ៧៖៣០នាទី យប់ថ្ងៃទី១៨ ខែមេសា ឆ្នាំ២០១៥ នៅភូមិដំណាក់ចំបក់ សង្កាត់អូរក្រសារ ក្រុងកែប ខេត្តកែប ។</span></p>
<p><span style="color: #000000;">ស្នងការនគរបាល ខេត្តកែប លោកឧត្តមសេនីយ៍ អ៊ីង សំអុល បានបញ្ជាក់ ខណៈជនសង្ស័យទាំង ធ្វើសកម្មភាពរំលោភ លើនារី រងគ្រោះនោះ ក៏កម្លាំងនគរបាល ល្បាតរបស់លោក ឃើញទាន់ និងជួយអន្តរាគមន៍ ដោយឃាត់ខ្លួនជនសង្ស័យ ទាំង២នាក់តែម្តង ។</span></p>
<p><span style="color: #000000;">លោកឧត្តមសេនីយ៍ បានបន្តទៀតថា ជនសង្ស័យ២នាក់ រួមមាន៖ ទី១ឈ្មោះ ឈួន ដាវុធ អាយុ២២ឆ្នាំ មុខរបរកម្មករ រោងចក្រ នៅខេត្តកោះកុង ទីលំនៅសព្វថ្ងៃ នៅភូមិអំពេង ឃុំអង្កោល ស្រុកដំណាក់ចង្អើរ ខេត្តកែប និងជនសង្ស័យទី២ ឈ្មោះ អឺង រ៉ាន់ អាយុ២២ឆ្នាំ មុខរបរកម្មករ រោងចក្រ នៅខេត្តកោះកុង ទីលំនៅភូមិឃុំជាមួយគ្នា។<strong></strong>ដោយឡែក ជនរងគ្រោះឈ្មោះ យ.អ.ស អាយុ១៥ឆ្នាំ មុខរបរ បំរើការងារ នៅហាងកាហ្រ្វេ នៅភ្នំពេញ លំនៅសព្វថ្ងៃនៅភូមិ ឃុំជាមួយជនសង្ស័យ ។</span></p>
<p><span style="color: #000000;">យោងតាម របាយការណ៍ របស់នគរបាល ខេត្តកែប បានបញ្ជាក់ថា មុនពេល កើតហេតុ ជនរងគ្រោះត្រូវ ជនសង្ស័យនាំ ទៅលេងនៅកែប បន្ទាប់មក នាំយកមករំលោភ នៅដីភូមិគ្មាន មនុស្សនៅហើយក៏ ត្រូវកំលាំងល្បាត របស់ក្រុម ចំរុះនគរបាលខេត្ត ប្រចាំប៉ុស្តិ៍ អូក្រសារ និងនគរបាល ប៉ុស្តិ៍អូរក្រសារ ដឹកនាំដោយវរសេនីយ៍ទោ សៅ សុវណ្ណ បង្ក្រាបជាក់ស្តែង នៅកន្លែង កើតហេតុតែម្តង ។</span></p>
<p><span style="color: #000000;">ក្រោយការ ចាប់ខ្លួន ជនសង្សយ័យើង បញ្ជូនមកអធិការដ្ឋាន នគរបាលក្រុងកែប ដើម្បីបន្តនីតិវិធី តាមផ្លូវច្បាប់ រីឯជនរងគ្រោះសមត្ថកិច្ចបាននាំ ទៅមណ្ឌលសុខភាព អូរក្រសារដើម្បីជួយសង្រ្គោះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/19/2015-04-1822-37-11-19-04-2015--12-42-23.png"><span style="color: #000000;"><img src="/FileManager/Articles/mce/2015/4/19/2015-04-1822-37-11-19-04-2015--12-42-23.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/4/19/2015-04-1822-36-30-19-04-2015--12-42-44.png"><span style="color: #000000;"><img src="/FileManager/Articles/mce/2015/4/19/2015-04-1822-36-30-19-04-2015--12-42-44.png" alt="" /></span></a></span></p>
<p style="text-align: right;"><br /><span style="color: #000000;"><a class="thickbox" title="" href="/FileManager/Commons/2015/4/19/2015-04-1822-36-30-19-04-2015--12-42-44.png"></a></span>ផ្ដល់សិទ្ទដោយ៖ ដើមអម្ពិល</p>