<p><span style="color: #000000;"><strong>(ភ្នំពេញ)៖</strong> ក្មេងស្រី៣នាក់ ដែលមានអាយុចន្លោះពី៧ឆ្នាំ ទៅ១១ឆ្នាំ បាននាំគ្នាវេចបង្វិចខោអាវរត់ចេញពីផ្ទះម្ដាយចិញ្ចឹម ស្វែងរកអង្គការឲ្យជួយ ក្រោមហេតុផលមិនអាចរស់នៅជាមួយម្ដាយចិញ្ចឹមបានតទៅទៀត ព្រោះតែការវាយដំស្ទើររាល់ថ្ងៃ និងឲ្យអាហារហូបមិនគ្រប់គ្រាន់រួមទាំងបញ្ហាមួយចំនួនទៀតផងដែរ។</span></p>
<p><span style="color: #000000;">ក្មេងស្រីដែលនាំគ្នារត់ចេញពីផ្ទះម្ដាយចិញ្ចឹមខាងលើនេះ ត្រូវបានអ្នករត់ម៉ូតូឌុបចិត្តធម៌ឌុបនាំយកទៅកាន់ទីស្នាក់ការ អង្គការដោយមិនយកលុយ នាព្រឹកថ្ងៃទី២១ ខែមករា ឆ្នាំ២០១៦នេះ ហើយត្រូវបានមន្ត្រីអង្គការនាំយកទៅជួបអាជ្ញាធរមូលដ្ឋាន ដើម្បីឲ្យទទួលស្គាល់តាមផ្លូវច្បាប់ជៀសវាងមានបញ្ហាផ្សេងៗទៅថ្ងៃក្រោយ។</span></p>
<p><span style="color: #000000;">ក្មេងស្រីទាំង៣នាក់ខាងលើនេះទី១ មាន ឈ្មោះ អៀ យូអ៊ី អាយ១១ឆ្នាំ ដោយនាងអះអាងថា នាងមានស្រុកកំណើតនៅស្រុកស្រែអំបិល ខេត្តកោះកុង តែមិនដឹងភូមិច្បាស់នោះទេ ព្រោះនាងជាក្មេងកំព្រាឪពុកម្ដាយ ត្រូវបងប្អូនយកមកឲ្យនៅជាមួយម្ដាយចិញ្ចឹមតាំងពីតូច។ ក្មេងស្រីទី២ មានឈ្មោះ ស្រី ម៉ៅ អាយុ៧ឆ្នាំ ត្រូវនាងអះអាងតាមគេនិយាយថា នាងត្រូវម្ដាយចិញ្ចឹមរើសបានពីធុងសម្រាម យកមកចិញ្ចឹមតាំងពីនៅកូនង៉ែតមកម៉្លេះ។</span></p>
<p><span style="color: #000000;">ក្មេងស្រីទី៣ ត្រូវបានគេស្គាល់ឈ្មោះ ស្រី នាង ហៅស្រីណែតដោយនាងត្រូវបានម្ដាយយកមកលក់តាំងពីនៅតូចដូចៗគ្នា។ ចំណែកម្ដាយចិញ្ចឹមដែលក្មេងស្រីទាំង៣នាក់ខាងលើនេះនាំគ្នា រត់ចេញត្រូវបានក្មេងស្រីខាងលើអះអាងថាមានឈ្មោះ អន ចិន្ថា ហៅយាយតោ មានទីលំនៅផ្ទះលេខ៣៧០អឺសូន្យ ផ្លូវលេខ៥២៨ ក្រុមទី៣៤ ភូមិ៩សង្កាត់បឹងកក់១ ខណ្ឌទួលគោក។</span></p>
<p><span style="color: #000000;">បច្ចុប្បន្នក្មេងស្រីខាងលើកំពុងស្ថិតនៅក្រោមការឃុំគ្រងពីអង្គការមេត្រីអន្តរជាតិដើម្បីអាស៊ី និងអាជ្ញាធរសមត្ថកិច្ចមូលដ្ឋានកំពុងចុះធ្វើការស្រាវជ្រាវរកមូលហេតុពិតនៅផ្ទះម្ដាយចិញ្ចឹមដែលក្មេងស្រីរត់ចេញ។</span></p>
<p><span style="color: #000000;">តាមការអះអាងពីក្មេងស្រីរងគ្រោះបានឲ្យដឹងថា មូលហេតុដែលពួកគេនាំគ្នារត់ចេញគឺដោយសារតែមិនអាចរស់នៅជាមួយម្ដាយចិញ្ចឹម បានតទៅទៀតព្រោះតែគាត់វាយធ្វើបាបស្ទើគ្មានលោះថ្ងៃរួមទាំងឲ្យហូបចុកមិនគ្រប់គ្រាន់ ប្រើឲ្យធ្វើការគ្មានពេលសម្រាក និងមិនឲ្យរៀនសូត្រជាដើម។</span></p>
<p><span style="color: #000000;">តែទោះជាយ៉ាងណានេះ គ្រាន់តែជាការអះអាងពីក្មេងស្រីតែប៉ុណ្ណោះ រីឯរឿងពិតយ៉ាងណានោះ គ្មានអ្នកណាដឹងឡើយព្រោះភ្នាក់ងារFresh News នៅមិនទាន់អាចធ្វើការទាក់ទងពីម្ដាយចិញ្ចឹមដើម្បីសុំការបំភ្លឺបាននៅឡើយទេ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xat1/v/t1.0-9/12573234_461278460741180_4000631442640229938_n.jpg?oh=56b914d6b7e678ec657091b82302beb7&oe=56FB7F03" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfa1/v/t1.0-9/12508887_461278467407846_2621859643534847963_n.jpg?oh=b01047f50b57c6780ee60f1ade360f85&oe=5731F090&__gda__=1463193510_e6c7fde5fe859b581177e37ff67eefcf" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpl1/v/t1.0-9/1517502_461278457407847_9058731254538601278_n.jpg?oh=960d4062376b2e22200ce2ee6f7943ef&oe=56FEA6EB" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>