<div class="article-content">
<p><strong>ភ្នំពេញ ៖</strong> ជនសង្ស័យ ២នាក់ ក្រោយពី ធ្វើសកម្មភាព ឆក់កាបូបពីជនជាតិបរទេស មិនបាន<br />សម្រេច បានរត់ចោលទទួលរបស់ ខ្លួន ខណៈដែលពួកគេបានឃើញកម្លាំងអាវុធ ហត្ថខណ្ឌ<br />ដូនពេញ កំពុងជិះម៉ូតូល្បាតនៅតាមមូលដ្ឋាន ។</p>
<p>មន្ដ្រីអាវុធហត្ថ ខណ្ឌដូនពេញបាននិយាយ ថា កាលពីវេលាម៉ោងប្រមាណ១១ និង១០ នាទី<br />យប់ថ្ងៃទី០៥ ខែវិច្ឆិកា ឆ្នាំ២០១៣ ស្ថិត នៅខាងកើតវត្ដភ្នំ ក្នុងសង្កាត់វត្ដភ្នំ ខណ្ឌ ដូនពេញ <br />មានករណីចោរឆក់កាបូបពីជនជាតិបរទេស ប៉ុន្ដែ មិនបានសម្រេចរួចហើយ បានផ្ដួលម៉ូតូ<br />ចោល រត់គេចខ្លួនបាត់ ។</p>
<p>មន្ដ្រីអាវុធហត្ថ បានដកស្រង់សាក្សីនៅ កន្លែងកើតហេតុថា ជនសង្ស័យ២នាក់បាន ជិះម៉ូតូ<br />ម៉ាកស្មាស់ ពណ៌ខ្មៅ ពាក់ស្លាកលេខ ភ្នំពេញ ១ពឍ-៣៨៨៤ ដេញតាមម៉ូតូកង់៣ មួយគ្រឿង<br /> ដែលដឹកជនបរទេស រួចហើយ ជនសង្ស័យទាំង២នាក់ បានជិះអែបម៉ូតូកង់ ៣ ហើយធ្វើ<br />សកម្មភាពឆក់យកកាបូបពីជន រងគ្រោះ ប៉ុន្ដែ ជនរងគ្រោះភ្លាមៗនោះបាន ឆក់យក<br />កាបូបមកវិញ ។</p>
<p>បន្ទាប់មកជន សង្ស័យទាំង២ បានជិះម៉ូតូគេចខ្លួនបានបន្ដិច ក៏ផ្ដួលម៉ូតូចោល ក្រោយពីបាន<br />ឃើញកម្លាំង អាវុធហត្ថខណ្ឌដូនពេញ កំពុងជិះម៉ូតូដើរល្បាត នៅក្នុងភូមិសាស្ដ្រ។យ៉ាងណា<br />ក៏ដោយ មិនទាន់មានការបញ្ជាក់ ពីអត្ដសញ្ញាណជន រងគ្រោះនៅឡើយទេ ហើយម៉ូតូរបស់<br />ជន សង្ស័យទាំង២ ត្រូវបានយកទៅរក្សាទុក នៅទីបញ្ជាការដ្ឋានអាវុធហត្ថ ខណ្ឌដូនពេញ<br /> ដើម្បីចាត់ការបន្ដទៀត ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/November/id-067/CH-0193.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0194.jpg" alt="" width="500" /></p>
</div>
<div class="ja-content-bottom clearfix">
<div style="text-align: right;">ផ្តល់សិទ្ធិដោយ៖ ដើមអម្ពិល</div>
</div>
<div id="ja-right" class="column sidebar" style="width: 40%;">
<div class="ja-mass ja-mass-bottom clearfix">
<div id="Mod316" class="moduletable"><span class="badge"> </span>
<div class="ja-box-ct clearfix">
<div class="bannergroup"></div>
</div>
</div>
</div>
</div>