<div class="article-content">
<p><strong>កំពង់ធំ ៖</strong> កម្លាំងអាវុធហត្ថ ស្រុកស្ទោង ខេត្ដកំពង់ធំ កាលពីវេលា ម៉ោង ១០និង២០ នាទីយប់<br />ថ្ងៃទី០៨ ខែវិច្ឆិកា ឆ្នាំ២០១៣ បាន ឃាត់រថយន្ដឡង់រ៉ូវែ អត់ស្លាក លេខមួយ គ្រឿង ដែលលួច<br />បន្លំដឹកទូរស័ព្ទ ម៉ាកសាំសុង ស៊េរីទំនើប ជិត១៥០០គ្រឿង ដែលនាំចូល អត់ពន្ធ ទំនងបន្ដមក<br />ចែកចាយ នៅក្នុងរាជធានី ភ្នំពេញ ។</p>
<p>មេបញ្ជាការអាវុធហត្ថ ស្រុកស្ទោង ខេត្ដ កំពង់ធំ លោកឃុន ប៊ុនហូរ បានប្រាប់មជ្ឈ មណ្ឌល<br />ព័ត៌មាន ដើមអម្ពិល តាមទូរស័ព្ទថា លោកបានដឹកនាំកម្លាំង ស្ទាក់ចាប់រថយន្ដឡង់រ៉ូវែខាងលើ<br />នេះ ពេលកំពុងធ្វើ ដំណើរ តាម បណ្ដោយផ្លូវជាតិលេខ៦ ចេញពីខេត្ដសៀមរាប ហើយឆ្លងកាត់<br />ស្រុកស្ទោង ដែលបានលួច ដឹក ទូរស័ព្ទម៉ាកសាំសុង ចំនួន១៤៨៣គ្រឿង ដែលគេចពន្ធ ។</p>
<p>លោកឃុន ប៊ុនហូរ បានបន្ដថា ក្នុងប្រតិ បត្ដិការស្ទាក់ចាប់រថយន្ដឡង់រ៉ូវែ ដឹកទូរស័ព្ទ សាំសុងគេច<br />ពន្ធ ខាងលើនេះ កម្លាំងសមត្ថកិច្ចរបស់លោក ក៏បានឃាត់ខ្លួន ជនសង្ស័យ៣នាក់ ប៉ុន្ដែដោយមិន<br />បានជាប់ ពាក់ព័ន្ធ និងមានការឯកភាពពីតំណាងអយ្យការផង នោះ បានសម្រេចអនុញ្ញាតឱ្យពួក<br />គេត្រឡប់ទៅវិញ ។</p>
<p>សម្រាប់រថយន្ដឡង់រ៉ូវ៉ែ និងទូរស័ព្ទដៃ ម៉ាកសាំសុង ១៤៨៣គ្រឿង ត្រូវបានមេបញ្ជាការអាវុធហត្ថ<br />រូបនេះ បញ្ជាក់ថា បានប្រគល់ឱ្យ ខាងកម្លាំងគយ យកទៅ ចាត់ការតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-014/that-0075.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-014/that-0076.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>