<div class="article-content">
<p><strong>ភ្នំពេញ៖</strong> បុរសម្នាក់ផឹកស៊ីស្រវឹង អួតអាងថាខ្លួនឯងជាអ្នកមានអំណាច ពាក់ផ្កាយ១ បានចូល<br />មក ផឹកស៊ីនៅក្នុង ភោជនីយដ្ឋាន យីហោកង្កែបតូច ជាមួយនិងបក្ខពួក ៦-៨នាក់ ហើយខណៈ<br />ដែល ផឹកស៊ីស្រវឹង រូបគេរួមទាំង បក្ខពួកបានស្រែកជេរប្រមាថ នារីដែលបម្រើការងារក្នុងហាង<br />ខាងលើដូចឆ្កែ ដូចឆ្មា និងបានវាយនារីរូបនោះ បណ្តាលឲ្យបែកម៉ាត់ហូរឈាម ទើបបង្កឲ្យមាន<br />ភ្ញាក់ផ្អើល ដល់នគរបាលមូលដ្ឋានប៉ុស្តិ៍ដង្កោ ចុះមក អន្តរាគមន៍ ឃាត់ខ្លួនបុរសរូបនោះ យកមក<br />ទីស្នាក់ការប៉ុស្តិ៍ ភ្លាមៗតែម្តង។</p>
<p>ហេតុការណ៍នេះ សមត្ថកិច្ចបានបញ្ជាក់ថា កើតឡើងកាលពីវេលាម៉ោង ២១និង០០នាទី យប់ថ្ងៃ<br />ទី១៦ ខែសីហា ឆ្នាំ២០១៣ ស្ថិតក្នុងភោជនីយដ្ឋាន យីហោ កង្កែបតូច នៅតាមបណ្តោយផ្លូវ២១៧<br /> ក្នុងសង្កាត់ដង្កោ ខណ្ឌដង្កោ។ បុរសដែលអួតអាងថា ខ្លួនមានឋានៈជាផ្កាយ១ មានឈ្មោះ ម៉ម <br />សុខធី ភេទប្រុស អាយុជាង៣០ឆ្នាំ មានឋានៈ ជានាយឧត្តមសេនីយ៍ផ្កា១ ស្នាក់នៅសង្កាត់ស្ពាន<br />ថ្ម ខណ្ឌដង្កោ។</p>
<p>បើយោងទៅតាមនារីរងគ្រោះ ឈ្មោះ ចែ លីន បាននិយាយរៀបរាប់ប្រាប់សមត្ថកិច្ចថា នៅមុន<br />ពេល កើតហេតុ បុរសឈ្មោះ ម៉ម សុខធីរួមជាមួយនិងបក្ខពួក ៥-៨នាក់ បានចូលមកផឹកស៊ីក្នុង<br /> ភោជនីយដ្ឋាន យីហោ កង្កែបតូច ខណៈនោះក្រុមជនបង្ក បានស្រែកហៅនារីបម្រើក្នុងភោជនីយ<br />ដ្ឋាន ទាំងពាក្យគំរោះគំរើយឲ្យនារីទាំងនោះ ចូលមក ចាក់ស្រាឲ្យពួកគេ ប៉ុន្តែដោយសារតែក្រុម<br />នារី បម្រើការក្នុងហាងស្អប់ខ្ពើមនូវពាក្យសម្តី របស់ភ្ញៀវមួយក្រុមនេះ ទើបពួក នាង មិនចូលមក<br />ចាក់ស្រាឲ្យ។ រហូតជនបង្កផឹកស៊ីអស់រយៈពេលជាង ១ម៉ោង ទើបមាននារីម្នាក់ ដែលត្រូវជា មេ<br />ការ ឈ្មោះ ចែ លីន បានដើរចូលក្នុងខ្ចុះរបស់ពួកគេដើម្បីចាក់ស្រា ប៉ុន្តែខណៈនោះ ដោយសារ<br />តែឈ្មោះ ម៉ម វ៉ាន់នី អាងខ្លួន ជាអ្នកមានអំណាច បានស្រែកជេរប្រមាថ និងដៀលឈ្មោះ ចែ <br />លីន ដូចឆ្កែ ដូចឆ្មារ និងបានលើកដៃទះកំផ្លៀង បែកម៉ាត់ ហូរឈាមផងដែរ។ ភ្លាមៗនោះបង្កឲ្យ<br />មានការភ្ញាក់ផ្អើលដល់ ភ្ញៀវមួយចំនួន ដែលចូលពិសារអាហារ នៅក្នុងហាងនោះ រហូតធ្វើឲ្យ<br />ផ្អើលដល់នគរបាលខណ្ឌដង្កោ ចុះទៅអន្តរាគមន៍ភ្លាមៗ និងឃាត់ខ្លួនបុរសខាងលើ យកមកកាន់<br />ទីស្នាក់នគរបាលប៉ុស្តិ៍ដង្កោ ដើម្បីបន្ត ធ្វើការសាកសួរ ពាក់ព័ន្ធនឹងករណីខាងលើនេះ ។</p>
<p>គួរបញ្ជាក់ថា នៅចំពោះមុខសមត្ថកិច្ច ជនបង្កខាងលើ និយាយហាក់បីដូចជាមិនគោរព នគរបាល<br />សូម្បីតែបន្តិច ព្រោះរូប គេគិតថា ឋានៈត្រឹមនគរបាលមូលដ្ឋាន គ្មានសិទ្ធឃាត់ខ្លួនគេ ដែលមាន<br />ឋានៈពាក់ផ្កាយមួយនោះទេ ហើយរូបគេ ព្រមទាំងប្រកែកថា មិនបានវាយទៅលើនារី ក្នុងហាង<br />ទៀត។ ប៉ុន្តែសមត្ថកិច្ចនៅតែបន្តឃាត់ខ្លួន បុរសខាងលើនេះ ដោយយោងទៅតាមពាក្យ បណ្តឹង<br />របស់នារីបម្រើការក្នុងហាង ដោយនារីបម្រើការក្នុងហាង ប្តឹងចោទប្រកាន់ ពីបទ ប្រើប្រាស់ អំពើ<br />ហិង្សាដោយចេតនា និងជេរប្រមាថ ប៉ះពាល់ដល់កត្តិយសខ្លួននាង ដូច្នេះហើយបុរសខាងលើនេះ<br /> ត្រូវបានឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌដង្កោ រង់ចាំធ្វើការសាកសួរ និង<br />ចាត់ការបន្តទៀត៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0157.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0153.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0154.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0155.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0156.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>