<div class="article-content">
<p class="msg Nth"><strong>ភ្នំពេញ៖</strong>រាជរដ្ឋាភិបាលកម្ពុជា គ្រោងនឹងចេញ ឲ្យប្រើប្រាស់ក្រដាសប្រាក់ ១សែនរៀលថ្មី នាពេល<br />ដ៏ខ្លីខាងមុននេះ ដែល ក្រដាសប្រាក់ថ្មីនេះ មានចារឹករូបព្រះឆាយាលក្ខ័ណ៍ អតីតព្រះមហាវីរក្សត្រ<br /> ព្រះបរមរតនកោដ្ឋ ព្រះបាទ នរោត្តម សីហនុ ។</p>
<p>គិតទាំងសន្លឹកក្រដាសប្រាក់ ១សែនរៀលថ្មីនេះ គឺជាលើកទី២ ហើយ ដែលរាជរដ្ឋាភិបាលកម្ពុជា<br /> ចេញក្រដាសប្រាក់ថ្មី ដែល បានចារឹកព្រះឆាយាល័ក្ខណ៍ ព្រះបរមរតនកោដ្ឋ ដែលលើកទី១ ជា<br />ក្រដាសប្រាក់ ១ពាន់រៀលថ្មី ។ ការចារឹកព្រះឆាយាលក្ខ័ណ៍ ព្រះបរមរតនកោដ្ឋនេះ ត្រូវបានគេ<br />មើលឃើញថា ដើម្បីរំលឹកនឹកគុណូបការ ដ៏ខ្ពស់ខ្ពស់របស់ស្នាព្រះហស្ថព្រះបាទ នរោត្តម សីហនុ<br /> ចំពោះជាតិមាតុភូមិ។</p>
<p>ពាក់ព័ន្ធការចេញចរាចរជាផ្លូវការ នៃក្រដាសប្រាក់ ១សែនរៀលថ្មីនេះ មន្ត្រីធនាគារជាតិ មិនបាន<br />បញ្ជាក់ថា នឹងចេញនៅពេល ណាច្បាស់នោះទេ គ្រាប់បញ្ជាក់យ៉ាងខ្លីថា ធនាគារជាតិ នឹងចេញ<br />សេចក្តីប្រកាសព័ត៌មាន ស្តីពីចរាចរក្រដាស ១សែនរៀលថ្មី នាពេលឆាប់ៗខាងមុខនេះ។</p>
<p>អគ្គនាយកធនាគារជាតិកម្ពុជា លោកស្រី ងួន សុខា បានប្រាប់មជ្ឈមណ្ឌល តាមអ៊ីម៉ែល នៅថ្ងៃទី៨ <br />ខែឧសភា ឆ្នាំ២០១៣ ថា ធនាគារជាតិ នឹងចេញសេចក្តីប្រកាសព័ត៌មាន អំពីការចរាចរក្រដាសប្រាក់<br />១សែនរៀលថ្មី នាពេលឆាប់ ខាងមុខនេះ ។ ហើយថា លោកស្រី មិនអាចបញ្ជាក់ មុនសេចក្តីប្រកាស<br />ព័ត៌មាននោះទេ។</p>
<p>យ៉ាងណាក៏ដោយ បើតាមរូបភាពសន្លឹកក្រដាសប្រាក់ ១សែនរៀល ដែលគេបង្ហោះតគ្នា នៅលើ<br />បណ្តាញទំនាក់ទំនងសង្គមហ្វេសប៊ុកបានឲ្យដឹងថា នៅផ្នែកខាងមុខ មានចារឹកព្រះឆាយាលក្ខ័ណ៍<br /> របស់ព្រះបរមរតនកោដ្ឋ និង សម្តេចម៉ែ យ៉ាងច្បាស់ៗ ។ ចំណែកពីខាងក្រោយវិញ មានរំលេច<br /> ព្រះឆាយាលក្ខ័ណ៍ ព្រះបរមរតនកោដ្ឋ សម្តេចម៉ែ និងព្រះមហាក្សត្រ ព្រះករុណា នរោត្តម សីហមុនី<br /> ពេលឡើងគ្រងរាជ្យ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-014/that-0160.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-014/that-0161.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>