<p>ម្រាមដៃណាមួយដែលមានសភាពកោង វៀច ផ្ដេកទៅខាងម្រាមដទៃ ឬកោងទៅរកម្រាមខាងមុខ គឺបង្ហាញថា ជាម្រាមខ្សោយ។ ចំណែកម្រាមដៃ ដែលមានសភាពស្រឡូន ត្រង់ វែង នោះគឺជាម្រាមខ្លាំង។ តើម្រាមទាំងនេះ ប្រាប់យើងអំពីប្រការអ្វីខ្លះ?<br /><br />យោងតាមទំព័រ Realsimple ម្រាមដៃនិមួយៗរបស់អ្នក មានអត្ថន័យដោយឡែក ដោយវាបង្ហាញអំពីចរឹតលក្ខណៈ និងចំណូលចិត្តរបស់មនុស្ស។ មនុស្សរាល់គ្នា មានម្រាមដៃមួយ “ខ្លាំង” និងម្រាមមួយ “ខ្សោយ” ស្ដែងឡើងឱ្យដឹងថា អ្នកពូកែ និងខ្សោយខាងវិស័យអ្វី។ ម្រាមដៃខ្លាំងជាម្រាមពិសេសរបស់អ្នក ជួនកាល វាប្រាប់អំពីលក្ខណៈពិសេសរបស់អ្នកផងដែរ។</p>
<p style="text-align: center;"><a class="thickbox" title="" href="/FileManager/Commons/2013/11/5/landscape-at-cambodia-copy-05-11-2013--12-15-59.jpg"><img src="/FileManager/Articles/mce/2013/11/5/landscape-at-cambodia-copy-05-11-2013--12-15-59.jpg" alt="" /></a></p>
<p><br /><strong><em>ខាងក្រោមនេះគឺជាលក្ខណៈពិសេស តំណាងដោយម្រាមដៃនិមួយៗរបស់អ្នក ៖</em></strong><br /><br />១/ មេដៃ ៖ នាំទៅរកជោគជ័យ។<br /><br />២/ ម្រាមចង្អុល ៖ អំណាច កម្លាំង ចក្ខុវិស័យ និងឥទ្ធិពល។<br /><br />៣/ ម្រាមកណ្ដាល ៖ ទំនួលខុសត្រូវ ប្រសិទ្ធិភាព សុវត្ថិភាព អភិវឌ្ឍន៍ និងភាពឆ្លាតវៃ។<br /><br />៤/ ម្រាមដៃនាង ៖ ភាពច្នៃប្រឌិត ការបង្ហាញពីខ្លួនឯង ក្ដីសង្ឃឹមត្រូវបានចាប់អារម្មណ៍ និងបានលេចធ្លោ។<br /><br />៥/ ម្រាមកូនដៃ ៖ ស្ទីល ពូកែទំនាក់ទំនង។</p>
<p><br /><em><strong>ធ្វើយ៉ាងណាដើម្បីដឹងថា ម្រាមដៃណាមួយរបស់អ្នក “ខ្លាំង” និងម្រាមណាមួយ “ខ្សោយ” ?</strong></em><br /><br />ចូរពិនិត្យមើល ៖ ម្រាមណាមួយដែលមានសភាពកោង វៀច ផ្ដេកទៅខាងម្រាមដទៃ ឬកោងទៅរកម្រាមខាងមុខ ឬមួយមានចំណុចត្រង់ណាខុសពីធម្មតា នោះបង្ហាញថា ជាម្រាមខ្សោយ។ ចំណែកម្រាមដៃ ដែលមានសភាពស្រឡូន ត្រង់ វែង នោះគឺជាម្រាមខ្លាំង។<br /><br /><em><strong>រូបសណ្ឋាននៃចុងម្រាមដៃ ប្រាប់អំពីប្រការអ្វី ?</strong></em><br /><br />១/ ចុងម្រាមដៃមូល ៖ អ្នកតែងតែចង់បានភាពសុខដុម និងចៀសវាងការឈ្លោះប្រកែកគ្នា។</p>
<p>២/ ចុងម្រាមដៃជ្រុង ៖ អ្នកគឺជាមនុស្សចូលចិត្តឱ្យអ្វីទាំងអស់ មានភាពជាក់ច្បាស់ មិនស្រមើស្រមៃ។</p>
<p>៣/ ចុងម្រាមដៃធំជាងគល់ម្រាម ៖ អ្នកចូលចិត្តភាពចម្លែក ថ្មីៗ និងមិនចូលចិត្ត ឬមើលស្រាលទម្លាប់បុរាណ និងលក្ខណៈជាទម្រង់ដដែល។</p>
<p>៤/ ចុងម្រាមដៃ ស្រួច ៖ អ្នកគេចវេះពីភាពជាក់ស្ដែង និងចូលចិត្តអ្វីដែលខុសពីធម្មតា មានភាពអាថ៌កំបាំង។<br /><br /><em><strong>គំលាតរវាងម្រាមដៃ បញ្ជាក់អំពីរឿងអ្វីខ្លះ?</strong></em><br /><br /><em>ចូរដាក់ដៃរបស់អ្នក តាមធម្មតា ទៅលើផ្ទៃតុរៀបស្មើ ៖</em></p>
<p>- ប្រសិនគំលាតរវាងម្រាមដៃរបស់អ្នក ធំទូលាយ នោះមានន័យថា អ្នកជាមនុស្សឯករាជ បើកទូលាយដើម្បីទទួលបាននូវប្រការថ្មី។<br /><br />- ប្រសិនម្រាមដៃនៅប្រកៀកគ្នា នោះអ្នកគឺជាមនុស្សមានការប្រុងប្រយ័ត្នខ្ពស់ និងអាថ៌កំបាំង។<br />- ប្រសិនម្រាមកណ្ដាល និងម្រាមនាង មានគំលាតឆ្ងាយពីគ្នា វាបង្ហាញថា អ្នកជាមនុស្សមិនងាយនឹងទទួលឥទ្ធិពលពីសាធារណៈមតិ។<br /><br />- ប្រសិន ម្រាមកណ្ដាល និងម្រាមនាង នៅជិតគ្នា នោះអ្នកគឺជាមនុស្សរងផលប៉ះពាល់ពីសង្គម និងជាអ្នកមានគោលការណ៍ច្បាស់លាស់គួរសម។</p>
<p>- ចំពោះម្រាមកូន និងម្រាមនាង ប្រសិនគំលាតរវាងពួកគវាធំ នោះជាសញ្ញាប្រាប់ថា អ្នកចូលចិត្តគេចពីរឿងសំខាន់។ ប្រសិនគំលាតមធ្យម (ប្រៀបធៀបជាមួយញាតិមិត្ត) មានន័យថា ជាមនុស្សមានការគិតបែបឯករាជ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/news/detail/7155/Blood-type-and-personality"><span style="color: #3366ff;">ទស្សន៍ទាយនិស្ស័យអ្នកតាមរយៈក្រុមឈាម</span></a></span></p>
<p><span style="color: #3366ff;"><a href="/News/Detail/26483/why-humans-are-so-superstitious"><span style="color: #3366ff;">ហេតុអ្វី មនុស្សមានអបិយជំនឿ ?</span></a></span></p>
<p><span style="color: #3366ff;"><a href="/News/Detail/80457/washing-your-hands-makes-you-happier"><span style="color: #3366ff;">លាងដៃនៅពេលខឹង នឹងជួយឱ្យមានអារម្មណ៍ ស្រស់ថ្លា ឡើងវិញ</span></a></span></p>
<p> </p>
<p> </p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Realsimple/KH<br /><br /></p>