<p><strong>ភ្នំពេញៈ</strong> នៅចុងឆ្នាំ២០១៣នេះ គេសង្កេតឃើញតារាទឹកភ្នែកស្រីស្រគត់ស្រគំ កញ្ញា នី មុនីនាថ ទទួលការងារគ្រប់ទីកន្លែងស្ទើរដកខ្យល់មិនរួច រវល់កើបលុយមិនដឹងថ្ងៃយប់ ខណៈដែលតារា<br />ស្រីស្អាតល្បីឈ្មោះពីរដួង គឺកញ្ញា សារាយ សក្ខណា និង កញ្ញា គឹម លីហ្សា កំពុងតែ ត្រៀមខ្លួន<br />ដកឃ្លាពីវិស័យសិល្បៈទៅបន្ទុំសាច់ឲ្យស ដេកចាំធ្វើជាកូនក្រមុំសាងគ្រួសារ ខុសឆ្ងាយពី កញ្ញា <br />មុនីនាថ បែរជានិយាយថា នាងមិនទាន់ចង់គិតរឿងរៀបការទេ ព្រោះកំពុងតែជាប់ដៃ រកលុយ <br />ហើយនិយាយទៀតថា ពេលឆាប់ៗខាងមុខនេះ ខ្លួនគម្រោងចេញ ទៅរកលុយ នៅក្រៅប្រទេស<br />ថែមទៀតផង ។</p>
<p>តារាសម្តែង និងជាពិធីការិនី កញ្ញា នី មុនីនាថ ត្រូវបានគេចាត់ទុកថាជាតារាស្រីមួយដួង ដែល<br />អាចឡើងកូដកាន់តែឡើង និងក្តាប់បានតំណែងតួឯកស្រី ស្ទើរគ្រប់រឿងបន្ទាប់ពី កញ្ញា សារាយ <br />សក្ខណា បានប្រកាសដោយចំហរថានាង នឹងផ្អាកអាជីពសិល្បៈក្រោយពីរៀបការរួច ហើយ<br />តារាសម្តែងស្រីមួយដួងទៀត ដែលកំពុងតែទទួលបានប្រជាប្រិយភាពខ្លាំង ស្របាលគ្នា គឺ កញ្ញា <br />គឹម លីហ្សា ក៏កំពុងតែមានគម្រោង ឃ្លាតឆ្ងាយពីសិល្បៈដូចគ្នា ដែលជាហេតុផលដែលធ្វើឲ្យតារា<br />ស្រីសម្បុរ ស្រអែមស្រស់ កញ្ញា មុនីនាថ សប្បាយចិត្តកើបយកការងារ និងលុយតែម្នាក់ឯង មិន<br />ឈប់ មិនឈរនោះឡើយ។</p>
<p>ម្តាយរបស់ កញ្ញា នី មុនីនាថ បានជួបសម្ភាសន៍ជាមួយ Looking TODAY តាមទូរស័ព្ទថា បច្ចុប្បន្ន<br />កូនស្រីរបស់គាត់កំពុងតែមមាញឹកជាប់គ្មាន ពេលទំនេរទេ ។ ជាក់ស្តែងពេលនេះ ក៏កំពុងតែស្ថិត<br />នៅកន្លែងថត កូនស្រីរបស់ខ្លួន អត់បានផ្តល់បទសម្ភាសន៍ ដោយផ្ទាល់ទេ ។ ជារៀងរាល់ ថ្ងៃកូន<br />ស្រី គាត់រវល់ឥតឈប់ទេថតរឿង ថតស្ពតពាណិជ្ជកម្ម ឲ្យហាងកាហ្វេ គោយន្ត ច្រៀងតាមខេត្ត <br />ហើយនៅពេលខាងមុខនេះ ក៏មានគម្រោងចេញទៅសម្តែងនៅអាម៉េរិកថែមទៀត មិនទំនេរទេ ។</p>
<p>ម្តាយរបស់តារាស្រីសម្បុរស្រអែមរូបនេះ បានប្រាប់ឲ្យដឹងថា «ខ្ញុំទទួលស្គាល់ថាជិត ពេញមួយ ឆ្នាំ<br />នេះ កូនខ្ញុំមានសន្ទុះការងារកើនកាន់តែច្រើន ជាងឆ្នាំមុនព្រោះថាកូនខ្ញុំមិន ប្រកាន់ការងារទេ ឲ្យ<br />តែមានគេទាក់ទងមិនថាថតកុន ពិធីការិនី ច្រៀងខនសឺតអីទេ គឺកូនខ្ញុំទទួលទាំង អស់ គ្មានពេល<br />ទំនេរទេ ហើយមានពេលខ្លះអត់បានទទួលការងារធ្វើឲ្យគេ អន់ចិត្តក៏មានដែរ ។ លើសពីនេះ ដើម<br />ខែមករា ឆ្នាំក្រោយនេះ អានាថ កូនខ្ញុំ ត្រូវធ្វើដំណើរចេញទៅសម្តែងនៅលើទឹកដីអាម៉េរិក និង មាន<br />គម្រោងចេញទៅប្រទេសផ្សេងទៀត គ្រាន់តែមិនទាន់ចង់បង្ហើបជាសាធារណៈ នៅពេលនេះ »។</p>
<p>ទន្ទឹមជាមួយគ្នានោះម្តាយរបស់ស្រីស្រស់ ដែលជាតួឯកស្រីក្នុងរឿង «សន្យាស្នេហ៍» រូបនេះក៏បាន<br />ព្រលយឲ្យដឹងថា នៅចុងឆ្នាំនេះ មានសិល្បការិនី២ ដួងដែលមានអាយុស្របាល និងកូនរបស់ខ្លួន<br />មានគម្រោងរៀបការក្នុងពេលឆាប់ៗខាងមុខនេះ ប៉ុន្តែសម្រាប់កូនស្រីគាត់ មិនបាន ខ្វល់ខ្វាយ រឿង<br />រៀបការអីទេព្រោះ ថាពេលនេះកំពុងតែជាប់ដៃរកលុយ ហើយម្យ៉ាងទៀត បើកូនគាត់ស្រលាញ់ អ្នក<br />ណាម្នាក់គឺទាល់តែមាន ពេល វេលាសម្រាប់គ្នាទៅវិញទៅមក គ្រប់គ្រាន់។</p>
<p>ម្តាយមុនីនាថ និយាយទៀតថា « អានាថធ្លាប់ប្រាប់ ខ្ញុំថារឿងស្នេហា រៀបការមានគូស្រករនោះ ប្រហែលជាត្រូវពន្យារពេល២-៣ទៅឆ្នាំទៀត ហើយ សម្រាប់ការងារសិល្បៈ មិនទាន់អាចរំពឹងថា<br />អានាថ ជាតារាលេចធ្លោខ្លាំងតែម្នាក់ឯងទេ បើសិនជា សក្ខណា និង លីហ្សា ដកឃ្លាពីសិល្បៈក៏<br />មានតារាដទៃ បង្ហាញខ្លួនបន្តបន្ទាប់ទៀតជាក់ជា មិនខានហើយអ្វីដែលសំខាន់នោះ គឺ ទេពកោ<br />សល្យក្នុងការសម្តែងតែប៉ុណ្ណោះ ” ។</p>
<p>យ៉ាងណាក៏ដោយកាលពីពេលថ្មីៗនេះ នី មុនីនាថ ទើបតែលេចធ្លាយនូវរូបភាពកៀកកើយជាមួយ<br />បុរសវ័យចំណាស់ម្នាក់ ដែលគេសង្ស័យថា បុរសនោះ និងមុនីនាថ បានទាក់ទងស្នេហានឹងគ្នា។ <br />លើសពីនេះ បុរសនោះគឺជាបងធម៌របស់សារាយ សក្ខណា ថែមទៀត៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0226.jpg" alt="Looking Today" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-065/PISETH-0227.jpg" alt="Looking Today" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/24513-2013-11-13-11-12-03.html">ដើមអំពិល</a></p>