<p><strong>កោះកុង ៖</strong> លោក ធូ វិបុល អភិបាលក្រុង ខេមរៈភូមិន្ទ ខេត្ដកោះកុង បានចេញសារាចរ ណែនាំ<br />ដល់ប្រជាពលរដ្ឋ គ្រប់លំដាប់ថ្នាក់ ជាពិសេសអាជីវករដែលលក់ ដូរគ្រឿងសង្ហារឹម តុបតែងលម្អ<br />គេហដ្ឋាន នៅថ្ងៃបុណ្យចូលឆ្នាំ ប្រពៃណីចិន-វៀតណាម ដែលនឹងឈានចូលនៅថ្ងៃទី ៩ ខែកុម្ភៈ<br /> ឆ្នាំ២០១៣ ខាងមុខនេះ។</p>
<p>ដើម្បីថែរក្សាសណ្ដាប់ធា្នប់ នៅក្នុងខេត្ដឱ្យបានល្អ និងដើម្បី សុវត្ថិភាពប្រជាពលរដ្ឋ ភ្ញៀវជាតិ និង<br />អន្ដរជាតិ ដែល ធ្វើដំណើរកំសាន្ដ របស់ភ្ញៀវដែលមកទេសចណ៍ ថ្ងៃបុណ្យចូលឆ្នាំប្រពៃណី ចិន-<br />វៀតណាម នាពេលខាងមុខ អភិបាលក្រុងខេមរៈភមិន្ទ បានចេញសារាចរមានដូចជាះ</p>
<p>-គ្រប់គេហដ្ឋាន សណ្ឋាគារ ផ្ទះសំណាក់ ភោជនីយដ្ឋាននានា សាលារៀន ក្លឹបកំសាន្ដ វត្ដអារាម <br />នៅក្នុងក្រុងខេមរៈភូមិន្ទ ទាំងអស់ ត្រូវធ្វើអនាម័យ សំអាតទីធ្លាជុំវិញលំនៅដ្ឋាន និងតុបតែងលំអ<br />ឱ្យបានល្អ ។<br />-ហាមលក់ដូរគ្រឿងផ្ទុះ ផាវ កាំជ្រួច ជាដើម។<br />-នៅពេលអុជទៀនធូប និងដុតក្រដាសសែនព្រេន ត្រូវមានការប្រុងប្រយ័ត្នខ្ពស់ ជៀសវាងកុំឱ្យមាន<br /> គ្រោះអគ្គិភ័យ កើតឡើង ជាយថាហេតុ <br />-ហាមយកអាវុធ ឬប្រើប្រាស់អាវុធជាតិផ្ទុះ ចូលក្នុងកន្លែងកំសាន្ដជាដាច់ខាត <br />-ហាមលេងល្បែងស៊ីសងគ្រប់ប្រភេទ និងបញ្ចាំងខ្សែវីដេអូ បែបអាសអាភាស ដែលខុសនូវ ក្រម<br />សីលធម៌ ប្រពៃណីនិងទំនៀមទម្លាប់ <br /> -ហាមបើករថយន្ដម៉ូតូដោយ ល្បឿនលឿនហួសច្បាប់ កំណត់ ពិសេសពេលសេពគ្រឿង ស្រវឹង<br />សូមកុំបើកបរ ដែលជាហេតុបង្កឱ្យមានគ្រោះថ្នាក់និងប៉ះពាល់ ដល់សណ្ដាប់ធ្នាប់ចរាចរ តាមដងផ្លូវ<br /> សាធារណៈនិង សុវត្ថិភាព សង្គម -ហាមលេងល្បែងគប់ទឹកប៉ាតម្ស៉ៅជាហេតុនាំឱ្យគ្រោះថ្នាក់<br />-កងកម្លាំងប្រដាប់អាវុធនិងសមត្ថកិច្ច គ្រប់លំដាប់ថ្នាក់ត្រូវបង្កើត កិច្ចការពារដើម្បីធានាបាននូវសុ<br />វត្ដិភាព សន្ដិសុខសណ្ដាប់ធ្នាប់ របៀបរៀបរយជូន ប្រជាពលរដ្ឋ និងបង្គ្រាបរាល់សកម្មភាព លួច <br />ឆក់ ប្លន់ អំពើឃាតកម្ម ចាប់ជំរិតការបាញ់ បោះខុសច្បាប់ និងល្បែងស៊ីសង គ្រប់ប្រភេទដើម្បី ឱ្យ<br />ស្របទៅតាមគោល នយោបាយ ភូមិឃុំមានសុវត្ថិភាព។</p>
<p>ប្រជាពលរដ្ឋបាននិយាយប្រាប់ភ្នាក់ងារ ដើមអម្ពិល ឱ្យដឹងថា លោកអភិបាលក្រុងខេមរៈភូមិន្ទ បាន<br />ចេញចរាចរ ណែនាំនេះ លោកសប្បាយចិត្ដណាស់ពីព្រោះ ការដុតផាវនេះជាហេតុ មួយដែលធ្វើ<br />ឱ្យជនឆ្លៀត ឱកាសបន្លំបាន ក្នុងករណីផ្សេងៗហើយ ធ្វើឲ្យរំខានដល់ដំណេក ប្រជាពលរដ្ឋនិងភ្ញៀវ<br />ទេសចណ៍ដែល ចូលមកកំសាន្ដនៅខេត្ដ កោះកុងយើង៕</p>
<p><a class="thickbox" title="" href="/FileManager/Commons/2013/2/6/ch-0114-06-02-2013--13-39-37.jpg"><img src="/FileManager/Articles/mce/2013/2/6/ch-0114-06-02-2013--13-39-37.jpg" alt="" /></a></p>
<p><a class="thickbox" title="" href="/FileManager/Commons/2013/2/6/ch-0115-06-02-2013--13-40-01.jpg"><img src="/FileManager/Articles/mce/2013/2/6/ch-0115-06-02-2013--13-40-01.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>