<div class="article-content">
<p><strong>បាងកក៖</strong> យ៉ាងហោចណាស់ មានមនុស្ស ៦ នាក់រងរបួស ដោយសារការផ្ទុះគ្រាប់កែច្នៃ នៅបរិវេណផ្លូវ បំបែក កណ្តាល ក្រុងបាងកក។</p>
<p>យោងតាមគេហទំព័រ INN របស់ថៃ នៅថ្ងៃ ចន្ទ ទី ១០ ខែ កុម្ភៈ ឆ្នាំ ២០១៤ នេះបានចុះផ្សាយ ឲ្យដឹងថា មានករណីផ្ទុះគ្រាប់បែក មួយបានកើតឡើងនៅបរិវេណ នៅផ្លូវបំបែក ផានហ្វា ក្រុងបាងកក បណ្តាលឲ្យ ក្រុមសណ្តាប់ធ្នាប់ក្រុងបាងកក រងរបួស ៦ នាក់ ក្នុងនោះ របួសធ្ងន់ ២ នាក់។ ហេតុការណ៍នេះបានកើតឡើង នៅវេលម៉ោងប្រមាណ ១១ ព្រឹក ខណៈដែលក្រុម សណ្តាប់ ធ្នាប់របស់សាលាក្រុង បានធ្វើការបោសសំអាត ចំណុចកើតហេតុ ដែលជាកន្លែង ជួបជុំគ្នារបស់ក្រុម បាតុករប្រឆាំងរដ្ឋាភិបាល ទើបនឹង រំសាយកាលពីពេលថ្មីៗនេះ។</p>
<p>អាជ្ញាធរដោះមីនថៃ បានប្រាប់ថា គ្រាប់បែកដែលផ្ទុះ នេះជាប្រភេទគ្រាប់បែកកែច្នៃ ត្រូវបាន ជនល្មើសបានលាក់ទុក នៅក្នុងគំនរសំរាម ដើម្បីត្រៀមធ្វើសកម្មភាព។ ខណៈដែលក្រុម អានាម័យ ធ្វើការបោសសំអាត គំនរសំរាម ស្រាប់ ប៉ះចំគ្រាប់បែក បណ្តាលឲ្យផ្ទុះតែម្តង។</p>
<p>ភ្នាក់ងារសលាក្រុងម្នាក់ បានអះអាងថា ស្នូរគ្រាប់បែកពីរគ្រាប់ បានផ្ទុះឡើង បង្កឲ្យមាន មនុស្សជាច្រើននាក់រងរបួស ខណៈ ក្នុងក្រុមអានាម័យ កំពុងធ្វើការបោសសំអាត បន្ទាប់ពី ក្រុមបាតុករ បាននាំគ្នាចាកចេញពីកន្លែងកើតហេតុ អស់រយៈពេល ពីរថ្ងៃមកនោះ៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-014/that-0045.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-40-26/80600-2014-02-10-09-06-54.html"><span style="color: #0000ff;">ដើមអំពិល</span></a></p>
</div>