<p><strong>ខេត្តតាកែវៈ</strong> ករណី ចោលួចម៉ាស៊ីន បូមទឹកដាក់ស្រែ របស់ប្រជាពលរដ្ឋ នៅស្រុកអង្គរបូរី កាល<br />ពីថ្ងៃទី៧ ខែកុម្ភៈឆ្នាំ២០១៣ វេលាម៉ោង៨យប់ កន្លងទៅនេះ ត្រូវបានសម្ថកិច្ច រួមទាំងម្ចាស់ទ្រព្យ<br /> បើកការ តាមដានជាសម្ងាត់ និងចាប់បាន ជនសង្ស័យហើយ នៅចំណុចភូមិព្រៃសំបួរ ឃុំអង្គរបូរី<br /> ស្រុកអង្គរបូរី ខេត្តតាកែវ ។</p>
<p>សមត្ថកិច្ចស្រុកអង្គរបូរី បានឱ្យដឹងថា ជនសង្ស័យមាន ឈ្មោះហ៊ុន សុខបូលីភីរម្យ អាយុ២៥ឆ្នាំ<br /> មានទីលំនៅ ក្នុងភូមិព្រៃសំបួរ ឃុំអង្គរបូរី ។ ជននេះ បានលួចម៉ាស៊ីនម៉ាហ្ស៊ូត សម្រាប់បូមទឹកដាក់<br />ស្រូវ ម៉ាកយុំាង ដុងកម្លាំង៦សេស របស់ឈ្មោះចាន់ ម៉េងភេទប្រុស អាយុ៣១ឆ្នាំ មានទីលំនៅក្នុង <br />ភូមិសាមគ្គី ឃុំអង្គរបូរី ស្រុកអង្គរបូរី ខេត្តតាកែវ។ ជនសង្ស័យ បានលួចម៉ាស៊ីន តាំងពីយប់ ថ្ងៃទី៥<br />ខែកុម្ភៈ ដោយម៉ាស៊ីននេះ បានដាក់ចោលនៅ និងវាលស្រែត្រង់ចំណុច ព្រៃឈើទាល ក្នុងភូមិព្រៃ<br />សំបួរ ឃុំអង្គរបូរី។ ដោយសារម៉ាស៊ីននោះ មានទំងន់ធ្ងន់ ទើបជនសង្ស័យ ប្រើកូនសោ និងម៉ាឡេត<br /> ដើម្បីដោះម៉ាស៊ីននោះ ចេញពីជើងម៉ាស៊ីន រួមទាំងក្បាលបូមផងដែរ ដោយលើកយកតែ ជើងម៉ាស៊ីន <br />និងក្បាលបូម ។ ចំណែកឯ ម៉ាស៊ីន ជនសង្ស័យ បានយកទៅទំលាក់ចូលក្នុងទឹក ប្រឡាយមួយដែល<br />មានចំងាយប្រហែល ២០ម៉ែត្រ ពីចំណុចកើតហេតុ ។</p>
<p>នគរបាលបន្តថា នៅពេលដឹង ដំណឹងបាត់ម៉ាស៊ីនភ្លាម ម្ចាស់ម៉ាស៊ីន ក៏បាន តាមដាន និងទាក់ទង <br />ជាមួយនឹង ជាងដែល ជួសជុសម៉ាស៊ីន ហើយប្រាប់ថា នៅពេលដែលមាន ម៉ាស៊ីនណាទើប និង<br />យកមក ជួសជុសថ្មីៗ សូមទាក់ទងទៅ រូបគាត់ផង។</p>
<p>នគរបាលស្រុកអង្គរបូរី បន្ថែមទៀតថា បន្ទាប់ពីជនសង្ស័យរូបនេះ បានយកជើងម៉ាស៊ីន រួមទាំង<br /> ក្បាលបូម មកហើយ ក៏លក់ឱ្យ ឈ្មោះច្រឹង វៃ ក្នុងតំលៃ១០ម៉ឺនរៀល រួចហើយឈ្មោះច្រឹង វៃក៏បាន<br />យកជើងម៉ាស៊ីន និងក្បាលបូមនេះ ទៅជួសជុលនៅ ផ្ទះជាងដែលមានឈ្មោះ សុង ហេង បន្ទាប់មក<br />សុង ហេង ក៏បានផ្ដល់ដំណឹងដល់ ទៅម្ចាស់ម៉ាស៊ីន នៅពេលដែល ម្ចាស់ម៉ាស៊ីនបាន ទទួលដំណឹង<br />នេះ ក៏មកពិនិត្យ ហើយក៏ស្គាល់ថា ជើងម៉ាស៊ីននេះ ជាជើងម៉ាស៊ីនរបស់ខ្លួន ពិតប្រាកដមែន ទើប<br />ផ្ដល់ដំណឹងនេះ ទៅសមត្ថកិច្ច ឱ្យជួយអន្តរាគមន៍ ចាប់បានជនសង្ស័យ ។</p>
<p>បច្ចុប្បន្ននេះជនសង្ស័យ ត្រូវបានសមត្ថកិច្ចស្រុកអង្គរបូរី កសាងសំណុំរឿង និងបញ្ជូនទៅស្នងការ<br />ខេត្ត ដើម្បីដោះស្រាយ បន្ដ រីឯវត្ថុតាង បានប្រគល់ជូន ម្ចាស់ដើមវិញ ៕</p>
<p><a class="thickbox" title="" href="/FileManager/Commons/2013/2/9/s3153-09-02-2013--15-49-36.jpg"><img src="/FileManager/Articles/mce/2013/2/9/s3153-09-02-2013--15-49-36.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>