<p><strong>ភ្នំពេញៈ</strong> អតីតតារាសម្តែងមាឌមាំ រូបស្រស់សង្ហាដែលធ្លាប់ មានឈ្មោះបោះសំឡេង មួយរូប<br />ក្នុងប្រទេសកម្ពុជា កាលពីទស្សវត្សទី៨០និង៩០ លោក ខៃ ប្រសិទ្ធ បន្ទាប់ពីចាកចេញពី ប្រ<br />ទេសកំណើត ទៅរស់នៅ ប្រទេសអូស្ត្រាលី អស់រយៈពេលជាង ១០ឆ្នាំមកហើយនោះ ជា<br />រឿយៗនៅពេល ដែលលោកត្រឡប់ម កលេងស្រុកកំណើត ម្តងៗរមែងតែងតែ មានការលាក់<br />កំបាំង មិនចង់ឲ្យគេដឹង ពីដំណើរ របស់លោក មកលេងស្រុក កំណើតនោះទេ។</p>
<p>កាលពីយប់ថ្ងៃទី៥ ខែឧសភា ឆ្នាំ២០១៣នេះ លោក ខៃ ប្រសិទ្ធ បានបង្ហាញវត្តមាន ចូលរួមក្នុង<br />ពិធី មង្គលការកូនរបស់ តារាកំប្លែងជើងចាស់ គឺ នាយ ត្រដក់ និងអ្នកនាង ជុំ រស្មី ហៅស្រីទូច<br /> តែលោកពុំបានស្ថិត នៅក្នុងកម្មវិធីនោះយូរទេ ដោយសារតែលោកមិន ចង់ឲ្យមានអ្នកដឹងថា <br />លោកមកស្រុកកំណើតនោះ ។ លោកបានជួប និយាយគ្នាលេង តិចតួចជាមួយ អ្នកសិល្បៈមួយ<br />ចំនួន ក្នុងរយៈពេលខ្លី រួចក៏ចាកចេញទៅបាត់ទៅ ដោយលោកមិន ចង់ជួបសម្ភាសន៍ ជាមួយក្រុម<br />អ្នកសារព័ត៌មាន នោះទេ។</p>
<p>អ្នកនាង ខាត់ សុឃីម ដែលជាតារាចម្រៀង ល្បីឈ្មោះមួយរូប និង ជាអ្នកបានជួបលោក ខៃ ប្រ<br />សិទ្ធ ដោយផ្ទាល់បានប្រាប់ LookingTODAY ឲ្យដឹងនៅថ្ងៃទី៦ ខែឧសភា ឆ្នាំ២០១៣នេះថា អ្នក<br />នាងពិតជាបានជួបនិង ថតរូបដោយផ្ទាល់ ជាមួយ លោក ខៃ ប្រសិទ្ធ ដែលជាអតីតស្វាមីរបស់<br /> អ្នកនាង ពិសិដ្ឋ ពិលីកា ពិតមែន។ អ្នកនាងបានទៅច្រៀង កាត់សក់បង្កក់សេរី ក្នុងពិធីមង្គលការ <br />កូនរបស់តារាកំប្លែង នាយ ត្រដក់ ហើយពេលនោះអ្នកនាង ក៏បានជួប លោក ខៃ ប្រសិទ្ធ ក៏បាន<br />ជួបនិយាយគ្នា លេងសួរសុខទុក្ខតិចតួច។</p>
<p>អ្នកនាង ខាត់ សុឃីមបានប្រាប់ឲ្យដឹងថា "បើតាមខ្ញុំដឹង លោក ប្រសិទ្ធ មកដល់ស្រុកខ្មែរ បាន<br />៣ថ្ងៃហើយ ដោយលោកមក លេងស្រុកខ្មែរ ប្រហែល២សប្តាហ៍ ហើយសម្រាប់រឿងផ្សេងខ្ញុំ សូម<br />បដិសេធមិន និយាយនោះទេ ព្រោះថា ខ្ញុំមិនចង់និយាយអ្វីច្រើន ជាងការដែលខ្ញុំដឹងនោះទេ"។</p>
<p>ជារឿយៗនៅពេលដែល អតីតតារាភាពយន្តល្បីឈ្មោះ លោក ខៃ ប្រសិទ្ធ មកលេងស្រុកកំណើត<br />ម្តងៗ គ្មានទស្សនិកជនណាដឹងទេ ថា លោកមកលេងស្រុកកំណើត ព្រោះលោកតែងតែ ព្យាយាម<br />ផ្តាច់ខ្លួន ពីក្រុមអ្នកសារព័ត៌មាន ។ នៅពេលដែលលោក មកលេងស្រុកកំណើត លោកក៏មិនដែល<br />ចូលរួម កម្មវិធីសិល្បៈអ្វីផ្សេង និងបង្ហាញខ្លួនជា សាធារណៈនោះទេ ពោលគឺលោកមក ដោយភាព<br />ស្ងប់ស្ងាត់ និងទៅវិញក៏ដោយ ភាពស្ងប់ស្ងាត់ដែរ ។</p>
<p>ទោះបីជាយ៉ាងណា មហាជនគ្រប់ស្រទាប់ វណ្ណៈទាំងអស់ ក្នុងប្រទេសកម្ពុជា ដែលតែងតែបាន <br />ទទួលដំណឹងពីការរស់ ក្រៅប្រទេសរបស់ អតីតតារាសម្ដែង ប្រកបដោយទេពកោសល្យ លោក <br />ខៃ ប្រសិទ្ធ នាពេលកន្លងមក ពួកគាត់នៅតែចង់ដឹងពី ដំណើរជិវិតឯកជន របស់លោកជានិច្ច ។ <br />លោក ខៃប្រសិទ្ធ ចាកចេញពីប្រទេសកម្ពុជា ទៅរស់នៅទាំងបង្ខំ ចិត្ចក្នុងប្រទេស អូស្រ្តាលី ក្នុងអំ<br />ឡុងចុងឆ្នាំ១៩៩៩ ដោយសារតែបញ្ហា ស្នេហាត្រីកោណ ដ៏ច្របូកច្របល់ គឺខណៈដែលភរិយាជា <br />ទីស្រឡាញ់របស់លោក គឺអ្នកនាង ពិសិដ្ឋ ពិលីកា ត្រូវបានខ្មាន់កាំភ្លើង ចិត្តពាលបាញ់ប្រហារ ឲ្យ<br />ស្លាប់កណ្ដាលក្រុងភ្នំពេញ កាលពីព្រឹកថ្ងៃទី ០៦ ខែកក្កដា ឆ្នាំ១៩៩៩។</p>
<p>អ្នកនាង ពិសិដ្ឋ ពិលីកា បានដួលទ្រោបទៅលើដី ក្នុងថ្លុកឈាម បន្ទាប់ពីត្រូវគ្រាប់កាំភ្លើង ចំនួន ៣<br />គ្រាប់ បាញ់ទម្លុះរាងកាយ នៅក្បែរផ្សារអូប្ញស្សី នាពេលព្រឹកព្រលឹម។ ការបាត់បង់ជីវិតរបស់អ្នក<br />នាងពិសិដ្ឋ ពិលីកា បានពាំនាំយកទៅ ជាមួយនូវភាពអយុត្តិធម៌ ក្រោមសំណោកសោកស្រណោះ<br /> ពីជនរួមជាតិខ្មែរ ទូទាំងប្រទេស និងក្រៅប្រទេស ជាពិសេសអ្នកសិល្បៈរួមជំនាន់ ហើយពិធីបុណ្យ<br />ខួបរំឭកដួងវិញ្ញាណក្ខន្ធ របស់តារាស្រីរូបនេះ ត្រូវបានធ្វើឡើង ជារៀងរាល់ឆ្នាំ ហើយតែងលេចមុខ<br /> ស្វាមីរបស់នាង ក្នុងពិធីនោះរាល់ឆ្នាំ បើទោះបីជាលោក មកក្នុងស្ថានភាពភ័យព្រួយ ពីសុវត្ថិភាពផ្ទាល់<br />ខ្លួនក្ដី។</p>
<p>ទស្សនិកជនដែលធ្លាប់គាំទ្រ ពិសិដ្ឋ ពិលីកា ទាំងក្នុងប្រទេស និងក្រៅប្រទេស នៅតែទទួចរកយុត្តិ<br />ធម៌ ជូនដល់វិញ្ញាណក្ខន្ធ របស់តារាសម្ដែងពិសិដ្ឋ ពិលីកា ប៉ុន្តែរយៈពេលជិត ១៥ឆ្នាំមកហើយ យុត្តិ<br />ធម៌សម្រាប់លោក ខៃ ប្រសិទ្ធ និងវិញ្ញាណក្ខន្ធ ពិសិដ្ឋ ពិលីកា នៅតែគ្មានពន្លឺដដែល..៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0074.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>