<p>ចម្លែកៗ ៖ បើយោងតាមការដកស្រង់អត្ថបទផ្សាយ ដែលទើបតែបានចេញផ្សាយដោយ<br />គេហទំព័រសារព័ត៌មានប្លែកបរទេស កាលពីម្សិលមិញនេះ បានគូសបញ្ជាក់អោយដឹងថា<br />ស្រ្តីស្រស់ស្អាត ដែលមានសម្រស់ គួរជាទីទាក់ទាញម្នា ក់ បានអះអាងថា មូលហេតុ<br />ដែលនាងមិនស្វែងរកការងារធ្វើ ក៏ព្រោះតែនាងមានសម្រស់ស្រស់ស្អាតពេក ។</p>
<p>គួរបញ្ជាក់ផងដែរថា ស្រ្តីចម្លែករូបនេះ មានឈ្មោះថា Laura Fernee វ័យ ៣៣ ឆ្នាំ បាន<br />បញ្ចប់ការសិក្សាកំរិត PhD និង ធា្លប់បានបំរើការងារ នៅក្នុងមន្ទីរពិសោធន៍ រយៈពេល<br /> ៣ ឆ្នាំ មុនពេលដែលនាងសុំឈប់កាលពីឆ្នាំ ២០១១ ចាប់តាំងពីពេលនោះមក នាង<br />មិនបានដាក់ពាក្យស្វែងរកការងារអ្វីនោះទេ។</p>
<p><a class="thickbox" title="" href="/FileManager/Commons/2013/5/22/laura-22-05-2013--09-19-11.jpg"><img src="/FileManager/Articles/mce/2013/5/22/laura-22-05-2013--09-19-11.jpg" alt="" width="419" height="304" /></a></p>
<p>នាង Laura Fernee បានផ្តល់ជាកិច្ចសម្ភាសន៍ផងដែរថា នាងមិនមែនជាមនុស្សស្រី<br />ខ្ជិល ឬក៏ជាមនុស្សស្រី ខ្វះសីលធម៌នោះទេ តែអ្វីដែលជាការពិតនោះគឺថា សម្រស់<br />ដែលប្រកបទៅដោយភាពទាក់ទាញរបស់នាងខ្ញុំ ពិតជាបង្កភាពស្មុគស្មាញ និងបញ្ហា<br />ជាច្រើនមកលើនាងខ្ញុំ បើសិនណានាងខ្ញុំក្លាយជាបុគ្គលិករបស់អង្គការ ឬ ក៏ស្ថាប័ន<br />ក្រុមហ៊ុនណាមួយនោះ។</p>
<p>លើសពីនេះ នាង Laura ដែលជាពលរដ្ឋរស់នៅក្នុងទីក្រុង ឡុងដ៍ បន្ថែមថា នាងបាន<br />កត់សំគាល់អោយដឹងថា បុគ្គលិកប្រុសដែលបំរើការជាមួយគ្នានោះ ជារឿយៗតែងតែ<br />យកចិត្តទុកដាក់និងនាង ក៏ដូចជាចាប់អារម្មណ៍នាងជាខ្លាំង ដែលជាហេតុធ្វើអោយ<br /> អ្នកបំរើការស្រីៗដូចគ្នានោះ មានភាពច្រណែនជាខ្លាំង ។ នាងខ្ញុំពិតជាមិនចង់អោយ<br />បុគ្គលិកប្រុសទាំងនោះ មើលមកលើនាងខ្ញុំតែរូបកាយ និងសម្រស់នោះទេ តែនាងខ្ញុំ<br />ពិតជាចង់អោយពួកគេ មើលឃើញ នូវទេពកោសល្យ ស្នាដៃ ក៏ដូចជា ភាពស្ទាត់<br />ជំនាញរបស់នាងខ្ញុំផងដែរ។</p>
<p>លើសពីនេះ ប្រភពសារព័ត៌មានដដែលបន្ថែមថា ឪពុកម្តាយរបស់នាង ជារៀងរាល់ខែ<br /> តែងតែផ្តល់លុយ £2,000 សម្រាប់ការចំណាយផ្សេងៗ ។ ជាចុងក្រោយនាង Laura <br />បញ្ជាក់ថា ខ្ញុំដឹងថា ពិតជាមានមនុស្សមួយចំនួន ធ្វើការវិនិច្ឆ័យក្នុងការសម្រេចចិត្តមិន<br />ទៅបំពេញការងារ តែពួកគេពិតជាអាចប៉ាន់ស្មានដឹងថា តើអ្វីដែលជាភាពរាំងស្ទះនៅ<br />កន្លែងធ្វើការ បើសិនណា មានសម្រស់ស្រស់ស្អាតជាងគេនោះ៕</p>
<p><object width="450" height="400" data="http://www.youtube.com/v/kSFtlei5H0o&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/kSFtlei5H0o&rel=1" /></object></p>