<div class="article-content">
<p><strong>មណ្ឌលគិរី ៖</strong> ក្រោយបង្កគ្រោះថ្នាក់ចរាចរណ៍ បើករថយន្តទៅបុក រថយន្តរបស់អ្នកកាសែត ៣នាក់<br /> បណ្តាលឲ្យរង របួសធ្ងន់រួមមានសហការីទូរទស្សន៍ហង្សមាស សហការី ទូរទស្សន៍អប្បរា និងសហ<br />ការី មជ្ឈមណ្ឌលព័ត៌មាន ដើមអម្ពិលរួចមក ឥឡូវនេះរថយន្ត របស់ថៅកែលក់ គ្រឿងសំណង់ ឆៃ <br />លី បានបង្កគ្រោះថ្នាក់ ចរាចរណ៍មួយថែមទៀតនោះគឺ ទៅបុកក្មេងប្រុសក្មេងស្រី២នាក់ ជាបងប្អូន<br />បង្កើត បណ្តាលឲ្យស្លាប់ និងរងរបួសធ្ងន់។</p>
<p> គ្រោះថ្នាក់ចរាចរណ៍ ដ៏រន្ឋត់មួយនេះ បានបណ្តាលឲ្យ កុមារា កុមារី ពីរនាក់បងប្អូនស្លាប់ និងម្នាក់រង<br /> របួសបាក់ដៃបាក់ជើង គួរឲ្យសង្វែកបំផុត កាលពីវេលាម៉ោង៣នឹង៥០នាទីល្ងាច ថ្ងៃទី២៧ ខែតុលា <br />២០១៣ ស្ថិតនៅតាមបណ្តោយ ផ្លូវឆ្ពោះទៅរមណីយដ្ឋាន ទឹកជ្រោះដំណាក់ស្តេច ក្នុងភូមិជ្រៃសែន <br />សង្កាត់មនោរម្យ ក្រុងសែនមនោរម្យ។</p>
<p>សាក្សីបាននិយាយថា នៅមុនពេលកើតហេតុ គេឃើញរថយន្ត កូរ៉េពណ៍ខៀវពាក់ស្លាកលេខ 2K-<br />3731 មួយគ្រឿង បើកបរយ៉ាងលឿនពី ក្រុងសែនមនោរម្យទៅ ភូមិជ្រៃសែន ខណៈមកដល់កន្លែង<br />កើតហេតុ ត្រង់ផ្លូវបំបែកជាបួន រថយន្តបាន បើករេពេញផ្លូវទំនងស្រវឹងស្រា ក៏ជ្រុលទៅបុក ម៉ូតូរង<br />គ្រោះ ម៉ាកវ៉េវអ៊ីពណ៌ ក្រហមពាក់ ស្លាកលេខ កំពង់ចាម 1C-1651 ពីចំហៀង ពេញទំហឹង អូសជាង<br />៣០ម៉ែត្រទំាង មនុស្ស និងម៉ូតូ។</p>
<p>មន្រ្តីនគរបាល ចរាចរណ៍ជើងគោក នៃស្នងការដ្ឋាន នគរបាល ខេត្តមណ្ឌលគិរី បានឲ្យដឹងនៅល្ងាច<br />ថ្ងៃដដែលថា ចំពោះករណីគ្រោះថ្នាក់ចរាចរណ៍នេះ សមត្ថកិច្ចបានចុះទៅដល់កន្លែងកើតហេតុភ្លាមៗ <br />ហើយបានធ្វើការឃាត់ខ្លូនជនបង្ក នៅនឹងកន្លែងដែលមានឈ្មោះ សុខ រី ប្រុស អាយុ២១ឆ្នាំ រស់នៅ<br />ភូមិចំប៉ក់ សង្កាត់ស្ពានមានជ័យ ក្រុងសែនមនោរម្យ ។</p>
<p>មន្រ្តីនគរបាលចរាចរ បានបន្តទៀតថា រថយន្តបង្ក បុកម៉ូតូបណ្តាលឲ្យមានមនុស្សស្លាប់ និងរងរបូស<br />ធ្ងន់នោះ ជារថយន្ត ដឹកសម្ភារៈ គ្រឿងសំណង់ របស់ថៅកែលក់គ្រឿងសំណង់ឈ្មោះ ឆៃ លី ដែល<br />កាលពីថ្ងៃមុនបានបង្កគ្រោះថ្នាក់ ចរាចរណ៍ បុករថយន្តរបស់ អ្នកកាសែតបីនាក់ ឲ្យរងរបួសធ្ងន់ ដោះ<br />ស្រាយមិនទាន់រួចរាល់ផងនោះ។</p>
<p>ជនរងគ្រោះមានទី១-ឈ្មោះ ទិត្យ ចាន់បូរមី ភេទស្រី អាយុ១៥ឆ្នាំ របួសធ្ងន់ ទី២-ឈ្មោះទិត្យ ចាន់សូរិ<br />យា ប្រុស អាយុ១៤ឆ្នាំ ស្លាប់ ទាំងពីរនាក់ រស់នៅភូមិជ្រៃសែន សង្កាត់មនោរម្យ ក្រុងសែនមនោរម្យ។<br /> ក្រោយកើតហេតុ ទាំងរថយន្ត និងម៉ូតូត្រូវបាន សមត្ថកិច្ចយកទៅរក្សាទុកនៅស្នងការដ្ឋាន នគរបាល<br />ខេត្ត រង់ចាំដោះស្រាយនៅពេលក្រោយ៕</p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0454.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0455.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2013/September/id-007/Pheak-0456.jpg" alt="Photo by DAP-NEWS" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>