<p>បន្ទាប់ពីការបញ្ជាក់របស់ក្រុមហ៊ុន Samsung ជាមួយទស្សវត្តីកូរ៉េខាងត្បូងមក កាលពីពេលថ្មីៗនេះ ក្រុមហ៊ុនក៏បានបង្ហោះនូវរូបភាពបង្ហាញណែនាំដំបូងគេ ស្តីពីស្មាតហ្វូន Galaxy S6 Edge ពិសេស ជាម៉ូដែល Iron Man។</p>
<p><a class="thickbox" title="" href="/FileManager/Commons/2015/5/16/009-16-05-2015--21-02-15.jpg"><img src="/FileManager/Articles/mce/2015/5/16/009-16-05-2015--21-02-15.jpg" alt="" /></a></p>
<p>Samsung និង Marvel គឺជាក្រុមហ៊ុនពីរ មកពីទ្វីបពីរផ្សេងគ្នា ប៉ុន្តែពួកគេជានិច្ចកាល តែងតែធ្វើការ សហការគ្នា នៅក្នុងបណ្តាយុទ្ធសាស្រ្តម៉ាឃីតធីងក្នុងពេលកន្លងទៅថ្មីៗនេះ ជាពិសេសគឺស្លាក យីហោ Samsung បានលេចចេញច្រើនគួរសម នៅក្នុងភាពយន្តល្បី Avengers: Age of Ultron របស់ Marvel។ បន្ទាប់ពីខ្សែភាពយន្តបានដាក់បញ្ចាំមក Samsung បានបង្ហើបជាមួយនឹងទស្សវត្តីកូរ៉េខាង ត្បូងថា ម៉ូដែល Iron Man មួយសម្រាប់ Galaxy S6 Edge នឹងបង្ហាញខ្លួនក្នុងពេលឆាប់ៗនេះ។</p>
<p><a class="thickbox" title="" href="/FileManager/Commons/2015/5/16/007-16-05-2015--21-01-37.jpg"><img src="/FileManager/Articles/mce/2015/5/16/007-16-05-2015--21-01-37.jpg" alt="" /></a></p>
<p>បើយោងតាមប្រភពព័ត៌មានជាច្រើនកាលពីពេលមុននេះ ម៉ូដែល Galaxy S6 Edge Iron Man នឹង បង្ហាញណែនាំខ្លួនក្នុងពេលឆាប់ៗនេះបំផុត ដែលអាចនៅចុងខែឧសភានេះតែម្តង ឬក៏ឈានចូល ខែមិថុនា ជាមួយនឹងម៉ូដែលពណ៌ក្រហម។ ចំណែកឯបណ្តាពណ៌ដូចទៅនឹងពណ៌ តួសម្តែង (Hero) ដទៃផ្សេងទៀត នៅមិនទាន់បានបង្ហើបឲ្យដឹងពីពេលវេលា បង្ហាញណែនាំខ្លួននៅឡើយទេ។ </p>
<p><a class="thickbox" title="" href="/FileManager/Commons/2015/5/16/008-16-05-2015--21-02-01.jpg"><img src="/FileManager/Articles/mce/2015/5/16/008-16-05-2015--21-02-01.jpg" alt="" /></a></p>
<p>បើយោងតាមប្រភពព័ត៌មាន បណ្តាម៉ូដែល Galaxy S6 Edge ពិសេសទាំងនេះ នឹងត្រូវបានដាក់ ចេញលក់ នៅតាមបណ្តាប្រទេសដែលបានកំណត់ទុក មួយចំនួនតែប៉ុណ្ណោះ៕</p>
<p> </p>
<p style="text-align: right;">ប្រែសម្រួល៖ ករុណា<br />ប្រភព៖ <em>Android Authority, Vreview</em></p>