<p><strong>កណ្ដាល ៖</strong> ក្មេងស្រីសិស្សថ្នាក់ទី១០ ត្រូវបានបុរសចិញ្ចឹមជ្រូកម្នាក់ លួងលោម ហើយនាំយក<br />ទៅបង្ខាំងទុក ក្នុងផ្ទះរបស់ខ្លួន ដើម្បីធ្វើសកម្មភាពរំលោភទាំងយប់ទាំងថ្ងៃ ទម្រាំដឹកដល់សមត្ថ<br />កិច្ច ហើយឈានទៅ ដល់ការឃាត់ខ្លួន ជនសង្ស័យរូបនេះ ។</p>
<p>យោងតាមប្រភពព័ត៌មានពីមន្ដ្រីនគរ បាលស្រុកកោះធំ បានឱ្យដឹងថា ករណីបង្ខាំង មនុស្សខុស<br />ច្បាប់ទុកដើម្បីរំលោភសេព សន្ថវៈ បម្រើចំណង់តណ្ហារបស់ខ្លួននោះបាន កើតឡើង តាំងពីល្ងាច<br />ថ្ងៃទី១០ ខែមិថុនា ឆ្នាំ ២០១៣ រហូតដល់ថ្ងៃទី១៣ ខែមិថុនា ឆ្នាំ ២០១៣ ពោលក្មេងស្រីរងគ្រោះ<br />ត្រូវ បានជនសង្ស័យរូបនេះ យកទៅបង្ខាំងទុក ខុសច្បាប់ក្នុងផ្ទះរបស់ខ្លួន អស់រយៈពេល ៤ ថ្ងៃ<br /> ហើយបានធ្វើសកម្មភាពរំលោភបាន សម្រេចចំនួន ៦ដង ។</p>
<p>អធិការនគរបាល ស្រុកកោះធំ លោក មុយ ចាន់ពេជ្រ បានបញ្ជាក់នៅក្នុងរបាយ ការណ៍របស់<br />ខ្លួនថា ករណីបង្ខាំងមនុស្សខុស ច្បាប់ និងរំលោភសេពសន្ថវៈលើក្មេងស្រី មិនទាន់គ្រប់អាយុ<br />ខាងលើនេះ បានកើត ឡើង នៅផ្ទះជនសង្ស័យតែម្ដង ស្ថិតនៅក្នុង ភូមិព្រែកតាមេម ឃុំព្រែក<br />ស្ដី ស្រុកកោះធំ ខេត្ដកណ្ដាល ហើយជនសង្ស័យរូបនេះត្រូវ បានកម្លាំងនគរបាលឃាត់ខ្លួន <br />កាលពីថ្ងៃទី ១៣ ខែមិថុនា ឆ្នាំ ២០១៣ កន្លងទៅ ។</p>
<p>លោក មុយ ចាន់ពេជ្រ បានឱ្យដឹងថា ក្មេងស្រីរងគ្រោះ ឈ្មោះ រ.ស.ម អាយុ ១៧ ឆ្នាំ មុខរបរ <br />ជាសិស្សថ្នាក់ទី១០ រស់នៅ ស្រុកកោះធំ ខេត្ដកណ្ដាល រីឯជនសង្ស័យ ឈ្មោះ ប៉េង សុវណ្ណ<br /> អាយុ ២៧ឆ្នាំ មុខរបរ ជាអ្នកចិញ្ចឹមជ្រូក រស់នៅភូមិព្រែកតាមេម ឃុំព្រែកស្ដី ស្រុកកោះធំ ខេត្ដ<br />កណ្ដាល ពោលនៅចំណុចកើតហេតុខាងលើ ។</p>
<p>អធិការនគរបាលរូបនេះ បានរៀបរាប់ ថា ជនសង្ស័យ និងជនរងគ្រោះបានទាក់ទង ស្នេហា<br />ជាមួយគ្នា តាំងពីខែមីនា ឆ្នាំ២០១៣ មកម្ល៉េះ ដោយជនសង្ស័យបានលេខទូរស័ព្ទ ពីនារីរង<br />គ្រោះ ពីឈ្មោះ ម៉ន រតនា អាយុ ១៨ឆ្នាំ រស់នៅភូមិកោះទាវខ ឃុំសំពៅពូន ស្រុកកោះធំ ។<br /> ក្រោយពីបានលេខទូរស័ព្ទ នារីរងគ្រោះរួចហើយ ជនសង្ស័យរូបនេះ បានទូរស័ព្ទទាក់ទង<br />ស្នេហា សុំស្រឡាញ់ ចាប់តាំងពីពេលនោះមក ។</p>
<p>ដោយសារតែ ទំនាក់ទំនង តាមទូរស័ព្ទកាន់តែជ្រៅឡើងៗ ធ្វើឱ្យពួកគេទាំងពីរនាក់ ចាប់ចិត្ដ<br />ស្រឡាញ់ គ្នាកាន់តែខ្លាំងឡើងនោះ លុះដល់វេលា ម៉ោង ៥ និង១៥នាទីល្ងាច ថ្ងៃទី១០ ខែ<br /> មិថុនា ឆ្នាំ ២០១៣ ជនសង្ស័យក៏បានទូរ ស័ព្ទណាត់ជួបក្មេងស្រីរងគ្រោះ ដោយឱ្យ ប្អូនស្រី<br />របស់ខ្លួនបង្កើតឈ្មោះ ប៉េង ផារី ទៅ ឌុបក្មេងស្រីរងគ្រោះ ពីផ្ទះឪពុកមា របស់ នាង គឺឈ្មោះ<br /> រ៉ុង អ៊ុក នៅភូមិប្រធាតុក ឃុំ ព្រែកស្ដី ស្រុកកោះធំ ។ របាយការណ៍របស់ លោកអធិការបាន<br />បន្ដថា បន្ទាប់មកស្ដ្រី ឈ្មោះ ប៉េង ផារី បានយកនារីរងគ្រោះទៅ ទុកនៅផ្ទះម្ដាយក្មេករបស់ខ្លួន<br /> រហូតដល់ វេលាម៉ោង ៧យប់ ថ្ងៃទី១០ ខែមិថុនា ជន សង្ស័យ ប៉េង សុវណ្ណ បានបើកម៉ូតូម៉ាក<br /> សេ ១២៥ ពណ៌ខ្មៅ ស៊េរី ២០១២ ទៅឌុបជន រងគ្រោះ មកទុកនៅផ្ទះរបស់ខ្លួន ស្ថិតក្នុង ភូមិឃុំ<br />កើតហេតុខាងលើ ។</p>
<p>លោកអធិការនគរបាលស្រុក បានបន្ដ ទៀតថា ជនសង្ស័យបានបង្ខាំងក្មេងស្រីរង គ្រោះទុក<br />នៅក្នុងបន្ទប់ផ្ទះរបស់ខ្លួន មិនឱ្យ ចុះមកដីឡើយ ដោយយប់ថ្ងៃទី១០ ខែ មិថុនា រូបនេះបាន<br />ចាប់រំលោភចំនួន ២ ដង ហើយពេលថ្ងៃត្រង់ទី១១ ខែមិថុនា ឆ្នាំ ២០១៣ បានធ្វើសកម្មភាព<br />ចាប់រំលោភ ចំនួន ២ដងទៀត ហើយនៅយប់ថ្ងៃទី១២ ខែមិថុនា ឆ្នាំ ២០១៣ នៅពេលយប់ជន <br />សង្ស័យបានចាប់រំលោភម្ដងទៀត រហូត ដល់ថ្ងៃត្រង់ ទី១៣ ខែមិថុនា បានចាប់ រំលោភម្ដងទៀត<br /> ដូច្នេះក្នុងរយៈពេល ៣ យប់ ៤ថ្ងៃ ជនសង្ស័យបានចាប់រំលោភក្មេង ស្រីរងគ្រោះចំនួន ៦ដង ។</p>
<p>ក្រោយពីបាត់ កូនស្រី និងបានសួរនាំរួចមក សាច់ញាតិ ក្មេងស្រីរងគ្រោះបានដាក់ពាក្យបណ្ដឹង<br />ទៅ សមត្ថកិច្ច ហើយដោយមានការបញ្ជាផ្ទាល់ ពីលោកស្នងការនគរបាលខេត្ត លោកឧត្តមសេ<br />នីយ៍ត្រី អ៊ាវ ចំរើន ទើប ធ្វើការស្រាវជ្រាវទើប ឈានទៅដល់ការចាប់ខ្លួន ជនសង្ស័យរូប នេះ<br />តែម្ដង នៅថ្ងៃទី១៣ ខែមិថុនា ឆ្នាំ ២០១៣ ។</p>
<p>បច្ចុប្បន្ន ជនសង្ស័យត្រូវបានឃុំ ខ្លួនជាបណ្ដោះអាសន្ន នៅអធិការដ្ឋាននគរ បាលស្រុកកោះធំ<br /> ដើម្បីកសាងសំណុំរឿង បញ្ជូនទៅស្នងការខេត្ដ ហើយបញ្ជូនបន្ដ ទៅកាន់សាលាដំបូងខេត្ដ ចាត់<br />ការតាមផ្លូវ ច្បាប់ ៕</p>
<p><img src="http://image.dap-news.com:81/dap-news/dap-images/2013/June/id-067/CH-0461.jpg" alt="" width="500" /></p>
<p><img src="http://image.dap-news.com:81/dap-news/dap-images/2013/June/id-067/CH-0462.jpg" alt="" width="500" /></p>
<p style="text-align: right;"><span>ផ្តល់សិទ្ធិដោយ៖ ដើមអំពិល</span></p>