<div class="article-content">
<p>ភ្នំពេញ ៖ គូសង្សារមួយគូ បានធ្វើសកម្ម ភាពឆក់យក ទូរស័ព្ទពីបុរស ជនជាតិចិន ខណៈ កំពុង <br />និយាយ នៅតាមផ្លូវ ប៉ុន្ដែដោយសារតែ មានការជួយអន្ដរាគមន៍ដេញតាមរបស់ប្រជា ពលរដ្ឋ<br />នោះ តួអង្គប្រុស ត្រូវបានចាប់ខ្លួននៅ កន្លែងកើតហេតុ ដោយសារតែដួលម៉ូតូ រីឯ តួអង្គស្រី <br />បានរត់គេចខ្លួន នាំយកទៅទាំងទូរ ស័ព្ទរបស់ជនរងគ្រោះផងដែរ ។</p>
<p>ហេតុការណ៍ឆក់ទូរស័ព្ទពីបុរសជនជាតិ ចិនខាងលើនេះ បានកើតឡើងកាលពីវេលា ម៉ោង<br />ប្រមាណ១០ ព្រឹកថ្ងៃទី០៣ ខែឧសភា ឆ្នាំ២០១៣ ស្ថិតនៅតាមបណ្ដោយផ្លូវលេខ ៣១០កែង<br />ផ្លូវលេខ១៤៣ សង្កាត់បឹងកេង កងទី៣ ខណ្ឌចំការមន ។</p>
<p>យោងតាមសាក្សីដែលបានធ្វើហេតុការណ៍ បានឱ្យដឹងថា មុនពេលកើតហេតុ ខណៈដែល បុរស<br />ជនជាតិចិន ឈ្មោះហេតុ ឡៅលីម កំពុងឈរនិយាយទូរស័ព្ទនៅតាមផ្លូវ ស្រាប់តែពេលនោះលេច<br />មុខជនសង្ស័យទាំងជា គូសង្សារជាមួយគ្នា ជិះម៉ូតូម៉ាកហ្វីណូ ពណ៌ស ពាក់ស្លាកលេខ ភ្នំពេញ <br />1AT-7757 ធ្វើសកម្ម ភាពឆក់យកទូរស័ព្ទពីជនរងគ្រោះ ដែលនារី ជាសង្សារជាអ្នកឆក់ ។</p>
<p>សាក្សីបានបន្ដថា បន្ទាប់ពីមានសកម្មភាព ឆក់ទូរស័ព្ទដៃខាងលើនេះរួចមក បង្កឱ្យមានការភ្ញាក់ផ្អើល<br /> ពីសំណាក់ប្រជាពលរដ្ឋនៅ ចំណុចកើតហេតុ ខណៈដែលជនសង្ស័យទាំង ពីរ ជិះម៉ូតូគេចខ្លួនភ្លាមៗ<br />តែម្ដង ។ ប៉ុន្ដែ ដោយសារតែមានការជិះម៉ូតូដេញតាមពី ក្រោយ និងភ័យស្លន់ស្លោរផងនោះ បានធ្វើ<br /> ឱ្យម៉ូតូរបស់ពួកគេដួល ហើយបុរសជាសង្សារ ត្រូវបានប្រជាពលរដ្ឋ ឡោមព័ទ្ធឃាត់ខ្លួន បានភ្លាមៗ<br /> ខណៈដែលនារីជាសង្សាររត់ គេច ខ្លួនពីកន្លែង កើតហេតុ ដោយនាំយកទូរស័ព្ទ ដៃរបស់ជនរងគ្រោះ<br />ទៅជាមួយផងដែរ ។</p>
<p>ដោយមានករណីនេះ កម្លាំងសមត្ថកិច្ច មូលដ្ឋាន បានចុះទៅជួយអន្ដរាគមន៍ ហើយ នាំជនសង្ស័យ<br />ទៅកន្លែងប៉ុស្ដិ៍នគរបាល ។</p>
<p>ក្រោយការ សួរនាំជនសង្ស័យរូបនេះ សារ ភាពថា រូបគេ មានឈ្មោះដារ៉ា សុធី អាយុ ២១ឆ្នាំ ស្នាក់<br />នៅភូមិទួលរកា សង្កាត់ចាក់ អង្រែក្រោម ខណ្ឌមានជ័យ ដោយឡែកនារី ជាសង្សារ កំពុងរត់គេច<br />ខ្លួននោះ ឈ្មោះស្រី អ៊ិត អាយុជាង២០ឆ្នាំ ។</p>
<p>សមត្ថកិច្ចមូលដ្ឋានបានឱ្យដឹងថា បច្ចុប្បន្ន ជនសង្ស័យរូបនេះ ស្ថិតក្រោមការសាកសួរ និងកំពុង<br />កសាងសំណុំរឿង បញ្ជូនទៅកាន់ តុលាការចាត់ការតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0031.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0032.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-011/Hong-0033.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>