<p><strong>ភ្នំពេញៈ</strong> បន្ទាប់ពីលេចឮព័ត៌មានថា តារាសម្តែងដែលកំពុងតែឡើងកូដ ប្រចាំឆ្នាំ២០១៣ កញ្ញា <br />សារាយ សក្ខណា ថ្មីៗនេះកំពុងតែត្រៀម បញ្ចប់អាជីពសិល្បៈ នៅចុងឆ្នាំក្រោយ ពីនាងរៀបការ<br />ជាមួយគូដណ្តឹង ជាមេធាវីដែលជាអាណិជក ខ្មែររស់នៅអាមេរិក។</p>
<p>ក្នុងមួយរយៈពេលចុងក្រោយនេះ គេសង្កេតឃើញថា តារាសម្តែងស្រីសម្បុរស្រអែមស្រស់ កញ្ញា<br /> សារាយ សក្ខណា កំពុងតែឡើងកូដខ្លាំង ក្នុងវិស័យសិល្បៈ មានភាពលេចធ្លោជាង តារាស្រី ស្រករ<br />ក្រោយ ជាច្រើនទៀត ហើយពេលនេះនាងក៏ទទួល បានជោគជ័យនៅក្នុង ជីវិតស្នេហាថែមទៀត<br />ផង។</p>
<p>ថ្មីៗនេះនាងទើប តែសម្រេចចិត្តភ្ជាប់ពាក្យ ជាមួយបុរសមាឌមាំរូបសង្ហារអាណិកជនអាមេរិក ហើយ<br />ក៏កំពុងតែត្រៀមចូលរោងការ ជាមួយគ្នាចុងខែធ្នូ ខាងមុខនេះថែមទៀតផង។</p>
<p>ជាមួយគ្នានោះដែរតារាសម្តែង ស្រីមួយដួងកំពុងតែទាក់ទាញ ប្រជាប្រិយភាពខ្លាំង ទាំងការសម្តែង<br />និងជាពិធីការិនី កញ្ញា សារាយ សក្ខណា កន្លងមកម្តាយរបស់នាង ធ្លាប់បានប្រកាស ប្រាប់សារព័ត៌<br />មានថាកូនស្រីរបស់គាត់ អាចនឹងបញ្ចប់អាជីពសិល្បៈ ក្រោយពីរៀបការ ហើយ ដោយអនាគតកូន<br />ប្រសាររបស់គាត់ មានគម្រោងយក ភរិយាទៅរស់នៅ ជាមួយលើទឹកដី អាមេរិកជាមួយគ្នា។</p>
<p>តែថ្មីៗនេះតារាស្រីសម្បុរស្រអែមស្រស់រូបនេះ បានប្រកាសជាសាធារណៈថា បើទោះបីជាពេល <br />នេះនាងទទួលបានការគាំទ្រ ពីសំណាក់មហាជនច្រើន ហើយក៏ជាឱកាសនាងរកប្រាក់ បានច្រើន<br />ក៏ដោយក៏នាងនៅតែ មានគម្រោងចង់បញ្ចប់ភាពនៅលីវ ដោយរៀបការមានស្វាមី នៅចុងឆ្នាំនេះ<br />ដដែល ហើយក្រោយពីរៀបការរួចប្រហែលជានាងអាច ផ្អាកការងារសិល្បៈ មួយរយៈពេលធំតែ<br />មិនមែនជារៀងរហូតទេ។</p>
<p>សារាយ សក្ខណា បានប្រាប់ Looking TODAY ឲ្យដឹងថា ពេលនេះមិនទាន់ដល់ពេលរៀបការនាង<br />នៅតែបន្តអាជីពសិល្បៈដដែល រហូតជិតដល់ថ្ងៃចូលរោងការទើបនាងផ្អាក។ នាងនិយាយថា “ទោះ<br />ជាខ្ញុំ រៀបការមានស្វាមីក៏ដោយ តែខ្ញុំនៅតែស្រលាញ់វិស័យសិល្បៈ ហើយប្រសិនបើខ្ញុំរៀបការរួច <br />ទស្សនិកជនពុកម៉ែបងប្អូននៅតែ ស្រលាញ់គាំទ្រ សារាយ សក្ខណា នោះនៅពេល ដែលមានឱកាស<br />ខ្ញុំនឹងត្រឡប់មក ចាប់អាជីពនេះវិញ ជាក់ជាមិនខាន”៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-0195.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-0196.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-0197.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-0198.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>