<p><strong>ភ្នំពេញ ៖</strong> នៅវេលាម៉ោង៩ និង៣០នាទីនាថ្ងៃទី១១ ខែឧសភា ឆ្នាំ២០១៥ គណៈកម្មការចម្រុះ នៃសាលាខណ្ឌមានជ័យ ដឹកនាំដោយលោក មា សុភាព អភិបាលរងខណ្ឌមានជ័យ, លោកហួយ វីរៈ នាយករងសាលាខណ្ឌ និងលោក សេង សាញ់ ចៅសង្កាត់ស្ទឹងមានជ័យ បានដឹកនាំកម្លាំងចុះរួមមាន នគរបាលខណ្ឌនិងបុស្តិ៍ កងរាជអាវុធហត្ថខណ្ឌ បានចុះមកបិទផ្ទះសំណាក់យីហោ រស្មីឋានសួគ៌ និងឋានសួគ៌ក្លឹប ដែលមានទីតាំងស្ថិតនៅផ្ទះលេខ០១ដេ ក្រុមទី៦ ភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យរាជធានីភ្នំពេញ។</p>
<p>គួររំលឹកផងដែរថា ផ្ទះសំណាក់រស្មីឋានសួគ៌នេះ តែងតែមានរឿងអាស្រូវជាច្រើនករណី ជាក់ស្តែងកាលពីថ្ងៃទី៨ ខែឧសភា ឆ្នាំ២០១៥កន្លងមកនេះ កងកម្លាំងមានសមត្ថកិច្ចរួមមាន នគរបាលយុត្តិធម៌ការិយាល័យ ប្រឆាំងគ្រឿងញៀន ចុះបង្ក្រាបជាក់ស្តែង និងរកឃើញអ្នកចែកចាយ និងប្រើប្រាស់គ្រឿងញៀន បានចំនួន១១នាក់។</p>
<p>បើតាមអាជ្ញាធរសង្កាត់ស្ទឹងមានជ័យ បានបញ្ជាក់ថា ផ្ទះសំណាក់រស្មីឋានសួគ៌នេះ ត្រូវបានតុលាការ ចុះមកបិទអាជីវកម្មបណ្តោះអាសន្ន ចំនួន ៥លើករួចមកហើយ ។ មហាជនមានចម្ងល់ថា ហេតុអ្វីបានជាការបិទអាជីវកម្ម ផ្ទះសំណាក់រស្មីឋានសួគ៌ ដែលជាសំបុកសម្រាប់សេព និងចែកចាយគ្រឿងញៀន បិទមិនជាប់ចឹង ?៕</p>
<p><a class="thickbox" title="" href="/FileManager/Commons/2015/5/11/5-11-2015-10-54-56-am-11-05-2015--10-59-32.png"><img src="/FileManager/Articles/mce/2015/5/11/5-11-2015-10-54-56-am-11-05-2015--10-59-32.png" alt="" /></a></p>
<p><a class="thickbox" title="" href="/FileManager/Commons/2015/5/11/5-11-2015-10-54-42-am-11-05-2015--10-59-41.png"><img src="/FileManager/Articles/mce/2015/5/11/5-11-2015-10-54-42-am-11-05-2015--10-59-41.png" alt="" /></a></p>
<p><a class="thickbox" title="" href="/FileManager/Commons/2015/5/11/5-11-2015-10-54-15-am-11-05-2015--10-59-53.png"><img src="/FileManager/Articles/mce/2015/5/11/5-11-2015-10-54-15-am-11-05-2015--10-59-53.png" alt="" /></a></p>
<p style="text-align: right;"><br /><a class="thickbox" title="" href="/FileManager/Commons/2015/5/11/5-11-2015-10-54-15-am-11-05-2015--10-59-53.png"></a>ផ្ដល់សិទ្ធដោយ៖ ដើមអម្ពិល</p>