<p>ព័ត៌មានអន្តរជាតិ ៖ ក៏ព្រោះតែបញ្ហាអាកាសធាតុ ពោលគឺភ្លៀងមួយមេយ៉ាងធំ ពិតជាមាន<br />កម្លាំងគ្រប់គ្រាន់ ក្នុងការធ្វើអោយយន្តហោះធន់ធំមួយគ្រឿង Boeing 737-800 បើករអិល<br />ធ្លាក់ចុះពីលើផ្លូវរត់ រហូតទៅជាប់គាំងនៅក្នុងវាលភក់ អំឡុងពេលនៃការរៀបនឹងហោះ<br />ចេញដំណើរនៅឯអាកាសយានដ្ឋានថៃ នេះបើតាមការដកស្រង់អត្ថបទផ្សាយ ពីគេហទំ<br />ព័រសារព័ត៌មានបរទេស អាស៊ីវ័ន ដែលទើបតែបានចេញផ្សាយ កាលពីប៉ុន្មានម៉ោងមុន<br />នេះបន្តិច។</p>
<p><a class="thickbox" title="" href="http://camnews.com.kh/FileManager/Commons/2013/8/9/20130809trangairportthenation-09-08-2013--14-37-21.jpg"><img src="http://camnews.com.kh/FileManager/Articles/mce/2013/8/9/20130809trangairportthenation-09-08-2013--14-37-21.jpg" alt="" width="431" height="280" /></a></p>
<p>ជាការពិតភ្លាមៗនោះ ក៏មានការអន្តរាគមន៍ ដោយបានប្រើរថយន្តធន់ធំបីគ្រឿង ក្នុងការ<br />អូសទាញយន្តហោះធន់ធំមួយគ្រឿងនេះ ចេញពីវាលភក់ បន្ទាប់ពីបើកធ្លាក់ផ្លូវ ។ យ៉ាង<br />ណាមិញ ប្រភពសារព័ត៌មានដដែល ក៏បានគូសបញ្ជាក់បន្ថែមអោយដឹងផងដែរថា<br />រាល់ជើងហោះហើរ ដែលជាសេវាកម្មពីក្រុមហ៊ុនអាកាសចរណ៍ Nok Air ត្រូវបង្វែរគោល<br />ដៅរបស់ខ្លួន ដោយត្រូវធ្វើការចុះចតនៅឯអាកាសយានដ្ឋានអន្តរជាតិ Nakhon Si Tha-<br />mmarat Airport ស្របពេលដែលរាល់ដំណើរការជើងហោះហើររ បស់ក្រុមហ៊ុនអាកាស<br />ចរណ៍ AirAsia ត្រូវបង្វែរធ្វើការហោះ និងចុះចតនៅឯអាកាសយានដ្ឋានអន្តរជាតិ Krabi<br /> Airport ។ ដោយឡែក ក្ រុមមនុស្សដែលជាអ្នកធ្វើដំណើរ នៅលើយន្តហោះបើករអិល<br />ធ្លាក់ផ្លូវទាំងនោះ ត្រូវបានឡានទៅទទួលយក ដោយធ្វើការបញ្ជូនមកអាកាសយាន<br />ដ្ឋានប្រកបទៅដោយសុខសុវត្ថិភាពវិញ។</p>
<p>យ៉ាងណាមិញ បើយោងតាមសម្តីអ្នកចាត់ការទូទៅ ប្រចាំអាកាសយានដ្ឋាន Trang <br />Airport ដែលជាកន្លែងកើតហេតុគឺលោក T haworn Saeng-ampai បានគូសបញ្ជាក់<br />អោយដឹងថា តាមពិតទៅ រាល់សេវាកម្មជើងហោះហើរ ក៏ដូចជា ប្រតិបត្តិការនៅក្នុងអា<br />កាសយានដ្ឋានមួយនេះ ត្រូវដំណើរជាធម្មតាវិញ ចាប់តាំងពីវេលាល្ងាចម្សិលមិញមក<br />ម្ល៉េះ តែដោយសារតែ មានសេចក្តីថ្លែងការណ៍ពី លោក Woradet Hanpraser មកពីនា<br />យកដ្ឋានអាកាសចរណ៍ស៊ីវិល ( Civil Aviation Department) អោយដឹងថា អាកាសយាន<br />ដ្ឋានមួយនេះ ដំណើរការជាធម្មតាវិញនាព្រឹកនេះ។</p>
<p>គួររំឭកផងដែរថា ដោយសារបញ្ហាអាកាសធាតុ ពោលគឺ អំឡុងនៃការមានភ្លៀងធ្លាក់<br />មួយមេធំ កាលពីល្ងាចថ្ងៃអង្គារកន្លងទៅនេះ បានធ្វើអោយយន្តហោះ ធន់ធំមួយគ្រឿង<br />ដែលផ្ទុកមនុស្សដល់ជាង ១៤០ នាក់នោះ បើករអិលធ្លាក់ផ្លូវ ទៅជាប់នឹងវាលភក់ តែ<br />ជាសំណាងល្អ ក្រុមមនុស្ស ដែលជាអ្នកធ្វើដំណើរទាំងនោះ មិនបានទទួលរងរបួស ឬក៏<br />មានការគំរាមគំហែងដល់អាយុជីវិតនោះទេ៕</p>
<p style="text-align: right;">ដោយ ៖ រិទ្ធី<br />ប្រភព ៖ អាស៊ីវ័ន</p>