<div class="article-content">
<p><strong>ភ្នំពេញ ៖</strong> ជនសង្ស័យ២នាក់ ជិះម៉ូតូ ស្កុបពី១គ្រឿង ប្រដាប់ដោយកាំភ្លើងខ្លី ១ ដើម បានបាញ់<br />ចំនួន ៣គ្រាប់ទៅលើស្ដ្រីម្នាក់ ពេលកំពុងជិះម៉ូតូកង់បី មកដល់មុខផ្ទះ ត្រឡប់មកពីដាក់បិណ្ឌ<br />នៅវត្ដឧត្ដុង្គ បណ្ដាល ឱ្យស្លាប់ភ្លាមៗនៅកន្លែងកើតហេតុ កាលពី វេលាម៉ោង ២ និង១០នាទី<br />រសៀលថ្ងៃទី ២៥ ខែកញ្ញា ឆ្នាំ២០១៣ ស្ថិតនៅមុខផ្ទះ ជនរងគ្រោះលេខ ១៨ ផ្លូវកា៤ សង្កាត់ទឹក<br /> ថ្លា ខណ្ឌសែនសុខ ពោលនៅខាងលិច ស្ថា នីយទូរទស្សន៍អាស៊ីអាគ្នេយ៍ ប៉ុន្ដែសមត្ថ កិច្ចមិនទាន់<br />អាចសន្និដ្ឋានថា ជារឿងគំនុំ ឬរឿងប្លន់នោះឡើយ គឺស្ថិតក្នុងការស្រាវ ជ្រាវ និងតាមកដាននៅ<br />ឡើយ ។</p>
<p>សាក្សីនៅកន្លែងកើតហេតុ និងសមត្ថកិច្ច ដែលបានចុះទៅជួយអន្ដរាគមន៍បាន និយាយថា ជនរង<br />គ្រោះដែលត្រូវជនសង្ស័យ ទាំង២នាក់ទៅចាប់ក្រៀក នៅលើម៉ូតូកង់បី ហើយបាញ់ចំនួន ៣គ្រាប់<br /> បណ្ដាលឱ្យស្លាប់ ភ្លាមៗនៅមុខផ្ទះរបស់ខ្លួន ក្នុងថ្លុកឈាម នោះ ត្រូវបានគេស្គាល់ថា មានឈ្មោះ <br />ពេជ្រ ដានីន អាយុ ២៤ឆ្នាំ ហើយមានកូនតូចនៅ ក្នុងបន្ទុកទៀតផង ។</p>
<p>បើតាមសមត្ថកិច្ចនិង សាក្សី មុនពេលកើតហេតុជនរងគ្រោះទើប ត្រឡប់មកពីដាក់បិណ្ឌនៅវត្ដ <br />ដោយជិះម៉ូតូ កង់បី ហើយពេលជិះមកដល់មុខផ្ទះស្រាប់ តែលេចមុខជនសង្ស័យ ២នាក់ ជិះម៉ូតូ១<br /> គ្រឿងម៉ាក ស្កុបពី ពណ៌ស ពាក់ស្លាកលេខ ភ្នំពេញ 1AE-9846 រួចហើយជនសង្ស័យ ដែលជិះពី<br />ក្រោយ បានចុះទៅចាប់ក្រៀក ក ហើយបាញ់ចំនួន៣គ្រាប់តែម្ដង ។</p>
<p>ក្រោយ កើតហេតុជនសង្ស័យទាំង ២នាក់ដែលត្រូវ បានសាក្សីអះអាងថា អ្នកបើកម៉ូតូពាក់អាវ ពណ៌<br />ក្រហមដៃវែង និងអ្នកជិះពីក្រោយជា ជនដៃដល់ពាក់អាវពណ៌សដៃវែង បានបើក គេចខ្លួនភ្លាមៗតែ<br />ម្ដង ។ ប៉ុន្ដែ ក្រោយធ្វើ សកម្មភាពបាញ់ប្រហារ ទៅលើស្ដ្រីរងគ្រោះ រួចជនសង្ស័យទាំង ២នាក់ បាន<br />បោះចោល កាបូបមួយរបស់ជនរងគ្រោះនៅក្បែរកន្លែង កើតហេតុហើយ ត្រូវបានសមត្ថកិច្ចយកទៅ រក្សាទុកជាវត្ថុតាងក្នុងការស្រាវជ្រាវករណី នេះ ។</p>
<p>ប្រភពព័ត៌មានពីសមត្ថកិច្ច បានឱ្យដឹង ទៀតថា ក្រោយទទួលរងការបាញ់ប្រហារ ចំនួន ៣គ្រាប់ ស្ដ្រី<br />រងគ្រោះត្រូវបានប្រជា ពលរដ្ឋ និងសមត្ថកិច្ចរៀបចំដឹកតាមម៉ូតូកង់ បីយកទៅសង្គ្រោះនៅមន្ទីរពេទ្យ<br /> ប៉ុន្ដែ ដោយសារតែស្ថានភាពធ្ងន់ធ្ងរពេក បាន បណ្ដាលឱ្យស្លាប់តែម្ដង នៅលើម៉ូតូកង់បី ។</p>
<p>ក្រោយកើតហេតុភ្លាម ទាំងសមត្ថកិច្ច និងប្រជាពលរដ្ឋ បានរង់ចាំសាច់ញាតិរបស់ ស្ដ្រីរងគ្រោះ មក<br />ជាមុនសិនដើម្បីយកកូន សោរចាក់ទ្វារចូលទៅក្នុងផ្ទះ ។ យ៉ាងណាក៏ ដោយសមត្ថកិច្ច មិនទាន់អាច<br />បញ្ជាក់ព័ត៌មានពិស្ដារនៅឡើយ ជុំវិញករណីបាញ់ប្រហារនេះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0418.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/September/id-067/CH-0419.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/September/id-067/CH-0415.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/September/id-067/CH-0416.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0417.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-067/CH-0420.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>