<p>បុណ្យណូអែល ត្រូវបានគេហៅជាឈ្មោះផ្សេងៗគ្នា ក្នុងនោះមានដូចជា គ្រីស្ដម៉ាស(Christmas) ឬ<br /> អ៊ិចម៉ាស(Xmas), Nativity ឬ Yule ជាដើម។ ណូអែល គឺជាពិធីបុណ្យរំឭកថ្ងៃប្រសូតរបស់ព្រះយេស៊ូ<br /> នេះបើតាមក្រុមគ្រីស្ដសាសនិក បើទោះជាមិនបានដឹងប្រាកដអំពីថ្ងៃខែប្រសូតរបស់ព្រះយេស៊ូ។ ពួក<br />គេជឿថា ព្រះយេស៊ូ បានប្រសូតនៅអំឡុងចម្លោះឆ្នាំ ៧ និងឆ្នាំ ២ មុនគ្រិស្តសករាជ នៅ Bethlehem <br />នៃ តំបន់ Judea ក្នុងរដ្ឋជ្វីហ្វ (បច្ចុប្បន្ន ជាក្រុងមួយរបស់ Palestine ) ដែលកាលណោះស្ថិតក្រោម<br />ការគ្រប់គ្រងរបស់ចក្រភពរ៉ូម។</p>
<p style="text-align: center;"><a class="thickbox" title="" href="/FileManager/Commons/2013/12/24/chris3-24-12-2013--12-06-37.jpg"><img src="/FileManager/Articles/mce/2013/12/24/chris3-24-12-2013--12-06-37.jpg" alt="" width="341" height="434" /></a></p>
<p style="text-align: center;"><em>ថ្ងៃប្រសូតរបស់ព្រះយេស៊ូ</em></p>
<p><br />ថ្ងៃបុណ្យណូអែល ត្រូវបានប្រារព្ធឡើងជាផ្លូវការ ក្នុងថ្ងៃទី ២៥ធ្នូ ប៉ុន្ដែបុណ្យនេះ តែងត្រូវបានក្រុម<br />មនុស្សមួយភាគធំ ទទួលអបអរចាប់ពីយប់ថ្ងៃទី ២៤ធ្នូ ព្រោះបើតាមប្រតិទិនរបស់ជនជាតិជ្វីហ្វ ការ<br />ចាប់ផ្ដើមថ្ងៃថ្មី គឺរាប់ពីពេលថ្ងៃរះឡើង គឺមិនមែនរាប់ពីម៉ោង ១២យប់នោះទេ។ <br /><br /><strong>ប្រវត្តិនៃពិធីបុណ្យគ្រិស្ដម៉ាស</strong><br /><br />កាលពីអំឡុងពេលនៃការកកើតសាសនាគ្រីស្ដ (ប្រហែល ២ ទៅ ៣ សតវត្សដំបូងនៃគ្រីស្ដសករាជ)<br /> ពិធីបុណ្យណូអែល ត្រូវបានធ្វើរួមជាមួយបុណ្យ Epiphany ។ ចាប់តាំងពីឆ្នាំ ២០០ Clement (Titus<br /> Flavius Clemens)ដែលជាអាចារ្យបង្រៀននៃសាសនាគ្រិស្ដប្រចាំក្រុង Alexandria (១៥០-២១៥)<br /> បាននិយាយដល់ពិធីបុណ្យពិសេសនេះ ដែលត្រូវបានប្រារព្ធឡើងនៅថ្ងៃទី ២០ ឧសភា ប៉ុន្ដែក្រុមជុំ<br />នុំសាសនាឡាទីន បែរជាធ្វើនៅថ្ងៃទី ២៥ធ្នូ។</p>
<p style="text-align: center;"><a class="thickbox" title="" href="/FileManager/Commons/2013/12/24/chris5-24-12-2013--12-09-50.jpg"><img style="display: block; margin-left: auto; margin-right: auto;" src="/FileManager/Articles/mce/2013/12/24/chris5-24-12-2013--12-09-50.jpg" alt="" width="477" height="318" /></a></p>
<p style="text-align: center;"><a class="thickbox" title="" href="/FileManager/Commons/2013/12/24/chris5-24-12-2013--12-09-50.jpg"></a><em>ការប្រារព្ធពិធីបុណ្យណូអែល</em></p>
<p><br />តាមប្រភពផ្សេង សាសនាគ្រីស្ដ ដំបូង មិនបានធ្វើពិធីបុណ្យរំឭកថ្ងៃប្រសូតរបស់ព្រះយេស៊ូនោះទេ<br /> ព្រោះយល់ថា វាជាការធ្វើតាមមនុស្សកាន់សាសនាផ្សេង ដូច្នេះគ្រីស្ដសាសនិក មិនបានអបអរថ្ងៃ<br />បុណ្យណូអែលក្នុងរយៈពេល ៣សតវត្សដំបូងនៃគ្រិស្ដរាជ។ មកដល់សតវត្សទី ៤ ទើបពួកគ្រីស្ទាន<br />(អ្នកកាន់សាសនាគ្រិស្ដ) បានចាប់ផ្ដើមចង់អបអរថ្ងៃបុណ្យណូអែល (ថ្ងៃប្រសូត) របស់ព្រះយេស៊ូ <br />ជារៀងរាល់មួយឆ្នាំម្ដង ប៉ុន្ដែពួកគេខ្លាចអាជ្ញាធរនៃចក្រភពរ៉ូមដឹង និងចាប់ខ្លួន ព្រោះថា ពេលនោះ<br /> គ្រិស្ដសាសនា មិនទាន់ត្រូវបានទទួលស្គាល់ថា ជាសាសនាស្របច្បាប់នៅឡើយ។<br /><br />អាជ្ញាធរនៃចក្រភពរ៉ូម ពេលនោះ មានជំនឿ គោរព និងអបអរថ្ងៃបុណ្យ “ព្រះអាទិត្យ” (Feast of <br />The SolInvictus) ក្នុងថ្ងៃទី ២៥ធ្នូ។ ដូច្នេះ គ្រិស្ដសាសនិកក៏បានឆ្លៀតឱកាសនេះ ដើម្បីអបអរថ្ងៃ<br />បុណ្យណូអែល ដើម្បីបំភ័ន្ដភ្នែកអាជ្ញាធរ។<br /><br />មកដល់ឆ្នាំ ៣១២ អធិរាជរ៉ូម៉ាំង Constantinus បានបោះបង់សាសនាមុនរបស់ខ្លួន ហើយបានងាក<br />មកគោរពសាសនាគ្រិស្ដ។ ឆ្នាំ ៣៥៤ សម្ដេចសង្ឃ Liberius បានប្រកាសយកថ្ងៃ ទី ២៥ធ្នូ ជាថ្ងៃផ្លូវ<br />ការដើម្បីប្រារព្ធពិធីបុណ្យរបស់យេស៊ូ។</p>
<p style="text-align: center;"><a class="thickbox" title="" href="/FileManager/Commons/2013/12/24/193920-christmas-market-24-12-2013--12-13-06.jpg"><img src="/FileManager/Articles/mce/2013/12/24/193920-christmas-market-24-12-2013--12-13-06.jpg" alt="" width="463" height="308" /></a></p>
<p style="text-align: center;"><em>ក្រុមហ៊ុនមួយចំនួនធំ រៀបចំអបអរបុណ្យណូអែល គឺដើម្បីមុខជំនួញរបស់ខ្លួន</em></p>
<p><br />ថ្ងៃបុណ្យណូអែល មកដល់សម័យបច្ចុប្បន្ន បានក្លាយជាថ្ងៃបុណ្យដ៏ធំមួយដែលមានមនុស្សជុំវិញ<br />ពិភពលោក អបអរសាទរ។ ក្នុងចំណោមនោះ មានមនុស្សជាច្រើនមិនបានចាត់ទុកថា វាជាថ្ងៃបុណ្យ<br />សាសនានោះទេ ដោយពួកគេរៀបចំទទួលអបអរបុណ្យណូអែល គឺដើម្បីអាជីវកម្ម ឬការរកស៊ីរបស់<br />ពួកគេតែប៉ុណ្ណោះ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/87014/7-ways-to-know-if-that-person-truly-loves-you"><span style="color: #3366ff;">ធ្វើបែបណាដឹងថា គាត់ស្រឡាញ់អ្នក ដោយស្មោះ?</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/74615/true-story-not-everyone-lies-frequently"><span style="color: #3366ff;">រកឃើញវិធីថ្មី អាចដឹងថា អ្នកណាកុហក អ្នកណា មិនកុហក</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/87146/antarctica-may-have-a-new-type-of-ice---diamonds"><span style="color: #3366ff;">ប៉ូលខាងត្បូងអាចនឹងមាន ត្បូងពេជ្រទឹកកកដ៏ច្រើន</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/89315/why-have-unusually-heavy-snow-to-parts-of-middle-east"><span style="color: #3366ff;">ហេតុអ្វីព្រិលធ្លាក់ខុសធម្មតា នៅតំបន់ខ្លះ ក្នុងពិភពលោក ?</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ អ៊ីនធើរណិត<br /><br /></p>