<p><span style="color: #000000;"><strong> ទូកសម្តេចតេជោ ហ៊ុន សែន ជាប់ចំណាត់ថ្នាក់លេខ៤ ដែលគេដឹងថា ជាលេខរៀងគណបក្ស ប្រជាជនកម្ពុជា</strong></span></p>
<p><span style="color: #000000;"><strong>ភ្នំពេញ៖</strong> ព្រះរាជពិធីបុណ្យអុំទូករយៈពេល៣ថ្ងៃ បានបិទបញ្ចប់ក្រោមបរិយាកាសអធិកអធម និងសប្បាយរីករាយ ហើយទូក ដែលជាម្ចាស់ជ័យលាភីលេខ១ ក៏បានរកឃើញផងដែរ គឺបានទៅលើទូកមានឈ្មោះ «ស្រីស្រស់គៀន ជ្រៃបារមីតេជោ» មកពីខេត្តកំពង់ចាម ដោយប្រើថេរៈវេលាសរុបទាំង៣ថ្ងៃ ២៧នាទី និងជាង១០វិនាទី។ «ស្រី ស្រស់គៀនជ្រៃបារមីតេជោ» ជាទូករបស់លោក ហ៊ុន ណេង តំណាងរាស្រ្តមណ្ឌលខេត្តកំពង់ចាម។</span></p>
<p><span style="color: #000000;">យោងតាមតារាងចំណាត់ថ្នាក់ នៃការប្រណាំងទូកទាំង៣ថ្ងៃ ដែលបង្ហាញនៅលើទំព័រហ្វេសប៊ុករបស់សាលារាជធា នីភ្នំពេញ បានឲ្យដឹងផងដែរថា ទូកចំណាត់ថ្នាក់លេខ២ បានទៅលើទូកឈ្មោះ «ច័ន្ទសោមសែនមង្គល» របស់ លោកច័ន្ទ សារុន មកពីខេត្តតាកែវ ប្រើថេរៈវេលា ២៧នាទី និង ១៤:៣៤ វិនាទី។ ចំណាត់ថ្នាក់លេខ៣ បានទៅ លើ «គិរីវង្សសុខសែនជ័យ» របស់លោកសុខ អាន មកពីខេត្តតាកែវ ប្រើថេរៈវេលា ២៧នាទី និង ២៤:៤៥វិនាទី។ ចំណាត់ថ្នាក់លេខ៤ បានទៅលើ «ស្រីម៉ៅក្រាំងយ៉ូវ» របស់សម្តេចតេជោ ហ៊ុន សែន និង លោក ទី សុគន្ធ មកពី ខេត្តកណ្តាល ប្រើថេរៈវេលា ២៧នាទី និង ២៥:២៦វិនាទី។ ចំណាត់ថ្នាក់លេខ៥ បានទៅលើ «ចៅពេជ្រកុមារ បុប្ផាជ្រោយថ្ម» របស់លោកហ៊ុន ណេង មកពីខេត្តកំពង់ចាម ប្រើថេរៈវេលា ២៧នាទី និង ២៦:៣៨វិនាទី។ ចំ ណាត់ថ្នាក់លេខ៦ បានទៅលើ «កំសាន្តជលសារ» របស់លោកជា សុផារ៉ា មកពីរាជធានីភ្នំពេញ ប្រើថេរៈវេលា ២៧នាទី និង ២៧:៦២វិនាទី។ ចំណាត់ថ្នាក់លេខ៧ បានទៅលើ «ព្រឹទ្ធាចារ្យមហាតេជោសែនជ័យ» របស់លោក ជា សុផារ៉ា មកពីខេត្តកំពង់ចាម ប្រើថេរៈវេលា ២៧នាទី និង ៤០:៧៣វិនាទី និងចំណាត់ថ្នាក់លេខ៨ បានទៅលើ «ស៊ាសែនជ័យបារមីតេជៈ» របស់លោក អ៊ឹង ស៊ា មកពីខេត្តកំពង់ចាម ប្រើថេរៈវេលា ២៧នាទី និង ៤៦:៧១ វិនាទី។</span></p>
<p><span style="color: #000000;">សូមបញ្ជាក់ ការឲ្យចំណាត់ថ្នាក់នេះ គឺជ្រើសយកទូក ដែលអុំឈ្នះទាំង៦ជើង មានល្បឿនលឿនជាងគេ ពោលគឺ ប្រើថេរៈវេលាតិចជាងគេបំផុត។</span></p>
<p><span style="color: #000000;">ព្រះរាជពិធីបុណ្យអុំទូកនៅឆ្នាំ២០១៤នេះ មានទូកចំនួន ២៤៥ទូក ចូលរួមប្រកួតប្រជែង។ ក្នុងនោះទូកអុំបុរស ១៦១ទូក អុំនារី១ទូក ទូកចែវបុរស២៨ទូក ចែវនារី ២ទូក ទូកខ្នាតអន្តរជាតិបុរស ៥២ទូក ទូក ខ្នាតអន្តរជាតិនារី ១ទូក។ ចំពោះចំណុះទូកសរុបមាន១៧.៤២១ នាក់ ដោយ កម្លាំងអុំបុរសមាន១៤.២៦២ នារី ១៥៦នាក់ និង កម្លាំងត្រៀមបំរុងបុរស២.៩៥៨នាក់ នារី៤៥នាក់៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/8/sr-112-08-11-2014--10-47-59.jpg"><img src="/FileManager/Articles/mce/2014/11/8/sr-112-08-11-2014--10-47-59.jpg" alt="" /></a></span></p>
<p><a class="thickbox" title="" href="/FileManager/Commons/2014/11/8/sr-111-08-11-2014--10-48-11.jpg"><img src="/FileManager/Articles/mce/2014/11/8/sr-111-08-11-2014--10-48-11.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><br />ផ្ដល់សិទ្ធិដោយ៖ ដើមអម្ពិល</span></p>
<p><span style="color: #000000;"><br /></span></p>