<p><span style="color: #000000;">ព័ត៌មានកីឡា៖ ស្ថានភាពស្ងាត់ៗអាថ៌កំបាំង រវាងទំនាក់ទំនង Chelsea នឹង Real Madrid ស្ទើតែគ្មានតំរុយអ្វីអាចបញ្ជាក់បានឡើយ ថា Real Mandrid កំពុងតែត្រូវបានអូសទាញឲ្យចូលជ្រៀតជ្រែកជាជនទី ៣ នៃការដេញថ្លៃទទួលយកកីឡាករចាំទីឥតប្រយោជន៍របស់ Chelsea នៅរដូវថ្មីនេះដែរ។ </span></p>
<p><span style="color: #000000;">ភ្នាក់ងារដ៏គៀកស្និទ្ធបំផុតរបស់ កីឡាករ Petr Cech គឺលោក Victor Kolar ភ្លាមៗនេះបានបង្ហើបព័ត៌មានយ៉ាងក្ដៅគគុក ពីក្រោយខ្នង រវាង Arsenal នឹង Liverpool ដែលក្រុមទាំង ២ កំពុងតែប្រកួតប្រជែងគ្នា យ៉ាងបើកចំហរលើបណ្ដាញព័ត៌មានពិភពលោក ដោយមិនដឹងថាមានជនទី ៣ អាចនឹងចូលជ្រែកដោយស្ងប់ស្ងាត់។ </span></p>
<p><span style="color: #000000;">យោងតាមប្រភពព័ត៌មានបានផ្សាយបន្ដទៀតថា ភ្នាក់ងារជើងសាររបស់ Petr Cech បានធ្វើការទំនាក់ទំនងទៅកាន់ ថ្នាក់ដឹកនាំ Real Madrid ដោយផ្ទាល់ ប៉ុន្ដែផ្ទុយស្រឡៈនៃការរំពឹងទុក ដោយ Real Madrid មិនត្រូវការកីឡាករចាំទីទៀតទេ ហើយទំនងមើលទៅក្រុមបានរុញច្រានចេញនូវការចរចារនោះទៀតផង។ ហើយម្យ៉ាងវិញទៀត បើយើងសម្លឹងមើលទៅ ស្ថានភាព Real Madrid បច្ចុប្បន្ន មិនមានឃើញអ្វីដែលខ្វះខាតនោះទេ ។ </span></p>
<p><span style="color: #000000;">ប្រភពព័ត៌មានបន្ដទៀតថា បើទោះជាមិនមានភាពច្បាស់លាស់អំពីការសម្រេចចិត្ដ Real Madrid ក៏ Petr Cech ទំនងនិងផ្ទេរចេញនៅរដូវកាលថ្មីនេះដែរ ព្រោះថាគ្មានឱកាសនឹង Petr Cech បានចូលលេងជាប់លាប់ឡើយ ដរាបណា វត្ដមាន Thibaut Courtois នៅតែបន្ដនៅក្នុងក្រុមគ្រប់ពេលវេលា។ </span></p>
<p><span style="color: #000000;"><a class="thickbox" title="" href="/FileManager/Commons/2014/12/24/12-24-2014-12-10-23-pm-24-12-2014--12-14-51.png"><img src="/FileManager/Articles/mce/2014/12/24/12-24-2014-12-10-23-pm-24-12-2014--12-14-51.png" alt="" /></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ footballfancast</span></p>