<p>ការផាត់មុខបែបធម្មជាតិ ដោយប្រើវិធី “ផាត់ដូចមិនផាត់” កំពុងតែត្រូវបានស្រ្ដីភាគច្រើននិយាយ<br />ចូលចិត្ត ព្រោះតែវាជួយឱ្យផ្ទៃមុខស្រស់ត្រកាលដូចពីកំណើត។ ដើម្បីធ្វើបានបែបនេះ សូមតាម<br />ដាននូវអាថ៌កំបាំងដូចខាងក្រោម។<br /> <br /><strong>១/ ផាត់ម្សៅឱ្យស្មើដៃ និងម៉ត់បំផុត</strong></p>
<p><a class="thickbox" title="" href="/FileManager/Commons/2013/8/28/but10-28-08-2013--12-40-49.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/28/but10-28-08-2013--12-40-49.jpg" alt="" /></a> <br />ចូរផាត់អ្វីៗទាំងអស់នៅលើផ្ទៃមុខ ឱ្យបានស្មើជាទីបំផុតដែលអាចធ្វើបាន។ ក្រែមបំប៉នស្បែក <br />ម្សៅទ្រនាប់ ឬម្សៅលាបជាដើម ត្រូវតែលាបឱ្យបានស្មើដៃ។ ការផាត់មុខដោយស្មើដៃ និងម៉ត់<br />កាលណា ផ្ទៃមុខរបស់អ្នកនឹងមានលក្ខណៈ "ស្រស់ថ្លា" បែបធម្មជាតិកាលនោះ ហើយអ្នកដទៃ<br />មិនងាយនឹងដឹងបានថា អ្នកបានប្រើម្សៅយ៉ាងក្រាសនោះដែរ។</p>
<p><br /><strong>២/ ជ្រើសរើសពណ៌មធ្យម</strong></p>
<p><strong><a class="thickbox" title="" href="/FileManager/Commons/2013/8/28/but3-28-08-2013--12-46-15.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/28/but3-28-08-2013--12-46-15.jpg" alt="" /></a></strong><br />ដើម្បីជួយរួមចំណែកក្នុងការធ្វើឱ្យផ្ទៃមុខពេញដោយភាពធម្មជាតិ អ្នកគួរតែជ្រើសរើសម្សៅ<br /> ពណ៌ដែលមានលក្ខណៈមធ្យម មិនចាំងពេក និងមិនងងឹតពេក។ ប្រភេទពណ៌នេះ ប្រហែលជា<br />មិនធ្វើឱ្យចំណុចនិមួយៗលើផ្ទៃមុខ មានភាពលេចធ្លោនោះទេ ប៉ុន្ដែបើពិនិត្យទៅលើផ្ទៃមុខទាំង<br />មួយ នោះវិធីនេះនឹងនាំមកនូវប្រសិទ្ធិភាពនៃការបញ្ចេញសម្រស់យ៉ាងស្រស់សោភា បែប<br />ធម្មជាតិ។</p>
<p><br /><strong>៣/ លាយម្សៅ bronzer ជាមួយក្រែមបំប៉នស្បែក</strong></p>
<p><a class="thickbox" title="" href="/FileManager/Commons/2013/8/28/but4-28-08-2013--12-44-10.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/28/but4-28-08-2013--12-44-10.jpg" alt="" /></a><br />ដើម្បីជួយឱ្យស្បែកមុខបានរលោង មាំមួន ដោយមិនចាំបាច់ប្រើម្សៅច្រើនស្រទាប់ អ្នកអាចប្រើ<br />វិធីអាថ៌កំបាំងដូចតទៅ ៖ លាយម្សៅ bronzer ជាមួយនឹងក្រែមបំប៉នស្បែក លាបម្សៅនេះមុន<br />ពេលលាបម្សៅទ្រនាប់ពីលើ។ តាមរយៈវិធីនេះ អ្នកនឹងឃើញថា ផ្ទៃមុខរបស់អ្នកបានភ្លឺរលោង<br />ជាងធម្មតា។</p>
<p><br /><strong>៤/ កុំភ្លេចម្សៅទ្រនាប់</strong></p>
<p><a class="thickbox" title="" href="/FileManager/Commons/2013/8/28/but11-28-08-2013--12-50-04.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/28/but11-28-08-2013--12-50-04.jpg" alt="" /></a><br />ម្សៅទ្រនាប់មានប្រយោជន៍ពីរយ៉ាង ៖ ទីមួយ វាជួយឱ្យស្រទាប់ម្សៅដែលត្រូវលាបពីលើ មាន<br />ភាពទន់ និងម៉ត់។ ទីពីរ វានឹងក្លាយជាម្សៅមូលដ្ឋានសម្រាប់ធ្វើការជ្រើសរើសពណ៌លាបភ្នែក និង<br />ជួយរក្សាពណ៌បានយូរ។ ដោយសារតែបានប្រើម្សៅពណ៌មធ្យម ដូចវាក៏នឹងរលប់ទៅវិញដោយ<br />សន្សឹមៗ មិនដឹងខ្លួន និងមិនធ្វើឱ្យគេចាប់អារម្មណ៍។ ម្សៅទ្រនាប់នឹងមានមុខងាររក្សាពណ៌ភ្នែកឱ្យ<br />នៅបានយូរ ជួយឱ្យអ្នកមានភាពជឿជាក់ពេញមួយថ្ងៃ។</p>
<p><br /><strong>៥/ ជ្រើសរើសពណ៌ក្រែមបបូរមាត់ស្រាលស្រទន់</strong></p>
<p><a class="thickbox" title="" href="/FileManager/Commons/2013/8/28/but6-28-08-2013--12-51-43.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/28/but6-28-08-2013--12-51-43.jpg" alt="" /></a><br />បបូរមាត់ដែលលាបក្រែមប្រភេទពណ៌ក្រាស់ និងលេចធ្លោ អាចជួយបង្កើតឱ្យមានការចាប់<br />អារម្មណ៍ពីអ្នកដទៃ តាំងតែពីដំបូង ប៉ុន្ដែវានឹងមិនសមស្របជាមួយការផាត់មុខបែបធម្មជាតិ។ <br />ដូច្នេះ មានតែពណ៌ស្រាលៗ ស្រទន់ និងក្រហមជាងបបូរមាត់បន្ដិច គឺជាជម្រើសល្អបំផុត។<br /><br /><strong>៦/ ធ្វើឱ្យរោមចិញ្ចើមភ្លឺរលោង</strong></p>
<p><a class="thickbox" title="" href="/FileManager/Commons/2013/8/28/but7-28-08-2013--12-54-24.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/28/but7-28-08-2013--12-54-24.jpg" alt="" /></a><br />ចិញ្ចើមមានតួនាទីសំខាន់ណាស់ដែរ ក្នុងការជួយបង្កើនសម្រស់ផ្ទៃមុខ។ ដើម្បីធ្វើឱ្យផ្ទៃមុខបាន<br />ភ្លឺរលោង ចូរប្រើម្សៅ ឬខ្មៅដៃដែលមានពណ៌រលោង លាប និងគូសទៅលើចិញ្ចើម។ ក្រៅពីនេះ អ្នកក៏មិនត្រូវភេ្លចការកោររោមចិញ្ចើមឱ្យបានត្រឹមត្រូវ។</p>
<p><br /><strong>៧/ ប្រើប្រាស់ម្សៅលាក់បំបាត់ស្នាមដោយត្រឹមត្រូវ</strong></p>
<p>ដើម្បីជួយបំបាត់ស្នាមអវិជ្ជមាននៅលើស្បែកមុខ អ្នកត្រូវតែជ្រើសរើសម្សៅលាបបិទបាំងស្នាម<br />ទាំងនោះឱ្យបានត្រឹមត្រូវ។ ចៀសវាងការប្រើម្សៅក្រែមដែលមានពណ៌ទឹកក្រូច ឬពណ៌ សំរិទ្ធ ព្រោះវានឹងធ្វើឱ្យស្នាមលើមុខលេចចេញនៅពេលអ្នកដើរក្រោមកំដៅថ្ងៃ។ ចូរប្រើម្សៅក្រែមពណ៌<br />លឿងសម្រាប់តំបន់ងងឹត, ពណ៌ស្វាយសម្រាប់តំបន់ងងឹតខ្លាំង និងពណ៌បៃតងសម្រាប់តំបន់<br />ស្បែកដែលមានជាំក្រហម។</p>
<p><br /><strong>៨/ ចៀសវាងការប្រើ mascara ដែលមានអាយុកាលលើសពី ៣ខែ</strong></p>
<p><a class="thickbox" title="" href="/FileManager/Commons/2013/8/28/14421784-makeup-make-up-applying-mascara-long-eyelashes-28-08-2013--12-56-42.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/28/14421784-makeup-make-up-applying-mascara-long-eyelashes-28-08-2013--12-56-42.jpg" alt="" /></a> <br />ដំបូង អ្នកត្រូវប្រាកដថា មិនប្រើប្រាស់ mascara ដែលត្រូវបានបើកគម្រប ចាប់ពី ៣ខែឡើង។ <br />ព្រោះថា នេះជារយៈពេលចុងក្រោយរបស់វា ប្រសិនអ្នកនៅតែប្រើប្រាស់ នោះវានឹងមានសភាព<br />កកដុំៗ ដោយសារតែឆាប់ស្ងួត។ សូមកៀបរោមភ្នែកឱ្យបានកោងត្រឹមត្រូវ មុននឹងប្រើ mascara ។<br /> ដើម្បីឱ្យមានលក្ខណៈធម្មជាតិ យកល្អអ្នកគួរប្រើ mascara ជូតស្ដើងៗលើរោមភ្នែក ហើយកុំប្រើ <br />mascara ដែលមានពណ៌ខ្មៅ។ ចូរប្រើ mascara ពណ៌ប្រផេះជំនួសវិញ។</p>
<p style="text-align: right;"><br />ដោយ ៖ តារា<br />ប្រភព ៖ k14<br /><br /></p>