<p><span style="color: #000000;"><strong>ភ្នំពេញ៖</strong> ក្រោយផ្ទុះកំហឹងរហូតបង្កើត បានជាសង្គ្រាមពាក្យសម្ដី ផ្អើលពេញ Facebook កាលពីថ្ងៃទី២២ វិច្ឆិការួចមក មុននេះបន្ដិចម្ចាស់ខ្សែក្រវាត់ ISKA ពិភពលោកកីឡាករ វ៉ន វីវ៉ា បានបដិសេធនឹងសំណើរបស់កីឡាករ សេន ប៊ុនថេន វិញ បន្ទាប់ពី ប៊ុនថេន សុំឲ្យកំណត់ថ្ងៃប្រកួតដាក់ខ្សែក្រវាត់ ISKA នោះ ។</span></p>
<p><span style="color: #000000;">កាលពីយប់ថ្ងៃទី២២ ខែវិច្ឆិកាកន្លងទៅអ្នកលេង Facebook ជាច្រើនបានកើនការភ្ញាក់ផ្អើល នៅពេលកីឡាករជើងខ្លាំង របស់កម្ពុជា២រូបគឺកីឡាករ វ៉ន វីវ៉ា និងកីឡាករ សេន ប៊ុនថេន នាំគ្នាសរសេរពាក្យពេចន៍ឌឺដងផ្លែផ្កាដាក់គ្នាវិញទៅមក ដែលឈានទៅដល់ការណាត់គ្នាប្រកួតលើសង្វៀនទៀតផង ។</span></p>
<p><span style="color: #000000;">សូមរំឮកថា ពាក្យពេចន៍សរសេរឌឺដងដាក់គ្នាកាលពីម្សិលមិញនោះរួមមានកីឡាករ វ៉ន វីវ៉ា “ចាស់ថាកុំអួតពេក ចាញ់គឺ វាអញ្ចឹង ហាហា ខ្លាំងទៀតទៅអាប្អូន! ស្តាយណាស់ បើដឹងថាឯងអញ្ចឹងនោះ បងមិនទុកឲ្យបាន៥ទឹកទេ ។ ៤ទឹកមិន ទាន់ទេគឺអាប្អូនសុំបង (កុំវ៉ៃពេកជួយគ្នា ឲ្យបានចប់ទឹកផង នេះជាពាក្យរបស់ សេន ប៊ុនថេន) សុំទោសបងប្អូន ខ្ញុំមិនគួរ និយាយពាក្យទាំងនេះទេ តែគាត់ធ្លាប់ថាឲ្យរូបខ្ញុំខ្លាំងៗពេក (ឥឡូវខ្ញុំចង់ឲ្យ សេន ប៊ុនថេន បានលឺថា ខ្ញុំនេះនិយាយ ពិតឬទេ? ចេញពីមាត់របស់គាត់) អ្នកចង់ដាក់ ៨០០០$ មក សម្រាប់អ្នកឈ្នះតែ៨០$ សម្រាប់អ្នកចាញ់ហ៊ានទេ (សម្រាប់អ្នកពូកែនិយាយថាឲ្យគេនោះ” ។</span></p>
<p><span style="color: #000000;">រីឯកីឡាករ សេន ប៊ុនថេន សរសេរឆ្លើយតបវិញថា “ម្ចាស់ខ្សែក្រវាត់ ISKA ដូចជាចេះដឹងគួរសមដែរ ឯឈ្មោះក៏ល្បី ចុះហេតុអីបានជាសម្តី ចេញមកដូចជាមនុស្សមិនដែលចូលសាលា….ខ្ញុំដូចជាមិនព្រឺក្នុងរឿងនេះដែរ ។ បើខ្លួនឯងគ្រាន់ បើមែននោះ ហ៊ានដាក់ខ្សែក្រវាត់ ISKA ដែលមួយជីវិតបានតែមួយនេះទេ? បើហ៊ានដាក់ថ្ងៃកំណត់នៅឆ្នាំ២០១៥ ខ្ញុំស្វាគមន៍ម្ចាស់ខ្សែក្រវាត់ ISKA ជានិច្ច ។ ខ្ញុំឲ្យដាក់ពេលកំណត់នេះ ពីព្រោះខ្ញុំមានកម្មវិធីប្រកួតនៅក្រៅប្រទេសច្រើន ដែលគេមករកខ្ញុំព្រោះថាខ្ញុំបាទ សេន ប៊ុនថេន មិនមែនជាកង្កែបក្នុងអណ្តូងដូចម្ចាស់ខ្សែក្រវាត់ ISKA ទេ”</span></p>
<p><span style="color: #000000;">ការប្រើពាក្យសម្ដីសរសេរលើ Page ផ្ទាល់ខ្លួនខាងលើ បើទោះបីមានការរិះគន់យ៉ាងចាស់ដៃពីសំណាក់អ្នកគាំ ទ្រវិស័យ កីឡាក្នុងស្រុកយ៉ាងណាក្ដី ក៏កីឡាករជើងខ្លាំងទាំង២មិនព្រមបញ្ឈប់សកម្មភាពនេះដែរ ជាពិសេសនៅរសៀលថ្ងៃទី២៤ ខែវិច្ឆិកានេះកីឡាករ វ៉ន វីវ៉ា បានបន្ដសរសេរ ក្នុងគណនី Facebook ផ្ទាល់របស់គេថា “មិនបាច់ចាំប្រកួតអីទេខ្ញុំមិនចង់ ប្រកួតជាមួយអ្នកដែលចាញ់ច្រើននោះទេ! សុំឲ្យអ្នកនិយាយពិត មកបានហើយបងទុកឲ្យអ្នកខ្លាំងនិយាយចុះ បញ្ជាក់មក មើលថាតើការប្រកួតជាមួយគ្នាម្ដងៗនោះ មានដែរប្រើពាក្យទាំងនេះទេ (វៃល្មមៗអាពួកម៉ាកដែរឬទេ?) ក្នុងត្រឹមតែទឹកទី ៣ ឬទឹកទី៤ មុននឹងឆ្លើយសុំឲ្យអ្នកស្បថផង បើនិយាយមិនពិតសុំឲ្យប្រកួតចាញ់មួយជីវិត (A) ខ្ញុំ សេន ប៊ុនថេន ធ្លាប់និយាយមែនពីមុនជាមួយ វីវ៉ា, (B)ខ្ញុំ សេន ប៊ុនថេន មិនយាយទេពីមុនជាមួយ វីវ៉ា ។ (អ្នកដែលមិនដឹងសូមកុំឆ្លើយ អី) មានរឿងដែលល្អបំផុត មួយទៀតរបស់ឯងផងដែរ ជាអ្នកចង់បានខ្សែក្រវាត់ ពេករួបឯងអត់ទោសផងបាទ” ។</span></p>
<p><span style="color: #000000;">ទោះបីជាយ៉ាងណាពេលនេះ គេមិនទាន់ឃើញមានការប្រតិកម្មពីសំណាក់កីឡាករ សេន ប៊ុនថេន នៅឡើយទេ (លើ Page Facebook សេន ប៊ុនថេន) ។ ប៉ុន្ដែងាកទៅមើលការសរសេរបន្ដរបស់កីឡាករ វ៉ន វីវ៉ា គេហាក់សង្ស័យថា វីវ៉ា ខ្លាចបាត់បង់ខ្សែក្រវាត់ ISKA របស់ខ្លួន ដូច្នេះទើបបដិសេធមិន ប្រកួតជាមួយកីឡាករ សេន ប៊ុនថេន ដូច្នេះ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/24/11-24-2014-4-40-55-pm-24-11-2014--16-46-35.png"><img src="/FileManager/Articles/mce/2014/11/24/11-24-2014-4-40-55-pm-24-11-2014--16-46-35.png" alt="" /></a></span></p>
<p><a class="thickbox" title="" href="/FileManager/Commons/2014/11/24/11-24-2014-4-41-16-pm-24-11-2014--16-46-50.png"><img src="/FileManager/Articles/mce/2014/11/24/11-24-2014-4-41-16-pm-24-11-2014--16-46-50.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្ដល់សិទ្ធិដោយ៖ looking today</span></p>