<p><strong>ដោយយោងតាមប្រភពសារព័ត៌មានបរទេសដែលចេញផ្សាយនាប៉ុន្មានម៉ោងមុននេះ បាន</strong><br /><strong>អោយដឹងថា មានយុវសិស្សវ័យ ២០ ឆ្នាំម្នាក់ ហ៊ានប្រថុយជីវិតរបស់ខ្លួន ក្នុងការជួយ<br />សង្រ្គោះ</strong><strong>ជីវិតរបស់បុរសម្នាក់ផ្សេងទៀត ក្នុងការប៉ុនប៉ងធ្វើអត្តឃាត ដោយឈរអោយរថ<br />ភ្លើងបុក ដែល</strong><strong>មកទល់និងពេលនេះ បានអោយដឹងថា យុវសិស្សរូបនោះមានរបួសធ្ងន់ទៅ<br />នឹងជើងរបស់គេ</strong><strong>ដែលអាចពិការក៏ថាបាន។</strong></p>
<p><strong><a class="thickbox" title="" href="http://camnews.com.kh/FileManager/Commons/2012/7/16/20120716095603chinadailyliboyahero-16-07-2012--10-26-12.jpg"><img src="http://camnews.com.kh/FileManager/Articles/mce/2012/7/16/20120716095603chinadailyliboyahero-16-07-2012--10-26-12.jpg" alt="" width="505" height="328" /></a><br /></strong></p>
<p> <span style="color: #3366ff;">យុវសិស្សវ័យ ២០ ឆ្នាំរូបនោះ កំពុងដេកសំរាកព្យាបាលនៅមន្ទីរពេទ្យ</span></p>
<p>យុវសិស្សវ័យ ២០ ឆ្នាំរូបនោះមានឈ្មោះថា Li Boya ក៏កំពុងតែសម្រាកព្យាបាលជម្ងឺនៅក្នុងមន្ទីរ<br />ពេទ្យ Qinhuangdao នៅក្នុងខេត្ត Hebei ភាគខាងជើងប្រទេសចិន ។ បើតាមសម្តីរបស់លោកវេជ្ជ<br />បណ្ឌិតបានអោយដឹងថា ជើងឆ្វេងរបស់គាត់រងរបួសជាទម្ងន់ ដែលតំរូវអោយធ្វើការកាត់ចោល<br />រីឯ ជើងស្តាំរបស់គាត់វិញ ក៏កំពុងតែស្ថិតនៅក្នុងសភាពមួយយ៉ាប់យ៉ីនផងដែរ តែលោកគ្រូពេទ្យ<br />បាននិយាយដោយមានក្តីសង្ឃឹមថា លោកនិងព្យាយាមអោយអស់ពីសមត្ថភាពក្នុងការជួយសង្គ្រោះ<br />ជើងស្តាំរបស់គាត់ ដូច្នេះ នាពេលអនាគត គាត់និងត្រូវការជើងសិប្បនិម្មិតតែម្ខាង តែប៉ុណ្ណោះ។</p>
<p>លើសពីនេះទៅទៀត បើយោងតាមសម្តីរបស់លោកវេជ្ជបណ្ឌិត Zhang Xu ដែលជានាយកគ្រប់<br />គ្រងទូទៅខាងផ្នែកវះកាត់ ដៃ និង ជើងនៅក្នុងមន្ទីរពេទ្យនេះ បានអោយដឹងថា ៖ ស្ថានភាពរបស់<br />គាត់កំពុងស្ថិតនៅក្នុងការតាមដាន យ៉ាងហោចណាស់ ក្នុងអំឡុងពេល ១ សប្តាហ៏ទៀតទើបអាច<br />ដឹងបានថា តើស្ថានភាពជម្ងឺរបស់គេ និងមានការវិវត្តន៏យ៉ាងណានោះ។</p>
<p>គួរបញ្ជាក់ផងដែរថា រឿងហេតុការណ៍ដែលហ៊ានប្រថុយជីវិតក្នុងការជួយសង្គ្រោះបុរសម្នាក់ប៉ុនប៉ង<br />ធ្វើអត្តឃាត ដោយឈរអោយរថភ្លើងបុកនេះ បានកើតឡើងនៅវេលាម៉ោង 5:40 នាទីល្ងាច ដែល<br />នៅក្នុងពេលនោះ យុវសិស្សវ័យ ២០ ឆ្នាំដែលមានឈ្មោះថា Li Boya បានឃើញបុរសម្នាក់លោត<br />ចុះទៅឈរនៅលើផ្លូវខ្សែរថភ្លើង ដែលមានរថភ្លើងបានជិតមកដល់ផងនោះ ខណៈ ពេលដែលគេ<br />បានឃើញបែបនេះ គេក៏លោតចុះទៅជួយ តែជាអកុសលជើងទាំងគូររបស់គេ ត្រូវបានរថភ្លើង បើក<br />កិនពីរលើ ធ្វើអោយកំបុតទាំងពីរ ពោលគឺកំបុតក្រោមត្រឹមក្បាលជង្គង់ចុះក្រោម។</p>
<p><a class="thickbox" title="" href="http://camnews.com.kh/FileManager/Commons/2012/7/16/up844woman-16-07-2012--10-30-33.jpg"><img src="http://camnews.com.kh/FileManager/Articles/mce/2012/7/16/up844woman-16-07-2012--10-30-33.jpg" alt="" /></a></p>
<p>ក្រោយពីបាន កើតហេតុការណ៍មួយនេះ បើតាមទីភ្នាក់ងារសារព័ត៌មាន Beijing News បាន<br />អោយដឹងថា អាជ្ញាធរផ្លូវដែក នា ទីក្រុងប៉េកាំង ប្រទេសចិន បានផ្តល់ជាប្រាក់រង្វាន់ ដល់ទៅ<br /> $31,700 សំរាប់សកម្មភាពដ៏ក្លាហានរបស់គេមួយនេះ និងសន្យាថា ផ្តល់ការងារសមស្របមួយ<br /> ក្រោយពីគេបានបញ្ជប់ការសិក្សារបស់ខ្លួន ។ រីឯ បុរសដែលប៉ុនប៉ងធ្វើអត្តឃាតរូបនោះវិញ ត្រូវ<br />បានគេបញ្ជាក់ស្គាល់អត្តសញ្ញាណថា មានឈ្មោះ Liu Shichen មានវ័យ ៤១ ឆ្នាំហើយបើនិយាយ<br />ពីមូលហេតុដែលគាត់ប៉ុនប៉ងធ្វើអត្តឃាតនោះ ពុំទាន់ដឺងច្បាស់នៅឡើយទេ ដោយវាកំពុងស្តិត<br />នៅក្នុងការស៊ើបអង្កេតនៅឡើយ៕</p>
<p style="text-align: right;">ដោយ ៖ រិទ្ធី<br />ប្រភព ៖ asiaone</p>