<p>ព័ត៌មានអន្តរជាតិ ៖ ថ្ងៃព្រហស្បត្តិ៍ ម្សិលមិញនេះ អង្គការសហប្រជាជាតិ បានគូសបញ្ជាក់អោយដឹង តំបន់អាស៊ី ភាគអាគ្នេយ៍ គឺជាចំនុចក្តៅ ប្រឈមខ្លាំងបំផុត របស់ពិភពលោក ក្នុងការវាយប្រហារ ពី សំណាក់ក្រុមចោរសមុទ្រ នេះបើយោងតាមការដកស្រង់ សម្រង់អត្ថបទផ្សាយ ពីគេហទំព័រសារព័ត៌មានបរទេស សឹង្ហបុរី Channelnewsasia ។ </p>
<p>របាយការណ៍ ពីវិទ្យាស្ថាន ស្រាវជ្រាវ និង ហ្វឹកហ្វើន របស់អង្គការសហប្រជាជាតិ United Nations Institute for Training and Research (UNITAR) បញ្ជាក់បានអោយដឹងថា កាលពីឆ្នាំកន្លងទៅនេះ ទូក ២៨ គ្រឿង ត្រូវបានវាយប្រហារ នៅឯភាគខាងលិច ឈូងសមុទ្រប្រទេសឥណ្ឌា ។</p>
<p><a class="thickbox" title="" href="/FileManager/Commons/2014/6/13/08-13-06-2014--11-54-21.jpg"><img src="/FileManager/Articles/mce/2014/6/13/08-13-06-2014--11-54-21.jpg" alt="" /></a></p>
<p>បើធៀបទៅនឹងខែ មករា ឆ្នាំ ២០១១ នៅឯប្រទេស ស៊ូម៉ាលី ឯណោះវិញ មានការវាយប្រហារពីសំ ណាក់ក្រុមចោរសមុទ្រ ជាច្រើនលើកច្រើនសា ពោល បានចាប់មនុស្ស ដល់ទៅ ៧៣៦ នាក់ធ្វើជា ចំណាប់ខ្មាំង ក្រោយវាយប្រហារ ទូក ៣២ គ្រឿង ទាំងនៅតំបន់ដីគោក និងដែនវិសាលភាពសមុទ្រ</p>
<p>យ៉ាងណាមិញ បើ តាម ការអោយដឹងពី ការិយាល័យសមុទ្រ អន្តរជាតិ កាលពី អំឡុងខែមុន នេះ បញ្ជាក់អោយដឹងថា ក្នុងអំឡុងខែ មករា មីនា មានការវាយ ប្រហារ ក៏ដូចជា ប៉ុនប៉ង វាយប្រហារ ដល់ទៅ ២៣ លើកឯណោះ ពី សំណាក់ក្រុមចោរសមុទ្រ ភាគច្រើននៅលើ ដែនវិសាលភាព សាគរ ប្រទេសម៉ាឡេស៊ី ។</p>
<p>ចំនួននៃការវាយប្រហារ មិនមានសញ្ញាណ ណាមួយ បញ្ជាក់ថា បានធ្លាក់ចុះនោះទេ ។ គួររំឭកថា ការវាយប្រហារ នៅលើផ្ទៃសាគរ មានការកើនឡើង គួរអោយកត់សម្គាល់ ខណៈការវាយប្រហារនៅ ឯតំបន់កំពង់ផែ មានការធ្លាក់ចុះបន្តិចបន្តួច នេះបើតាមការអះអាង ពី UNITAR ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ channelnewsasia</p>