<p><span style="color: #000000;"><strong>ភ្នំពេញ៖</strong> ម្ចាស់មេដាយមាសកីឡាអាស៊ីកញ្ញា ស៊ន សៀវម៉ី នៅព្រឹកថ្ងៃទី១៨ ខែតុលា ឆ្នាំ២០១៤នេះកញ្ញាបានចូល ក្រាបបង្គំគាល់ព្រះមហាក្សត្រ នៃព្រះរាជាណាចក្រកម្ពុជា ព្រះករុណា សម្ដេចព្រះបាទ នរោត្តម សីហមុនី និងសម្តេចព្រះមហាក្សត្រី ព្រះវររាជមាតាជាតិខ្មែរ តាមការអនុញ្ញាត នៅក្នុងព្រះរាជដំណាក់គន្ធបុប្ឋា នៃព្រះបរមរាជវាំង ។</span></p>
<p><span style="color: #000000;">លោក វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា បានថ្លែងឲ្យដឹងថា “ក្នុងឱកាសចូលគាល់ព្រះ មហាក្សត្រ និងសម្ដេចម៉ែ កាលពីវេលាម៉ោង ១១:០០នាទីព្រឹកមិញនេះ គឺបានប្រព្រឹត្តទៅក្នុងរយៈពេល ប្រមាណជា កន្លះ ម៉ោង ដោយមានការចូលរួមពីលោក ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការ ជាតិអូឡាំពិកកម្ពុជា, ម្ដាយកញ្ញា ស៊ន សៀវម៉ី និងកញ្ញា ស៊ន សៀវម៉ី និងរូបខ្ញុំ” ។</span></p>
<p><span style="color: #000000;">អគ្គលេខាធិការខាងលើបានបន្ដថា ដើម្បីជាការលើកទឹកចិត្ត និងអបអរសាទរកីឡាការិនីតេក្វាន់ដូ ស៊ន សៀវម៉ី ដែល ដណ្ដើមបានមេដាយមាស ពីកីឡាអាស៊ី ជូនដល់ប្រទេសជាតិកម្ពុជា នោះព្រះករុណា សម្ដេចព្រះបាទ នរោត្តម សីហមុនី បានប្រទាន ប្រាក់រង្វាន់ចំនួន ៣,០០០ដុល្លារ ខណៈសម្ដេចម៉ែ ប្រទានទឹកប្រាក់ចំនួន ២,០០០ដុល្លារឲ្យកញ្ញា ស៊ន សៀវម៉ី ។</span></p>
<p><span style="color: #000000;">មិនត្រឹមតែប៉ុណ្ណោះព្រះមហាក្សត្រ ទ្រង់បានប្រទាននូវសៀវភៅឯកសារ ស្ដីពីប្រវត្តិកីឡារបស់សម្ដេចតា និងគប់ ឬជ័យភ័ណ្ឌ (Trophy) ដែលជាកិត្តិយស ដ៏ធំធេងប្រទានដល់ កីឡាការិនី ស៊ន សៀវម៉ី ទៀតផង ។</span></p>
<p><span style="color: #000000;">សូមរំឭកថា កីឡាការិនី ស៊ន សៀវម៉ី បានដណ្ដើមយកមេដាយមាស ក្នុងព្រឹត្តិការណ៍ Asian Games លើកទី១៧ នៅទីក្រុង Incheon សាធារណរដ្ឋកូរ៉េ កាលពីថ្ងៃទី០៣ ខែតុលាកន្លងទៅនេះ ក្រោយយកឈ្នះកីឡាការិនីអ៊ីរ៉ង់ នៅវគ្គ ផ្ដាច់ព្រ័ត្រក្នុងលទ្ធផល ៧-៤ ប្រភេទទម្ងន់ ក្រោម៧៣គីឡូក្រាម ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/19/v0258-19-10-2014--11-20-47.jpg"><img src="/FileManager/Articles/mce/2014/10/19/v0258-19-10-2014--11-20-47.jpg" alt="" /></a></span></p>
<p><a class="thickbox" title="" href="/FileManager/Commons/2014/10/19/v0259-19-10-2014--11-20-54.jpg"><img src="/FileManager/Articles/mce/2014/10/19/v0259-19-10-2014--11-20-54.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/10/19/v0258-19-10-2014--11-20-47.jpg"></a></span></p>
<p><a class="thickbox" title="" href="/FileManager/Commons/2014/10/19/v0260-19-10-2014--11-21-02.jpg"><img src="/FileManager/Articles/mce/2014/10/19/v0260-19-10-2014--11-21-02.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>